Yọọn 8:46 - Ñwed Abasi Ke Ikọ Ibibio Ayo Mfịn

⁴⁶ Anie ke atu ndufo keed akeme itañ ke imimmʌm miin ke idiọọkñkpọ ndomokeed? Adieke ami ntañña akpanikọ, nso ido ke ndufo enịm se ami ntañ?

Yọọn 8:46 ပူးပေါင်းရင်းမြစ်များ

Matiu 21:25

Uduọkmmọọñ Yọọn aketo uke? Aketo edem anyọñ, me aketo awo?” Ammọ emaeneme ke otu idem ammọ ndin ete, “Ikpibo, ‘Aketo edem anyọñ,’ anye ayaabo, ‘ndin ntak a-ndufo mmiikinịmme anye ke akpanikọ-ọ?’

Maak 11:31

Ammọ emaedọñọ adu ke idem ammọ ete, mmimọ ikpibo. “Ato abio Abasi, anye ayaibịp, ‘Ntak a-ndufo mmiikinịmme anye ke akpanikọ-ọ?’

Yọọn 14:30

Ami ndiitañña uwak ikọ ye ndufo ñkan ado aba sia idiọọk adidem ederimbod ami asʌk adi. Anye inieeghe adudu ke idem mmi,

Yọọn 15:10

Ndufo ekpenịm ibed mmi, eyaedʌñ ke ima mmi, kpa naña ami nnịm ibed Ete mmi ñnyʌñ mba ke ima amọ.

Yọọn 16:8

Anye amaadi, anye ayaabiom mbon ederimbod ikpe ke idiọọkñkpọ ye unenido ye ubiireikpe:

Yọọn 18:37

Baided ndin abịp anye, “Ke ntodo, nte afo ado adidem?” Yisọs amaanọ ibọọrọ ate, “Afo abo ke ndo adidem. Ke aditịm ntañ, ntak a-ami ñkemanake ñnyʌñ ndi ke ederimbod ado adinam ekondo ediọọñọ akpanikọ. Afịd awo se ima akpanikọ edo mme andikop uyo mmi.”

Yọọn 8:47

Awo ake adodo a-atooho Abasi akop se Abasi atañ. Ntaha ndufo mmiikamma ikop se ntañ ado ke ndufo idooho ake Abasi.”

Yọọn 8:7

Ke ammọ adisʌk nyiire ntọọñ anye mbịme ami, anye amaanekke ada anyʌñ abo, “Yak keed ke atu ndufo akenam mmiinamma idiọọk ñkpọ ato aben itiad atọ awonwaan ami.”

2 Kọrint 5:21

Abasi akenam anye a-miikinieeghe idiọọkñkpọ akappa ado idiọọkñkpọ ke ntak ñnyịn; mbaak ato do ñnyịn ke anye ikappa ido edinenido Abasi.

Ibru 4:15

Sia ñnyịn inieeghe utọ akwa aku a-mmiikanna adinie esịd mbọm mbaña mme mmemidem ñnyịn, ado inie anye a-adooho emaedomo anye ke afịd-afịd usʌñ naña enyʌñ idoomo ñnyịn, ado anye ikinamma idiọọkñkpọ.

Ibru 7:26

Utọ akwa aku ado ke akpanikọ akeme iyọ mme mfịna ñnyịn. Anye a-adooho adisana, anana ndo, asana ama, e-emaekebakka anye ekpọñ mme anam idiọọk, edịppe anye edọọk ebọhọ mme ikpaanyọñ.

1 Bita 2:22

“Anye ikinamma idiọọkñkpọ nte keed, ndin nsu nte keed ikibaaha ke inua amọ”