Yọọn 8:31 - Ñwed Abasi Ke Ikọ Ibibio Ayo Mfịn

³¹ Yisọs amaabo mme Yuu e-ekenịmme anye ke akpanikọ ate: “Adieke ikọ mmi idʌññọ ndufo ke idem, ke akpanikọ ndufo edo mbed mmi.

Yọọn 8:31 ပူးပေါင်းရင်းမြစ်များ

Matiu 24:13

Ado awo a-asọñọke ada akewuọ utịd eyaenyaaña anye.

Yọọn 1:47

Ke ini Yisọs akekịtte Natanied nte adi, anye amaabo, “Ata ayịn Isred ado ami, abiaaña ndomokeed isịneke anye ke idem.”

Yọọn 2:2

Emaenyʌñ ekood Yisọs ye mme mbed amọ.

Yọọn 6:55

Sia ikpọkidem mmi ado ata ndidia, iyiib mmi anyʌñ ado ata adinwọñ ñkpọ.

Yọọn 8:36

Ndin edieeke Ayịn anamma yak ndufo ebọkkọ, ndufo eyaebọkkọ ke akpanikọ.

Utom 13:43

Ke atu awo emaekesuana, umiañ ke atu mme Yuu ye mme andikpono Abasi ake Yudaisịm emaekeene Bọọd ye Banabas e-eketañña ikọ ye ammọ, enyʌñ enam ammọ ediọọñọ ke afọn adika iso mba ke mfọn Abasi.

Utom 14:22

esọọñọ mme ibed idem, enyʌñ edọñ ammọ esịd ete esọñ eda ke akpanikọ ye ke mbuọdidem. Ammọ emaebo mme ibed ete, “Ana ñnyịn iboiyo ke uwak ndutʌghọ nọ ikan idʌk abio ubọọñ Abasi.”

Utom 26:22

Ado mmenie unwam Abasi tutu asịm mfịn ami; ke ntodo ami mmeda mi aditañ ke esịd akpanikọ nnọ etək-etək ye ekandịk ukem-ukem. Ntañña ñkpọ ndomokeed ñwuọ ñkpọñ se Moses ye mme brọfed emaeketañ ke ayaatịppe,

Ñwed Mbon Rum 11:22

Kere ndin baña mfọn ye nsọñido Abasi: Nsọñido anọ mbon e-emaekeduọññọ, ado mfọnido unọ fiin, afo akpeakap akaiso amʌm mfọnido amọ akama. Mmiidooho ntodo eyaukpịkke fiin ñko esio.

Ñwed Mbon Rum 2:7

Amaado mbon e-esịnne ifịk ke adinam nti ñkpọ, eyem ubọọñ, ukpono mme unana ñkpa ke nsi-nsi, anye ayaanọ nsi-nsi uwem.

Kodosi 1:23

adieke ndufo ekaaha iso ke mbuọdidem ndufo, e-esọọñọ eda, e-enie iwuuk, ifemmeke ikpọñ eti etob. Anye ami ñko ado eti etob andufo ekekoppo enyʌññọ ekwọrọ enọ afịd ñkpọ se Abasi abot ke ikpaanyọñ, ndin a-ami, Bọọd, ñkappake ndo afʌn nnọ.

1 Timoti 2:15

Ado eyaenyaaña ibaan ke ntak uman ayịn, adieke ammọ ekaaha iso eba ke mbuọdidem, ima, adisana uwem ye mfadidem.

1 Timoti 4:16

Kpeme uwem mfo ye ukpeebñkpọ mfo sịk-sịk. Sọọñọ yịre ke adinam utom ami nọ ato do afo anyaaña idem mfo, ye mbon e-ekoppo ikọ mfo.

2 Timoti 3:14

Amaado afo yiire ke se akekpeeb anyʌñ adiọọñọ ke ado akpanikọ; sia amediọọñọ mbon a-afo akekpeebe ato,

Ibru 3:14

Ñnyịn imidi adiwuana ke Krais adieke ñnyịn idiikan isọñ ubọk imʌm mbuọdidem a-ñnyịn ikinieeghe ke akpa ikama tutu asịm utịd.

Ibru 8:9

Anyem idiibaaha nte edioomo añkenamma ye mme eteete ammọ ke ini ñkemʌmmọ ammọ ke ubọk ndat ñwuọ ñkpọñ Iyịpt, sia ammọ ikisọọñọke ida ke ewʌhọ mmi, ndin ami mmaawọññọ ñkpọñ ammọ, Abọọñ atañ.

Yemsi 1:25

Ado awo a-asọññọ anyen ase mfọnmma ibed a-asiooho awo ke ufịn anyʌñ akaiso adinam ami, ifreke se anye akekop, ado akaiso anam anye eyaediọñ anye ke se anye anam.

1 Yọọn 2:19

Afịd ekewuọọñọ eto ke atu ñnyịn; ado ammọ idooho ake ñnyịn. Akpedo ekedo ake ñnyịn, ammọ ekpaekesọọñọ eda ye ñnyịn; ado ediwuọọñọ ammọ anam ñnyịn idiọọñọ ke ammọ ikidoññoke ake ñnyịn.

1 Yọọn 2:24

Yak se ndufo ekekop tọọñọ ke editọọñọ asọọñọ asịnne ke uwem ndufo. Se ekekop tọọñọ ke editọọñọ akpesọọñọ asịnne ke uwem ndufo, ndufo eyaekaiso e-edʌñ ke Ayịn ye ke Ete.

2 Yọọn 1:9

Awo ake adodo a-afegheke akpọñ ukpeebñkpọ Krais inieeghe Abasi; awo a-akaaha iso ke ukpeebñkpọ Krais anie Ete anyʌñ anie Ayịn.