Yọọn 8:3 - Ñwed Abasi Ke Ikọ Ibibio Ayo Mfịn

³ Mme andikpeeb ibed ye mme Farisi emaeben awonwaan keed edi e-ekemʌmmọ naña asịn efịbe. Ammọ emaenam anye adada ke iso ammọ,

Yọọn 8:3 ပူးပေါင်းရင်းမြစ်များ

Matiu 2:4

Ke ini anye amaakekood afịd ikpọ aku ye mme andikpeeb ibed ibon keed, anye abịp ammọ abaña itie akenaaha Krais amana.

Yọọn 8:2

Ke ata ubakusen, anye amaatịmme aka afe tembịd, a-mme afịd awo ekekekannake anye ekʌk, ndin anye amaasuuk atie anyʌñ atọọñọ adikpeep ammọ ñkpọ.

Yọọn 8:4

enyʌñ ebo Yisọs, “Andikpeeb, ekemʌm awonwaan ami naña asịn efịbe.

Yọọn 8:9

Ke ini ammọ ekoppo ami ammọ edaaña keed-e-keed, tọọñọ ke ñkpoon awo tutu asịm ata akpatre, ndin Yisọs ikpọọñ mme awonwaan ami edisʌhọ, anye anyʌñ asʌk ada ke nte akeda.

Yọọn 9:13

Ammọ emaeben ete a-akedọñọke nnan do ebịne mme Farisi.

Utom 4:7

Ammọ emaeben Bita ye Yọọn edi ke iso ammọ enyʌñ etọọñọ adibịp ammọ mbịme: “Ke nso-o utọ adudu, ye ke anyịñ anie ke ndufo ekenam afịd ami?”

Ñwed Mbon Rum 7:3

Ndin, adieke awonwaan ado aniehe ebuana ye awodeen mfen ke ini ebe amọ abaaha ke uwem, ekood awonwaan ado asịn efịbe. Ado adieke ebe amọ akpaaha etat anye esio ke idak ibed ndọ, ndin anye idooho asịn efịbe aba, akpekọm anye adọ ebe mfen.