Yọọn 8:29 - Ñwed Abasi Ke Ikọ Ibibio Ayo Mfịn

²⁹ Anye a-akendọññọ ndi mmọdo ye ami, anye inyʌññọ insaana miin iyaak ikpọọñ, sia afịd ini ami nsie nam se inem anye esịd.”

Yọọn 8:29 ပူးပေါင်းရင်းမြစ်များ

Matiu 17:5

Ke ini anye asʌkkọ atañ ntom, nyamma-nyamma ntọñanyọñ adifʌk ammọ akanna; ndin uyo ato ntọñanyọñ ami ate, “Anye ami ado Ayịn mmi a-mmaaha, nnyʌñ nnem esịd ye anye. Ikpañ utọñ inọ anye.”

Matiu 3:15

Yisọs abọọrọ anye ate, “Yak aba ntodo nọ ikọ Abasi asu.” Ndin Yọọn anyịmme.

Matiu 3:17

Ndin uyo ato ikpaanyọñ abo ate, “Anye ami ado adima Ayịn mmi, a-ami mmaaha eti-eti.”

Yọọn 14:31

ado anye adi ma ederimbod ediọọñọ ebo ke ami mmema Ete ñnyʌñ nnam se Ete mmi andọñ ami nnam. “Ndufo idi ndin, yak ñnyịn ika.”

Yọọn 15:10

Ndufo ekpenịm ibed mmi, eyaedʌñ ke ima mmi, kpa naña ami nnịm ibed Ete mmi ñnyʌñ mba ke ima amọ.

Yọọn 16:32

Ado ini ayaadi, anyʌñ adidi ama, a-ndufo ediisuana, anie afañ awaak adʌk. Eyaefeeñe eñkpọñ miin ikpọọñ. Ado ami mbaaha ikpọọñ, sia Ete mmi mmọdo mme ami.

Yọọn 17:4

Ami mmunọ fiin ubọọñ ke isọñ ke adikweeñe utom afo akendọññọ abo yak nnam.

Yọọn 4:34

Yisọs abo, “Ndidia mmi ado adinam uduak anye a-akendọññọ miin ñnyʌñ ñkweeñe utom amọ.

Yọọn 5:30

Ami ñkemekke adinam ñkpọ ndomokeed ke idem mmi; ami mbiire ikpe ñkeene se ñkop ndin ubiire ikpe mmi ado unen, sia ami ñyemme adinem idem mmi esịd ado anye a-akendọññọ utom.

Yọọn 6:38

Sia ami mmeto abio ubọọñ Abasi ndi adinam uduak a-Abasi akendọññọ, idooho adinam uduak idem mmi.

Yọọn 8:16

ami mbiommo awo ndomokeed ikpe. Ado adieke mbiireke ikpe, ubiireikpe mmi ado akpanikọ, sia ami ndaaha ikpọọñ mbiire. Ami nda ye Ete, andikindọñ miin.

2 Timoti 4:17

Ado Abasi amaada ye ami, anyʌñ annọ adudu adikwọrọ ikọ ayọhọ-ayọhọ, adinyʌñ nnam mme Yentaid ekop. Ke ntak ami ke ekensio miin ke inua ekpe.

2 Timoti 4:22

Abọọñ aba ye sịbidịd mfo. Mfọn aba ye afo.

Ibru 4:15

Sia ñnyịn inieeghe utọ akwa aku a-mmiikanna adinie esịd mbọm mbaña mme mmemidem ñnyịn, ado inie anye a-adooho emaedomo anye ke afịd-afịd usʌñ naña enyʌñ idoomo ñnyịn, ado anye ikinamma idiọọkñkpọ.

Ibru 7:26

Utọ akwa aku ado ke akpanikọ akeme iyọ mme mfịna ñnyịn. Anye a-adooho adisana, anana ndo, asana ama, e-emaekebakka anye ekpọñ mme anam idiọọk, edịppe anye edọọk ebọhọ mme ikpaanyọñ.

1 Yọọn 2:1

Ndima nditọ mmi, ñwet ñkpọ ami inọ ndufo mbaak ndufo idinam idiọọkñkpọ. Ado, adieke awo ake adodo anamma idiọọkñkpọ, ñnyịn iminie akpeemem ke ufọọd ñnyịn ye Ete, Yisọs Krais a-adooho Andinen.

1 Yọọn 3:22

inyʌñ ibọ ñkpọ ake adodo a-ñnyịn ibeeñeke anye, sia ñnyịn iminịm mme ibed amọ, inyʌñ inam ñkpọ se inem anye esịd.