Yọọn 8:24 - Ñwed Abasi Ke Ikọ Ibibio Ayo Mfịn

²⁴ Ami mmidọdọkkọ ndufo, eyaekpañña ke idiọọkñkpọ ndufo; ih, adieke ndufo mmiinịmme ke akpanikọ ke ami ndo anye, ndufo eyaekpañña ke idiọọkñkpọ ndufo.”

Yọọn 8:24 ပူးပေါင်းရင်းမြစ်များ

Matiu 24:5

Sia uwak eyaedi ke anyịñ mmi edibo, ‘Ami ndo Mesaya,’ eyaenyʌñ ebiaaña uwak awo.

Maak 13:6

Sia uwak awo eyaewuọ edi ke anyịñ mmi, edibo ndufo ete, ‘Ami ndo anye,’ eyaenyʌñ enam umiañ awo ewakka ekpọñ usʌñ.

Maak 16:16

Awo ake adinịm ke akpanikọ, anyʌñ abọ uduọkmmọọñ, eyaenyaaña anye, ado awo ake atre adinịm ke akpanikọ, ikpe ayaabiom anye.

Eti Etob Naña Duk Awet 21:8

Anye amaabọọrọ, “Ikpeme mbaak edibiaaña ndufo. Sia mme awo eyaedi ke anyịñ mmi, ete, ‘Ami ndo anye’ ye ‘Ini akpere.’ Ikiikeene ammọ.

Yọọn 13:19

“Nnam ndufo ediọọñọ idahami, mbaak amaatịppe ndufo enịm ke akpanikọ ke ami ndo ndudu.

Yọọn 3:18

Awo ake adodo anịmme anye ke akpanikọ, awo idiibiommo anye ikpe, ado awo ake adodo a-mmiinịmme anye ke akpanikọ, ekap ebobiom anye ikpe, sia anye inịmme ke anyịñ ukweeñe Ayịn keed a-Abasi anieeghe ke akpanikọ.

Yọọn 3:36

Awo ake adodo anịmme Ayịn ke akpanikọ anie nsi-nsi uwem, ado awo keed ake adodo asịne Ayịn idiikịtte uwem, sia iyadesịd Abasi adoro anye ke idem.”

Yọọn 4:26

Ndin Yisọs abo, “Ami a-nsʌkkọ ntañ ikọ ye afo mi, ami ndo anye.”

Yọọn 8:21

Anye amaamaana abo ammọ: “Ami ñyaanyọñ, ndufo eyaenyem miin, ndin ndufo eyaenyʌñ ekpañña ke idiọọkñkpọ ndufo. Itie nte ami ñka ndufo idikanna idi.”

Yọọn 8:25

Do ndin ammọ emaebịp anye ete, “Afo ado anie?” Yisọs amaabọọrọ ammọ ate: “Se ami ñkese idọdọkkọ ndufo toto ke aditọọñọ.

Yọọn 8:28

Do ndin Yisọs amaabo: “Ke ini ndufo emaebenne Ayịn Awo ke enyọñ, ndufo eyaediọọñọ ke ami ndo awo ado, ñko ke ami nnamma ñkpọ nte keed ke adudu idem mmi, ado ntañ sʌk se Ete akeñkpeeb miin.

Yọọn 8:58

Yisọs abọọrọ ammọ ate, “Ke ata akpanikọ ami ntañ inọ ndufo, mbemiso Ebraham adimana, ami mmebaba.”

Utom 4:12

Adinyaaña ibaaha ke awo mfen ndomokeed, sia anyịñ ndomokeed mfen ibaaha ke idak ikpaanyọñ e-enọọhọ uduudawo, a-anaaha ñnyịn ibọ adinyaaña ito.”

Ibru 12:25

Ikịt ibo ke ndufo isịnne anditañ ikọ ami. Adieke ammọ mmiikibọkkọke ke ini ekesịnne adikop uyo anye a-aketañña ikọ anọ ammọ mi ke isọñ, die ndin ke ñnyịn idiibọkkọ, adieke ñnyịn ikannake iso ikpọñ anye a-atieeghe ke abio ubọọñ Abasi atañ ikọ inọ ñnyịn?

Ibru 2:3

die ke ñnyịn idiibọkkọ adieke ñnyịn isịnne utọ ekamba adinyaaña ukpọñ ami? Adinyaaña ukpọñ ami Abọọñ ke idem amọ akebemme iso asian, ndin mbon e-ekekoppo enyʌñ esọọñọ inọ ñnyịn.