Yọọn 8:14 - Ñwed Abasi Ke Ikọ Ibibio Ayo Mfịn

¹⁴ Yisọs amaabọọrọ ammọ, “Ñkpekọm ami ñkpetie ntiense nnọ idem mmi, ikọ ntiense mmi ado akpanikọ, sia ami mmediọọñọ nte ami ñketo ndi ye nte ami ñka. Ado ndufo inieehe ifiọk ibaña nte ami nto ndi mme nte ami ñka.

Yọọn 8:14 ပူးပေါင်းရင်းမြစ်များ

Yọọn 10:15

kpa daña Ete andiọọñọ miin, ami ñko ñnyʌñ ndiọọñọ Ete; ñnyʌñ ñyaak uwem mmi nnọ edọñ mmi.

Yọọn 10:36

maama dise ndin anye a-Abasi akesiooho anịm saña-saña nte akemọ anyʌñ anọ adi ke ederimbod? Ntagha a-ndufo ebooho ke mmesappa anyịñ Abasi ke ami adibo, ‘Ami ndo Ayịn Abasi’?

Yọọn 13:3

Yisọs amaadiọọñọ ke Ete amaayaak ukeed ñkpọ asịn ke adudu imọ, ñko ke imọ ikito Abasi idi, idiinyʌñ inyọñ ibịne Abasi;

Yọọn 14:10

Nte ndufo inịmme ke ami mba ke Ete, Ete aba ñko ke ami? Se ami ntañ inọ ndufo intooho miin. Ado Ete a-andʌññọ miin ke idem anam utom amọ.

Yọọn 16:28

Ñketo Ete ndidʌk ederimbod; idahami ami ñyaakpọñ ederimbod ntịmme mbịne Ete mmi.”

Yọọn 17:8

Sia ami mmaanọ ammọ ikọ a-afo akennọọhọ miin ndin ammọ emaenyịmme. Ammọ emaediọọñọ ayọhọ-ayọhọ ete ke ami ñkuto fiin ndi, ndin ammọ emaenịm ke afo akendọñ miin.

Yọọn 18:37

Baided ndin abịp anye, “Ke ntodo, nte afo ado adidem?” Yisọs amaanọ ibọọrọ ate, “Afo abo ke ndo adidem. Ke aditịm ntañ, ntak a-ami ñkemanake ñnyʌñ ndi ke ederimbod ado adinam ekondo ediọọñọ akpanikọ. Afịd awo se ima akpanikọ edo mme andikop uyo mmi.”

Yọọn 5:31

“Adieke ñkpetieeghe ntiense mbaña idem mmi, ntiense mmi idooho akpanikọ.

Yọọn 8:42

Yisọs amaabọọrọ, “Adieke Abasi akpedooho Ete ndufo, ndufo ekpaemma miin, sia ami nto Abasi ndi. Ami ñkedieeghe ke uduak idem mmi, ado anye akennọ ndi.

2 Kọrint 11:31

Abasi ye Ete Abọọñ ñnyịn Yisọs, u-ubọọñ anieeghe ediitooro anye ke nsi-nsi, a-adiọọñọke nsʌhọke nsu.

2 Kọrint 12:11

Mmekappa ndo ndisịme; ado ndufo ekennək esịn do. Akpena ndufo ekentooro miin, sia ami nsịppesịp ñkan mme “ikpọ ndịk abọsịd,” akpesʌk ado ami mendooho ñkpọ ndomokeed.

2 Kọrint 12:19

Iba ndufo nte ke afịd se inwana itañ ami ado ñnyịn adinyaaña idem ñnyịn ke iso ndufo? Ñnyịn itie ke iso Abasi itañ mme ikọ ami nte mbon e-ebaaha ke Krais; ndin afịd se inam, mme ndima ufan, ado adisọọñọ ndufo idem.

Adiyaara 1:5

anyʌñ ato Yisọs Krais andinọ ntiense akpanikọ, akpa ke atu mme andised ke ñkpa ye Andikara mme ndidem ederimbod. Ubọọñ mme adudu enie anye i-imaaha ñnyịn, a-anyʌññọ adat iyiib amọ ayet ñnyịn asio ke ndiọiñkpọ,

Adiyaara 3:14

“Wet nọ enyere ufọkabasi Daodisia: Ami ado mme ikọ andido Amen, andisọọñọ nda mme ntiense akpanikọ, anye a-adooho andikara afịd se Abasi akebot.