Yọọn 7:39 - Ñwed Abasi Ke Ikọ Ibibio Ayo Mfịn

³⁹ Anye aketañ ami abaña Sịbidịd a-mbon ekenịmme anye ke akpanikọ ekenaaha nte ebọ. Sia tutu akewuọ idahado awo ikinọọhọ awo ntekeed Sịbidịd dion, sia Yisọs ikidʌkkọ ubọọñ amọ dion.

Yọọn 7:39 ပူးပေါင်းရင်းမြစ်များ

Matiu 16:14

Ndin ammọ ebọọrọ, “Ubaak ebo Yọọn Aduọkmmọọñ, ubaak ebo Edaiya, ubaak ete Yerimaya, me keed ke atu mme brọfed.”

Matiu 21:11

Mme atu awo ami emaebọọrọ ete, “Ami do Yisọs, brọfed a-atooho Nasared ke Kadidi.”

Eti Etob Naña Duk Awet 24:49

Ami ñyaanọ se Ete mmi akenwọñọ isọk ndufo; ado iba ke abio Yerusedem tutu adudu ato anyọñ isịm ndufo.”

Eti Etob Naña Duk Awet 3:16

Yọọn amaadọkkọ ammọ ate, “Ami ñkama mmọọñ inịm ndufo uduọkmmọọñ. Ado aba awo a-akponno añkan adidi, a-ami ndiidotto aditat udʌk ikpaukod amọ. Anye ayaiduọk ndufo mmọọñ ke Adisana Sịbidịd ye ikañ.

Eti Etob Naña Duk Awet 7:16

Idem amaakpa afịd awo, ndin ammọ emaenyʌñ etooro Abasi ete, “Akwa brọfed awuọ awọt idem ke ufọọd ñnyịn, Abasi adise ikọd amọ.”

Yọọn 1:21

Ammọ emaebịp anye ete, “Ndin afo ado anie? Afo ado Edaiya?” Anye abọọrọ, “Ami ndooho.” “Afo ado Brọfed?” Anye abọọrọ, “Iyo-o.”

Yọọn 1:25

emaebịp anye ete, “Nsinam afo aduọk mme awo mmọọñ adieke afo mmuudooho Mesaya, udooho Edaiya, unyʌññọ udo Brọfed ado?”

Yọọn 1:33

Ami ñkpekediọọñọke anye ke idem mmi, ado anye a-akendọññọ ndiduọk mmọọñ amandọkkọ miin, ‘Awo a-afo akịtte nte Adisana Sịbidịd adidoro ke idem ado anye a-adiikama Adisana Sịbidịd inịm uduọkmmọọñ.’

Yọọn 12:16

Ñkpọ ami ikinwañake mme mbed amọ akpa ado. Ado ke emaekeben Yisọs edọọk ke ubọọñ ke akenwaña ammọ nte ke emaewet mme ñkpo ami ebaña anye, ñko ke enyʌñ enam afịd mme ñkpọ ami enọ anye.

Yọọn 12:23

Yisọs abọọrọ ate, “Ini akem e-ebooho inọ Ayịn awo ubọọñ.

Yọọn 14:13

Se idodo a-ndufo ebeeñeke ke anyịñ mmi ñyaanam, ma Ete abọ itooro ato ke Ayịn.

Yọọn 14:26

Ado Idọñesịd, Adisana Sịbidịd, e-Ete adidọñ ke anyịñ mmi ayaikpeeb ndufo afịd ñkpọ anyʌñ itoiyo ndufo afịd se ami ntañ inọ ndufo.

Yọọn 16:14

Anye ayaannọ miin ubọọñ sia anye ayaadat se into miin aben iwọt ndufo.

Yọọn 16:7

Ado ke ataa akpanikọ ami ntañ inọ ndufo, ami ñka ke ufọn ndufo. Ami mmiikpọññọ ndufo, Anọitem idiidieghe ibịne ndufo; ado mmaaka, ami ñyaanọ anye isọk ndufo.

Yọọn 17:1

Ke Yisọs amaaketañ ikọ ami ama, anye amaadịppe anyen ase abio ubọọñ Abasi anyʌñ abọñ akam abo ate: “Ete, ini akem afo adinọ Ayịn mfo ubọọñ nọ Ayịn mfo unọ fiin ubọọñ.

Yọọn 17:5

Ndin, idahami, Ete nnọ miin ubọọñ ke iso mfo ke ubọọñ ami ñkenieeghe ye afo mbemiso ntọọñọ ederimbod.

Yọọn 20:22

Aketañ ami ama, anye amaanweek adudu aduọk ammọ anyʌñ abo, “Ibọ Adisana Sịbidịd.

Yọọn 6:14

Mme awo emaekekịt mme idiọọñọ ñkpọntịbe a-Yisọs akenamma, ammọ etọọñọ adibo, “Ke akpanikọ awo ami ado Brọfed adidi ke ederimbod ami.”

Yọọn 7:12

Emaetaañ uwak ikọ ebaña anye eti-eti ke atu awo. Ubaak awo ete, “Anye ado eti awo.” Ubaak ete, “Iyo-o, anye atịn mme awo usʌñ.”

Yọọn 8:54

Yisọs amaabọọrọ, “Adieke ñkpeyemme ubọọñ idem mmi, ado ikpiwuọọñọke ñkpọ nte keed. Ke aditịm ntañ, Ete mmi, andufo ekọmmọ ke ado Abasi ndufo, ado andinnọ-ọ miin ubọọñ.

Utom 19:2

Anyʌñ abịp ammọ abo, “Ndufo emaebọ Adisana Sịbidịd idaha e-ekenịmme ke akpanikọ?” Ammọ emaebọọrọ, “Iyo-o, kpaanam ñnyịn ikappa ikokop ke Adisana Sịbidịd mmọdo.”

Utom 2:17

“ ‘Ke mme akpatre usen, Abọọñ Abasi atañ, ami ñyaanwañña Sịbidịd mmi nduọk afịd uduod awo. Mme nditọ ideen ye ibaan ndufo eyaetañ brọfesi, ñkparawa ideen ndufo eyaenyʌñ ekiid ñkukịd, mme ikpọ ideen ndufo eyaedappa ndab.

Utom 2:33

Ke emaekedịppe anye itie idot ke ubọkudom Abọọñ Abasi, anye abọ Adisana Sịbidịd a-anye akenwọñọke ato Ete. Do ke anye aduọk ammọ Sịbidịd a-ndufo ekịtte enyʌñ ekop mi mfịn.

Utom 2:38

Ndin Bita amaabọọrọ ammọ abo ate, “Afịd ndufo ikappa esịd inyʌñ ibọ uduọkmmọọñ ke anyịñ Yisọs Krais nọ afeen mme idiọọkñkpọ ndufo. Ndufo ñko eyaebọ enọ Adisana Sịbidịd.

Utom 2:4

Ammọ emaeyọhọ ye Adisana Sịbidịd enyʌñ etọọñọ adisem mme nsio-nsio usem nte Sịbidịd akenọọhọ ammọ ukeme.

Utom 3:13

Abasi Ebraham, Aisik, ye Yekọb ye Abasi mme eteete ñnyịn anam ami anọ ayịn amọ Yisọs itooro. Ndufo ekeben anye enọ ebo yak ewot, emaesịn anye ke iso Baided, akpesʌk ado nte anye akenyịmmeke adisaana Yisọs ñyaak.

Utom 4:31

Ke ammọ emaekebọñ akam, itie ammọ eketieeghe amaanyeeñe, ndin afịd ammọ emaeyọhọ ye Adisana Sịbidịd, enyʌñ ekwọrọ ikọ Abasi uko-uko.

Ñwed Mbon Rum 8:9

Ado, idooho abʌkidem idiọọknkpọ ikara ndufo, ado Sịbidịd ikara, adieke Sịbidịd Abasi, adʌññọ ke esịd ndufo. Ndin adieke awo mmiinieeghe Sịbidịd Krais, anye inieeghe ewana ye Krais.

2 Kọrint 3:8

nte utom Sịbidịd idiikappa ikpon ke ubọọñ ikan ami?

Efisọs 4:30

Ikiinyʌñ inọ Adisana Sịbidịd Abasi mbʌññọ esịd, anye e-ebenne isọọñọ ndufo tutu usen adifak.