Yọọn 7:28 - Ñwed Abasi Ke Ikọ Ibibio Ayo Mfịn

²⁸ Ndin Yisọs, ke ini asʌkkọ akpeeb ñkpọ ke afe tembịd, amaabọñ ke akpọsọñ uyo ate: “Ih, emendiọọñọ miin, emenyʌñ ediọọñọ nte nto. Ado ami mbaaha mi ke adudu idem mmi, anye a-akendọññọ ado akpanikọ. Ndufo idiọọñọke anye,

Yọọn 7:28 ပူးပေါင်းရင်းမြစ်များ

Matiu 11:27

“Ete mmi ayaak afịd ñkpọ ansịn ke ubọk ndin baaba awo ndomokeed idiọọñọke Ayịn ke mmiibọhọke Ete, kpa naña nte awo ndomokeed mmiidiọọñọke Ete ke mmiibọhọke Ayịn, mme mbon Ayịn amekke adiyaara anye nnọ.

Matiu 2:23

akedʌñ do ke abio e-ekekoodo Nasared. Ke ami, se mme brọfed eketañ amaasu ete, “Eyaekood anye awo Nasared.”

Matiu 26:55

Ado ke ini ami ke Yisọs akebo mme atu awo, “Nte ami ndo asịn nsọk ke abio nọ ndufo ewuọọñọ ekaama mme akañkañ mme ñkpeti ete idimmʌm? Ami mmaatie ñkpeeb ñkpọ ke afe tembịd ke usen ke usen, ado akananam ndufo idueeghe indot ubọk ke idem.

Eti Etob Naña Duk Awet 10:22

“Ete mmi amaayaak afịd ñkpọ ansịn ke ubọk. Awo ndomokeed idiọọñọke ake awo Ayịn ado, ibọhọke Ete ikpọọñ, awo ñko idiọọñọke se Ete ado, ibọhọke Ayịn ye mbon a-Ayịn amekke adiyaara anye nnọ.”

Eti Etob Naña Duk Awet 2:11

Mfịn ami ke abio Defid, Andinyaaña amana inọ ndufo; anye ado Mesaya, a-adooho Abọọñ.

Eti Etob Naña Duk Awet 2:39

Ke ini Yosef ye Mmeri emaekenam afịd se ammọ ekenie adinam kpa naña Ibed Abọọñ aketemme, ammọ emaetịmme enyọñ abio ammọ Nasared ke Kadidi.

Eti Etob Naña Duk Awet 2:4

Ndin Yosef amaato ke Nasared ke Kadidi aka Betrehem ke Yudia, abio Defid akesịn anyịñ, sia anye aketo ufọk ye aduuk Defid.

Eti Etob Naña Duk Awet 2:51

Ndin anye amaadikeene ammọ anyọñ Nasared, anyʌñ akop item anọ ammọ. Ado eka amọ amaamʌm afịd mme ñkpọ ami adọñ ke esịd amọ.

Yọọn 1:46

Natanied amaabịp anye, “Ato Nasared? Nte eti ñkpọ ndomokeed akeme ito udo?” Fidib amaabọọrọ anye, “Kap di se.”

Yọọn 10:36

maama dise ndin anye a-Abasi akesiooho anịm saña-saña nte akemọ anyʌñ anọ adi ke ederimbod? Ntagha a-ndufo ebooho ke mmesappa anyịñ Abasi ke ami adibo, ‘Ami ndo Ayịn Abasi’?

Yọọn 12:49

Sia ñketañña nto ke adudu mmi, ado Ete a-akendọññọ akennọ se ntañ ye naña ntañ anye.

Yọọn 14:10

Nte ndufo inịmme ke ami mba ke Ete, Ete aba ñko ke ami? Se ami ntañ inọ ndufo intooho miin. Ado Ete a-andʌññọ miin ke idem anam utom amọ.

Yọọn 14:31

ado anye adi ma ederimbod ediọọñọ ebo ke ami mmema Ete ñnyʌñ nnam se Ete mmi andọñ ami nnam. “Ndufo idi ndin, yak ñnyịn ika.”

Yọọn 16:3

Ammọ adinam mme uto ñkpọ ami sia ammọ idiọọñọke Ete me ami.

Yọọn 17:25

“Adinen Ete, ñkọm adooho ederimbod udiọọñọke fiin, ami mmudiọọñọ fiin, ammọ ñko ediọọñọ ke afo akendọñ miin.

Yọọn 17:3

Idahami ami ado nsi-nsi uwem: ma ammọ udiọọñọ fiin, ukweeñe-ukweeñe Abasi akpanikọ, ye Yisọs Krais a-afo akenọọhọ adi.

Yọọn 3:2

Anye amaadi adisoobo Yisọs akonayo keed anyʌñ abo anye ate, “Andikpeeb, ñnyịn imidiọọñọ ibo ke afo ado andikpeeb a-atooho Abasi. Sia awo ndomokeed ikpikanna inañña mme utịbe idiọọñọ ñkpọ a-afo anaññake adieke Abasi mmiibaaha mme anye.”

Yọọn 3:33

Awo a-anịmme ikọ ntiense ami ke akpanikọ anyịmme ate ke Abasi ado akpanikọ.

Yọọn 5:32

Ado aba awo mfen atieeghe ntiense ambaña miin, ndin ami mmediọọñọ mbo ke ntiense amọ ado akpanikọ.

Yọọn 5:43

Ami mmedi ke anyịñ Ete mmi, ado ndufo inyịmmeke miin; ado awo mfen akpedi ke anyịñ idem amọ, ndufo eyaenyịmme anye ado.

Yọọn 6:42

Ammọ emaebo, “Idoho Yisọs ayịn Yosef, a-ñnyịn idiọọñọke ete ye eka amọ ado ami? Die ke anye akeme adibọ idahami, ‘Ami ñketo abio ubọọñ Abasi ndi?’ ”

Yọọn 7:14

Akedo enanam usọrọ esịm mbakka iba, mbemiso Yisọs awuọ aka aketọọñọ adikpeeb ñkpọ ke afe tembịd.

Yọọn 8:14

Yisọs amaabọọrọ ammọ, “Ñkpekọm ami ñkpetie ntiense nnọ idem mmi, ikọ ntiense mmi ado akpanikọ, sia ami mmediọọñọ nte ami ñketo ndi ye nte ami ñka. Ado ndufo inieehe ifiọk ibaña nte ami nto ndi mme nte ami ñka.

Yọọn 8:16

ami mbiommo awo ndomokeed ikpe. Ado adieke mbiireke ikpe, ubiireikpe mmi ado akpanikọ, sia ami ndaaha ikpọọñ mbiire. Ami nda ye Ete, andikindọñ miin.

Yọọn 8:19

Ndin ammọ emaebịp anye ate, “Ete mfo aba ke uke?” Yisọs amaabọọrọ, “Ndufo indiọọñọke miin, inyʌññọ idiọọñọ Ete mmi, adieke ekpekendiọọñọke miin, ekpaekediọọñọ Ete mmi ñko.”

Yọọn 8:26

Ami mmenie umiañ ñkpọ aditañ ke adibiire ikpe ibaña ndufo. Ado anye a-akendọññọ miin ndi ado anam akpanikọ, ndin se ami ñkop nto anye ado se ami ntañ nnọ ederimbod.”

Yọọn 8:42

Yisọs amaabọọrọ, “Adieke Abasi akpedooho Ete ndufo, ndufo ekpaemma miin, sia ami nto Abasi ndi. Ami ñkedieeghe ke uduak idem mmi, ado anye akennọ ndi.

Yọọn 9:29

Ñnyịn imidiọọñọ ke Abasi amaatañ ikọ anọ Moses, ado amaado awo ami, ñnyịn idiọọñọke kpak nte anye ato.”

Utom 17:23

Sia naña ami nsaañake ñkanna ñnyʌñ nseed, akpan-akpan mme ñkpọ ukpono Abasi ndufo, ami ñko mmaakịt itie ukpono Abasi ye mme ikọ ewette mi: ami ada anọ abasi a-nnyịn miidiọọñọke. Ke adinekke ntañ, Abasi a-ami ñyemme adikwọrọ inọ ndufo ado anye a-ndufo ekponoke, akpesʌk ado ndufo miidiọọñọke.

Ñwed Mbon Rum 1:28

Sia ammọ mmiikikereke ke afọn adinịm ifiọk Abasi, Abasi amaayaak ammọ anọ idiọọk iwuod, do ndin ammọ enaaña se ammọ ekpediinamma.

Ñwed Mbon Rum 3:4

Iyoo! Abasi adisʌk ido akpanikọ, akpesʌk ado afịd awo edoññoke mme asu nsu. Kpa naña emaekeweewet: “Man ato do ewọt ke afo amenen ke se afo atañ anyʌñ akan ke ini afo akpeeghe ikpe.”

2 Kọrint 1:18

Sia Abasi adooho anam akpanikọ, ikọ a-ñnyịn ikwọrọke inọ ndufo idooho “Ih” ye “Iyoo.”

2 Kọrint 4:6

Sia Abasi akenọọhọ uyo ate, “Yak unwana ayama ke akịm,” amaanam unwana amọ ayama ke esịd ñnyịn ma anye anwaña awo anyen adidiọọñọ ubọọñ Abasi ke iso Yisọs Krais.

Taitọs 1:2

mbuọdidem mme ifiọk a-akọñọke ke idodanyen nsi-nsi uwem, ake Abasi, anye a-mmiisʌhọke nsu, a-akeñwọñọke mbemiso aditọọñọ ini,

Ibru 6:18

Abasi akenam ami nọ ato do, ke mme ñkpọ iba e-emmiikemeke adikpəhọ, a-Abasi ñko mmiikemeke adisʌhọ nsu, ñnyịn i-imaiikifeeñe idimʌm idodanyen e-enyanna inọ nte añkọ adimʌm ukpọñ ñnyịn, ma anye asọọñọ ada kwak!

1 Yọọn 5:10

Ake awo anịm Ayịn Abasi ke akpanikọ anie ikọ ntiense ami ke esịd amọ. Awo ake mmiinịmme anye ke akpanikọ, anam Abasi ado asʌhọ nsu, sia anye mmiinịmme ikọ ntiense atooho inua Abasi abaña Ayịn amọ ke akpanikọ.