Yọọn 7:13 - Ñwed Abasi Ke Ikọ Ibibio Ayo Mfịn

¹³ Ado awo ndomokeed ikitañña ikọ ibaña anye añwa-añwa, mbaak mme ikpọawo mme Yuu.

Yọọn 7:13 ပူးပေါင်းရင်းမြစ်များ

Yọọn 19:38

Akekem koo, Yosef awo Arimatia adibo Baided akpọñ akpo Yisọs inọ. Yosef ami akedo mbed Yisọs, ado anye akedo ndịbe-ndịbe ibed sia anye akebaabaak etubom mme Yuu. Ke Baided amaakenọ unyịmme, anye amaadiben akpo Yisọs.

Yọọn 20:19

Ke ndubi ayo akpa usen ke udua ke ini mme mbed ebaaha itie keed ke ufọk, ammọ emaeyịt usʌñ ke ntak ndịk mme etubom mme Yuu, ndin Yisọs amaadʌk akeda ke ufọọd ammọ, ate, “Emem aba mme ndufo!”

Yọọn 3:2

Anye amaadi adisoobo Yisọs akonayo keed anyʌñ abo anye ate, “Andikpeeb, ñnyịn imidiọọñọ ibo ke afo ado andikpeeb a-atooho Abasi. Sia awo ndomokeed ikpikanna inañña mme utịbe idiọọñọ ñkpọ a-afo anaññake adieke Abasi mmiibaaha mme anye.”

Yọọn 7:1

Ke ami amaakeboiyo, Yisọs amaanam isañ akanna Kadidi. Anye ikiyemme isaaña ke Yudia, sia mme adaidaha ke atu Yuu ekeyeeyem usʌñ adiwot anye.

Yọọn 7:11

Ke usọrọ ado adaidaha ke atu mme Yuu ekesʌk eyem anye, enyʌñ ebịp, “Anye awo ado-o?”

Yọọn 7:15

Idem amaakpa mme Yuu, ammọ enyʌñ ebo, “Anye akenam die anie utọ ifiọk ami ke ini anye mmiikibọọhọ ukpeebñkpọ?”

Yọọn 9:22

Ete ye eka amọ eketañ ntom sia ammọ emaebaak ikpọawo mme Yuu, e-emaekebiire adibịn awo ndomokeed a-abooho ke Yisọs ado Mesaya nsio ke itie sinakọk.

Yọọn 9:34

Ammọ ekekop ami, emaebo anye ete, “Afo ayem adikpeeb ñnyịn, afo a-adooho a-anyeenyịne ke idiọọkñkpọ tọọñọ ke emana!” Ndin ammọ emaebịne anye esio.

Adiyaara 2:13

Ami mmediọọñọ itie nte afo adʌñ–itie a-Setan anịmme ebekpo amọ. Ado afo amemʌm anyịñ mmi akama. Ukunyʌññọ ukañ ikọ mmi, kpa ke ini Antipas, ata akpan ntiense mmi, e-ekewotto ke abio ndufo, ke itie idʌñ Setan.