Yọọn 7:1 - Ñwed Abasi Ke Ikọ Ibibio Ayo Mfịn

¹ Ke ami amaakeboiyo, Yisọs amaanam isañ akanna Kadidi. Anye ikiyemme isaaña ke Yudia, sia mme adaidaha ke atu Yuu ekeyeeyem usʌñ adiwot anye.

Yọọn 7:1 ပူးပေါင်းရင်းမြစ်များ

Matiu 10:23

Emaifịna ndufo ke idʌñ keed, ifeeñe ika idʌñ mfen; ndin emaenyʌñ ekifịna ke idʌñ anye ado, isʌk ifeeñe ika mfen. Ke akpanikọ ke ibo ndufo, idiisañake ikanna afịd abio Isred ima mbemiso Ayịn Awo adi.

Matiu 21:38

“Ado mme atọ inwañ ami emaekekịt ayịn amọ, ammọ emaebo keed aken, ‘Anye ami ado adiaakpa. Idi yak iwot anye iben udiaakpa amọ.’

Maak 11:18

Mme ikpọ aku ye mme nta akpeeb ibed ekekop ami, etọọñọ adiyem usʌñ naña ekpeda ewot anye, ado ammọ ekebabaak anye ke ntak ukpeebñkpọ amọ, sia mme atu awo emaekop inem ke ukpeebñkpọ amọ.

Yọọn 1:19

Ami akedo ntiense Yọọn, ke ini mme Yuu edọññọ mme aku ye mme Difaid eto Yerusedem ekebịp anye ebo, afo ado anie?

Yọọn 4:3

Ado anam anye akpọñ Yudia, amaana atịmme aka Kadidi.

Yọọn 4:54

Anye ami akedo ayọhọ idiọọñọ utịbe ñkpọ iba a-Yisọs akenamma, amaaketo Yudia idiwuọ Kadidi.

Yọọn 6:1

Etək ini amaakeboiyo, Yisọs amaaboiyo aka akpa Kadidi edem uko, adooho akpa Taiberia,

Yọọn 7:11

Ke usọrọ ado adaidaha ke atu mme Yuu ekesʌk eyem anye, enyʌñ ebịp, “Anye awo ado-o?”

Yọọn 7:13

Ado awo ndomokeed ikitañña ikọ ibaña anye añwa-añwa, mbaak mme ikpọawo mme Yuu.

Yọọn 7:19

Nte Moses ikinọọhọ ndufo ibed? Ado ndufo ndomokeed inịmme ibed ado! Ntak a-ndufo eyemme adinwot miin-e?”

Yọọn 7:25

Idahado, usʌk mbon Yerusedem ekesʌk ebo, idooho awo e-eyemme adiwot ado ami?

Yọọn 7:35

Anam mme Yuu ebịp idem ammọ ete, “Anye aduak ika uke nọ ñnyịn mmiidiikanna ikịt anye? Me anye adika mme asen idịd ibịne mbon ñnyịn ado emaekesuana ikidʌñ ke atu mme Krik nyʌñ ñkpeeb mbon Krik ñkpọ?

Yọọn 8:37

Ami mmediọọñọ ke ndufo eto ubon Ebraham ado ndufo eyem ediñwot miin sia ikọ mmi inieeghe itie ke idem ndufo.

Yọọn 8:40

Daña aba ado, ndufo eyem usʌñ adiñwot miin, awo i-idọọkọke ndufo akpanikọ ukem naña ñkekop nto Abasi. Ami idooho se Ebraham akenam.

Utom 10:38

naña Abasi akeyet Yisọs Ayịn Nasared adan ye Adisana Sịbidịd ye adudu, ye naña anye akesaña anañña nti ñkpọ anyʌñ akọk afịd mbon udọñọ mme awo e-ekebaaha ke ukad andidiọọk, sia Abasi amaaba ye anye.