Yọọn 6:68 - Ñwed Abasi Ke Ikọ Ibibio Ayo Mfịn

⁶⁸ Saimọn Bita abọọrọ, “Abọọñ, anie ke ñnyịn idiibịne? Afo anie etob uwem nsi-nsi.

Yọọn 6:68 ပူးပေါင်းရင်းမြစ်များ

Matiu 16:16

Ndin Saimọn Bita asio atañ, “Afo ado Krais, Ayịn ndu-ndu Abasi.”

Maak 8:29

Anye amaabịp ammọ. “Ado ndufo-o? Ebo ke ami ndo anie?” Bita abọọrọ: “Afo ado Mesaya.”

Eti Etob Naña Duk Awet 9:20

Anye amaabịp ammọ ate, “Ndufo ebo ke ami ndo anie?” Bita amaabọọrọ, “Afo ado Mesaya ake Abasi.”

Yọọn 12:49

Sia ñketañña nto ke adudu mmi, ado Ete a-akendọññọ akennọ se ntañ ye naña ntañ anye.

Yọọn 12:50

Mmediọọñọ ke ikọ amọ adat awo akesịm uwem nsi-nsi. Ke ntodo se adodo a-ami ntañña ado se Ete abo yak ntañ.”

Yọọn 17:8

Sia ami mmaanọ ammọ ikọ a-afo akennọọhọ miin ndin ammọ emaenyịmme. Ammọ emaediọọñọ ayọhọ-ayọhọ ete ke ami ñkuto fiin ndi, ndin ammọ emaenịm ke afo akendọñ miin.

Yọọn 5:24

“Ke ata akpanikọ ami ntañ inọ ndufo, awo keed ake adodo a-akpaña utọñ anọ ikọ mmi anyʌñ anịm awo a-akendọññọ ke akpanikọ anie nsi-nsi uwem, awo idiinyʌññọ ibiom anye ikpe ado anye awuọ ke ñkpa adʌk uwem.

Yọọn 6:40

Sia uduak Ete mmi ado ke awo akeadodo a-akịtte Ayịn amọ anyʌñ anịm anye ke akpanikọ ana anie nsi-nsi uwem, ñko ke ana ami nnam awo ado aset ke akpatre usen.”

Yọọn 6:63

Sịbidịd anọ uwem, abʌkidem idooho ñkpọ ndomokeed. Mme ikọ a-ntañña inọ ndufo eyọhọ ye Sịbidịd, eyọhọ ye uwem ñko.

Utom 13:26

“Nditọete, nditọ ubon Ebraham ñnyịn ye ndufo mme abaak Abasi ke atu mme Yentaid, ado ñnyịn ke ekenọ etob adinyaaña ami esọk.

Utom 4:12

Adinyaaña ibaaha ke awo mfen ndomokeed, sia anyịñ ndomokeed mfen ibaaha ke idak ikpaanyọñ e-enọọhọ uduudawo, a-anaaha ñnyịn ibọ adinyaaña ito.”

Utom 5:20

anyʌñ abo ammọ ate, “Ikaa ikida ke mme afe tembịd itañ inọ mme awo afịd-afịd ikọ a-abañake ufa uwem ami.”

Utom 7:38

Anye akeba ke mbono ke akpautatan ye enyere a-akenemeke nneme ye anye ke Abod Sainai, ye mme eteete ñnyịn, anyʌñ abọ aduuwem ikọ isọk ñnyịn.

Utom 8:37

Fidib amaabo anye, “Amekeme, akpedo amenịm ke afịd esịd mfo.” Awo itọ amaabọọrọ ate, “Ami mmenịm ke akpanikọ nte ke Yisọs ado Ayịn Abasi.”