Yọọn 6:42 - Ñwed Abasi Ke Ikọ Ibibio Ayo Mfịn

⁴² Ammọ emaebo, “Idoho Yisọs ayịn Yosef, a-ñnyịn idiọọñọke ete ye eka amọ ado ami? Die ke anye akeme adibọ idahami, ‘Ami ñketo abio ubọọñ Abasi ndi?’ ”

Yọọn 6:42 ပူးပေါင်းရင်းမြစ်များ

Maak 6:3

Idooho kabinta ado ami? Idooho ayịn Mmeri ado ami, ayịneka Yemsi, Yosef, Yudas ye Saimọn? Nditọeka amọ ibaan ibaaha mi ye ñnyịn?” Ndin ammọ emaeyat esịd ye anye.

Eti Etob Naña Duk Awet 4:22

Afịd atu awo emaetañ nti ikọ ebaña anye, idem amaanyʌñ akpa ammọ eti-eti, ke utọ nti ikọ a-akewuọọhọ ke inua amọ. Anam ammọ emaebịp ebo, “Idooho ayịn Yosef ido ami?”

Yọọn 1:45

Fidib amaakịt Natanied anyʌñ abo anye, “Ñnyịn imikịt anye a-Moses ke ñwed Ibed ye mme brọfed, ekewette ebañña, anye ado Yisọs ayịn Yosef, a-atooho Nasared.”

Yọọn 3:13

Kpaanam awo ndomokeed ikaaha abio ubọọñ ibọhọke anye a-aketooho abio ubọọñ Abasi adi, adooho Ayịn Awo.

Yọọn 6:38

Sia ami mmeto abio ubọọñ Abasi ndi adinam uduak a-Abasi akendọññọ, idooho adinam uduak idem mmi.

Yọọn 6:43

Yisọs, ke ibọọrọ amaabo ammọ, “Itre ndukuunọ ke atu idem ndufo.

Yọọn 6:62

Nso-o ke ekpenam adieke ndufo ekpekịtte Ayịn Awo nte adọọk aka itie a-anye akebaaha akpa!

Ñwed Mbon Rum 9:5

Ake ammọ ado mme nsọbom, ndin ato ke ammọ ediọọñọ nte Mesaya aketo adimana nte awo, a-adooho andikara afịd ñkpọ. Yak itooro anie Abasi ke nsi-nsi! Amen.

1 Kọrint 15:47

Akpa awo akedo ntọñ isọñ, ayọhọ awo iba ato anyọñ.

Kadesia 4:4

Ado ke ini amaakedikem ayọhọ-ayọhọ, Abasi amaadọñ Ayịn amọ a-akemanake ato awonwaan, amana ke idak ibed,