Yọọn 6:38 - Ñwed Abasi Ke Ikọ Ibibio Ayo Mfịn

³⁸ Sia ami mmeto abio ubọọñ Abasi ndi adinam uduak a-Abasi akendọññọ, idooho adinam uduak idem mmi.

Yọọn 6:38 ပူးပေါင်းရင်းမြစ်များ

Matiu 20:28

kpa naña nte Ayịn Awo akedieeghe adinam ñkpọ nnọ awo, idooho nọ enam ñkpọ enọ anye, adinyʌñ mben uwem amọ mfak uwak awo.”

Yọọn 3:13

Kpaanam awo ndomokeed ikaaha abio ubọọñ ibọhọke anye a-aketooho abio ubọọñ Abasi adi, adooho Ayịn Awo.

Yọọn 3:17

Sia Abasi ikinọọhọ Ayịn amọ adi ederimbod adibiom ederimbod ikpe, ado adinyaaña ederimbod.

Yọọn 3:31

“Anye a-atooho anyọñ akpon akan afịd awo; anye a-atooho isọñ ami anie isọñ ami, anyʌñatañ ikọ nte awo a-atooho isọñ ami. Anye a-atooho abio ubọọñ ado adikan afịd awo.

Yọọn 4:34

Yisọs abo, “Ndidia mmi ado adinam uduak anye a-akendọññọ miin ñnyʌñ ñkweeñe utom amọ.

Yọọn 5:19

Yisọs amaabọọrọ, “Ke ata akpanikọ ami ntañ inọ ndufo, Ayịn ikemeke inam ñkpọ ndomokeed ke idem amọ; anye akeme inam ukwueeñe se anye akịd nte Ete anam ndin ñkpọ keed ake adodo Ete anamma, Ayịn anam kpa ado.

Yọọn 5:30

Ami ñkemekke adinam ñkpọ ndomokeed ke idem mmi; ami mbiire ikpe ñkeene se ñkop ndin ubiire ikpe mmi ado unen, sia ami ñyemme adinem idem mmi esịd ado anye a-akendọññọ utom.

Yọọn 6:29

Yisọs amaabo ammọ, “Utom Abasi ado ami: adinịm anye a-anye adọññọ ke akpanikọ.”

Yọọn 6:33

Sia uyo ake Abasi ado uyo a-atooho abio ubọọñ Abasi adi anyʌñ anọ ederimbod uwem.”

Yọọn 6:42

Ammọ emaebo, “Idoho Yisọs ayịn Yosef, a-ñnyịn idiọọñọke ete ye eka amọ ado ami? Die ke anye akeme adibọ idahami, ‘Ami ñketo abio ubọọñ Abasi ndi?’ ”

Yọọn 6:57

Nte ndu-ndu Ete akendọññọ ndin ami ñnyʌñ mbọ uwem nto Ete, ntodo ñko ke awo ake adodo a-ntaaha miin adidu uwem ke ntak mmi.

Ñwed Mbon Rum 15:3

Sia Krais ke idem amọ ikinamma ñkpọ isin ke se inem anye esịd ado nte emaekewet: “Mme usọñanyen ake mbon i-isọññọ ndufo anyen ekappa enduọñọ miin ke idem.”

Efisọs 4:9

(Nso-o ke “anye amaakedọọk” awuọọñọ, ke miibọhọke ke anye ñko amaasọiyọ adʌk mme nnenịme mme ikpeghe isọñ?

Ibru 5:8

Akpesʌk ado nte anye akedooho Ayịn, anye amaakpeeb ñkobitem ato ke mme ukuud a-akesịmme anye