Yọọn 6:37 - Ñwed Abasi Ke Ikọ Ibibio Ayo Mfịn

³⁷ Afịd awo se Ete annọ miin eyaedi embịne, ndin ami ndiibịneke awo ake adodo a-adieeghe ambịne miin.

Yọọn 6:37 ပူးပေါင်းရင်းမြစ်များ

Matiu 11:28

“Idi imbịne miin, afịd ndufo e-ekpaaha mba enyʌñ ebiom ndodoppo mbiomo, ndin ñyainọ ndufo nduọkadudu.

Matiu 24:24

Uwak nsu-nsu Mesaya ye mme brọfed nsu eyaewọọñọ edi edinañña mme akwa idiọọñọ ye ñkpọntịbe mbaak ebiaaña kpa ye mbio emaekemeemek, akpedo ñkpọ ntodo akeme itịppe.

Yọọn 17:11

Ami mbooho mba aba ke ederimbod, ado ammọ esʌk ebaba ke ederimbod, sia ami ñyaanyọñ ubịne fiin. Adisana Ete, dat adudu anyịñ mfo kpeme ammọ, anyịñ afo akennọọhọ miin nọ ammọ edo keed kpa naña ñnyịn ido keed.

Yọọn 17:2

Sia afo ameyaak adudu ukara afịd awo anọ anye ma anye anọ afịd mbon ami se afo akenọ anye nsi-nsi uwem.

Yọọn 17:24

“Ete, ami ñyem mbon a-afo annọhọ miin eba mme ami ke itie a-ami mbaaha nọ ammọ ekịt ubọọñ mmi, ubọọñ a-afo annọhọ miin sia afo amaamma miin mbemiso afo akebot ederimbod.

Yọọn 17:6

“Ami mmuyaara fiin nnọ mbon a-afo akesiooho ke ederimbod annọ. Ammọ ekedo ake mfo; afo akeben ammọ annọ, ammọ ekpono ikọ mfo.

Yọọn 6:39

Ndin uduak se anye akendọñ miin ado, ke ami ñyaak awo ndomokeed ke atu ammọ a-anye akennọọhọ asop, ado ami nnam ammọ eset ke akpatre usen.

Yọọn 6:65

Anye amaaka iso atañ, “Ntak ado ke ñkibo ndufo ke awo ndomokeed ikemeke adidi imbịne ibọhọke Ete anọ anye ukeme.”

Yọọn 9:34

Ammọ ekekop ami, emaebo anye ete, “Afo ayem adikpeeb ñnyịn, afo a-adooho a-anyeenyịne ke idiọọkñkpọ tọọñọ ke emana!” Ndin ammọ emaebịne anye esio.

Ñwed Mbon Rum 5:20

Ekedat ibed edi nọ ndudue atọt. Ado naña idiọọkñkpọ atọt, ntodo ke mfọn ñko atọt akan,

Fidibai 1:29

Sia emaesaana eyaak enọ ndufo, ke iwuod Krais, idooho adinịm anye ke akpanikọ ikpọọñ, ado adinyʌñ mbọọ ufen ke ntak amọ,

1 Timoti 1:16

Emaentua miin mbọm ke ntak ami nọ Krais Yisọs andat miin andidiọọk ñkan ke atu mme ndiọi awo, nte uwọd-ñkpọ, ayaara anyan ime amọ anọ awo ake adodo a-adiinịm anye ke akpanikọ, anyʌñ adat anye akesịm nsi-nsi uwem.

2 Timoti 2:19

Kpa ye ado, itiad idakisọñ Abasi asọọñọ ada ye mme ikọ ami: “Abọọñ adiọọñọ mbon se ido ake Amọ,” amaana adian: “Afịd awo se itommo anyịñ Abasi ana asioño idem akpọñ ukwañ ido.”

Ibru 4:15

Sia ñnyịn inieeghe utọ akwa aku a-mmiikanna adinie esịd mbọm mbaña mme mmemidem ñnyịn, ado inie anye a-adooho emaedomo anye ke afịd-afịd usʌñ naña enyʌñ idoomo ñnyịn, ado anye ikinamma idiọọkñkpọ.

Ibru 7:25

Ke ntodo anye akeme adinyaaña ukeed-ukeed mbon e-edieeghe ebịne Abasi ke anye, sia anye adodu uwem afịd ini, aka iso adinam ñkpeubọk anọ ammọ.

1 Yọọn 2:19

Afịd ekewuọọñọ eto ke atu ñnyịn; ado ammọ idooho ake ñnyịn. Akpedo ekedo ake ñnyịn, ammọ ekpaekesọọñọ eda ye ñnyịn; ado ediwuọọñọ ammọ anam ñnyịn idiọọñọ ke ammọ ikidoññoke ake ñnyịn.

Adiyaara 22:17

Sịbidịd mme ufa anwaan ndọ ete, “Di!” Ndin yak anye a-akoppo abo, “Di!” Awo ake adodo i-itọñ asatta, yak anye adi. Ndin awo ake amama, yak anye adibọ enọ mfọn mmọọñ uwem.