Yọọn 6:27 - Ñwed Abasi Ke Ikọ Ibibio Ayo Mfịn

²⁷ Ndufo ikiinam utom inọ ndidia adooho ayaabiara, ado inam inọ ndidia a-adiidat ikisịm nsi-nsi uwem, a-Ayịn Awo adinọ ndufo ke idem amọ. Sia Abasi Ete ke idem amọ awuuk idiọọñọ ke imọ imimek anye.”

Yọọn 6:27 ပူးပေါင်းရင်းမြစ်များ

Matiu 17:5

Ke ini anye asʌkkọ atañ ntom, nyamma-nyamma ntọñanyọñ adifʌk ammọ akanna; ndin uyo ato ntọñanyọñ ami ate, “Anye ami ado Ayịn mmi a-mmaaha, nnyʌñ nnem esịd ye anye. Ikpañ utọñ inọ anye.”

Matiu 25:46

“Ñko ammọ eyaedʌk ke nsi-nsi ufen, ndin mme ndinen awo eyaedʌk ke nsi-nsi uwem.”

Matiu 3:17

Ndin uyo ato ikpaanyọñ abo ate, “Anye ami ado adima Ayịn mmi, a-ami mmaaha eti-eti.”

Matiu 6:19

“Ikiibọọk inie ibon inọ idem ndufo mi ke ederimbod ke itie ñkakad ye utaeto akemeke adita, me inọ ñko akemeke adibiad ndʌk nnyʌñ nyịp.

Matiu 8:20

Yisọs amaabọọrọ anye ate, “Mme ewaikọd enieeñe adu, mme inuen anyọñ enyʌñ enieeñe efọk, ado Ayịn Awo inieeghe itie nte adaak iwuod.”

Maak 1:11

Nkọ uyo ama ato anyọñ ate: “Afo ado ata adima Ayịn mmi, a-ami mmaaha; mmenem esịd ye afo ayọhọ-ayọhọ.”

Maak 9:7

Ndin ntọñanyọñ amaawuọ adifʌk ammọ, uyo anyʌñ ato ke ntọñanyọñ ami ate, “Ami ado Ayịn mmi, a-ami mmaaha. Ikop uyo amọ.”

Eti Etob Naña Duk Awet 3:22

ndin Adisana Sịbidịd amaasọiyọ adoro anye ke idem nte ibiom. Uyo ñko ato ke anyọñ ate, “Afo ado Ayịn mmi, a-ami mmaaha, mmenekke ñkop inemesịd ye afo.”

Eti Etob Naña Duk Awet 9:35

Uyo amaato ikpaanyọñ ate, “Ami ado Ayịn mmi, a-ami mmekke, ikpañ utọñ inọ anye.”

Yọọn 10:28

Ami nnọ ammọ uwem nsi-nsi, ammọ idiisoppo tutu amama; ñko awo ndomokeed idiiwappake ammọ insio miin ke ubọk.

Yọọn 11:42

Mmaadiọọñọ mbo ke afo amesikop uyo mmi afịd ini, ado ñketañ ke ntak ufọn mme atu awo e-ebaññake mi, ma ammọ enịm ke afo akendọñ miin.”

Yọọn 14:6

Ndin Yisọs amaabọọrọ: “Ami ndo usʌñ, mme akpanikọ mme uwem. Awo ndomokeed idieghe ibịne Ete ibọhọke anto miin.

Yọọn 15:24

Akpedo ami ñkenamma ke ufọọd ammọ se awo mfen mmiikinamma, ammọ ikpinieeghe ubiom ikpe. Ado naña aba ami, ammọ ekịt mme utịbe ñkpọ ami ado ammọ esʌk ensuasua miin ye Ete mmi.

Yọọn 17:2

Sia afo ameyaak adudu ukara afịd awo anọ anye ma anye anọ afịd mbon ami se afo akenọ anye nsi-nsi uwem.

Yọọn 3:15

ma afịd awo e-enịmme anye ke akpanikọ enie nsi-nsi uwem.

Yọọn 3:33

Awo a-anịmme ikọ ntiense ami ke akpanikọ anyịmme ate ke Abasi ado akpanikọ.

Yọọn 6:40

Sia uduak Ete mmi ado ke awo akeadodo a-akịtte Ayịn amọ anyʌñ anịm anye ke akpanikọ ana anie nsi-nsi uwem, ñko ke ana ami nnam awo ado aset ke akpatre usen.”

Yọọn 6:47

Ke ata akpanikọ ami ntañ inọ ndufo, awo a-anịmme ke akpanikọ anie nsi-nsi uwem.

Yọọn 6:51

Ami ndo uyo uwem aketooho abio ubọọñ Abasi asọiyọ adi. Awo ake adodo a-ataaha uyo ami ayaadu uwem ke nsi-nsi. Uyo ami ado ikpọkidem mmi, a-ami ndiinọ ke ubiọñ uwem ederimbod.”

Yọọn 6:53

Yisọs abọọrọ ammọ: “Ke ata akpanikọ ami ntañ inọ ndufo, adieke ndufo mmiitaaha ikpọkidem Ayịn Awo inyʌñ inwọñ iyiib amọ, ndufo idiinieeghe uwem ke idem ndufo.

Yọọn 6:54

Awo ake adodo a-ataaha ikpọkidem mmi anyʌñ anwọñ iyiib mmi anie uwem nsi-nsi, ndin ami ñyaanam awo ado aset ke ñkpa ke akpatre usen.

Yọọn 6:58

Anye ami ado uyo aketooho abio ubọọñ Abasi adi. Mme eteete ndufo emaeta mana enyʌñ ekpañña, ado awo a-ataaha uyo anye ami adidu uwem ke nsi-nsi.”

Yọọn 6:62

Nso-o ke ekpenam adieke ndufo ekpekịtte Ayịn Awo nte adọọk aka itie a-anye akebaaha akpa!

Yọọn 6:68

Saimọn Bita abọọrọ, “Abọọñ, anie ke ñnyịn idiibịne? Afo anie etob uwem nsi-nsi.

Yọọn 8:18

Ami nnọ ntiense mbaña idem mmi, ado Ete a-akendọññọ miin anọ ikọ ntiense ambaña miin ñko.”

Utom 10:38

naña Abasi akeyet Yisọs Ayịn Nasared adan ye Adisana Sịbidịd ye adudu, ye naña anye akesaña anañña nti ñkpọ anyʌñ akọk afịd mbon udọñọ mme awo e-ekebaaha ke ukad andidiọọk, sia Abasi amaaba ye anye.

Utom 2:22

“Ndito Isred ñnyịn, ikpañ utọñ ikop se mbo ntañ: Yisọs ayịn Nasared akedo awo a-Abasi akebenne iwọt ndufo anwa-anwa ato ke mme utịbe ñkpọ ñkpaidem ye mme idiọọñọ a-Abasi akanamma ke ufọọd ndufo ato ke ubọk amọ, nte ndufo ke idem ndufo ediọọñọke.

Ñwed Mbon Rum 4:11

Anye akebọ unịm mboppo nte idiọọñọ ye edisọọñọ adinenido, ke anye amaakenenie mbuọdidem ke ini awo mmiikinịmme anye mboppo. Ke ntak ado, anye nko ado ete mme afịd andinịm ke akpanikọ akpesʌk ado awo mmiikinịmme ammọ mboppo nọ atodo ebat adinenido enọ ammọ.

Ñwed Mbon Rum 6:23

Sia utịp idiọọkñkpọ ado ñkpa, ado enọ Abasi ado nsi-nsi uwem ke Krais Yisọs Abọọñ ñnyịn.

1 Kọrint 6:13

Afo ate “Ndidia ana anọ idịp, idịp ñko ana anọ ndidia, ado Abasi ayaasobo naña mmọ iba.” Ikpọkidem inaaha inọ use ye efịbe, ado ikpọkidem anie Abọọñ, Abọọñ ñko anie ikpọkidem.

1 Kọrint 9:2

Akpesʌk ado mmeñkpedooho abọsịd nnọ mbon mfen, mmenịm mbo ke mmedo inọ ndufo! Sia ndufo edo idiọọñọ abọsịd mmi ke Abọọñ.

2 Kọrint 4:18

Sia ñnyịn miidọññọ anyen, sia se awo akịd ke anyen ikpeeneke, ado se awo mmiikịtte ke anyen ayaakpeene ke nsi-nsi.

Kadesia 5:6

Sia ke Krais Yisọs adinịm mboppo mme aditre adinịm mboppo ibaaha ufọn ndomokeed. Ñkukwere ñkpọ a-abaaha ufọn ado mbuọdidem e-ekịtte eto ima.

Fidibai 2:13

Sia ado Abasi a-anamma utom ke atu ndufo mbaak ekan enyʌñ enam asaña akekem ke uduak amọ ye se inem anye esịd.

Kodosi 1:29

Ke ntak ami ke ami nnam utom, ndutʌkkọ ke afịd adudu, a-anye akamake anam akpọsọñ utom ke idem mmi.

Kodosi 2:22

Ana esobo afịd mme ñkpọ ami ke emaeben isịn ke adinam, sia ekọọñ ammọ ke ewʌhọ mme ifiọk awo.

Kodosi 3:2

Ikọọñ ekikere ndufo ke ñkpọ enyọñ, idooho ke ñkpọ isọñ,

1 Tesadonia 1:3

Afịd ini ñnyịn imisitoiyo ndufo ke iso Abasi Ete ke abaña utom ndufo a-atooho ke mbuọdidem, akpọsọñ utom ndufo e-enamma ato ke ima, ye adibọ ke ime ndufo a-ademmeke ato ke idodanyen ke Abọọñ ñnyịn Yisọs Krais.

2 Timoti 2:19

Kpa ye ado, itiad idakisọñ Abasi asọọñọ ada ye mme ikọ ami: “Abọọñ adiọọñọ mbon se ido ake Amọ,” amaana adian: “Afịd awo se itommo anyịñ Abasi ana asioño idem akpọñ ukwañ ido.”

Ibru 12:16

Ikịt ibo ke ndufo ndomokeed idooho asịn efịbe me anana Abasi, inyʌññọ iba nte Isọ, a-akedooho ke ntak usan ndidia keed anye akenyam unen udeme amọ nte andikpon ñkan nte akpa ayịn.

Ibru 4:11

Yak ñnyịn, ke ntodo, idomo afịd ukeme adidʌk ke nduọkadudu ado, mbaak awo ndomokeed adiduọ ke adikeene una ñkobitem ammọ.

Yemsi 1:11

Sia utịn asakka mme akpọsọñ ufiop anyʌñ ayeeme se etọ; mme nseghe amọ eduọññọ ndin ebiad uyai amọ. Ke ukem usʌñ ado, awo imọ ñko ayaayeeme ke ini anye asʌkkọ akaiso ke mbubeghe amọ.

1 Bita 1:24

Sia, “Afịd awo eba nte mbid, afịd ubọọñ ammọ anyʌñ abit uyai ñkọñ ikọd; mbiod amaayeeme, uyai ñkọñ ado abehe,

2 Bita 1:17

Sia anye akebọ ukpono ye ubọọñ ke ubọk Abasi Ete, ke ini uyo atooho ke akaakan ubọọñ ado asịm anye ntom, ate, “Ami ado Ayịn mmi, Ayịn ima Mmi, e-esịd anem Miin ye anye.”