Yọọn 5:42 - Ñwed Abasi Ke Ikọ Ibibio Ayo Mfịn

⁴² ado ami mmidiọọñọ ndufo. Ami mmediọọñọ ke inieeghe ima Abasi ke esịd ndufo.

Yọọn 5:42 ပူးပေါင်းရင်းမြစ်များ

Eti Etob Naña Duk Awet 16:15

Ami anam Yisọs abo ammọ, “Ndufo edo mbon e-eyemme adido nti awo ke iso awo, ado Abasi adiọọñọ esịd ndufo. Se mme awo edat nte akpan ñkpọ adondek ke anyen Abasi.

Yọọn 2:25

Anye ikiyemme ntiense ito awo ndomokeed, sia anye amaadiọọñọ akikere esịd awo keed-e-keed.

Yọọn 21:17

Anye atịmme abịp ayọhọ ukpa ita ate, “Saimọn, ayịn Yọọn, nte afo amemma miin?” Bita amaatọhọ sia Yisọs akebịp anye mbịme ami ayọhọ akañ ita ate, “Nte afo amemma miin?” Anye ndin amaabo Yisọs ate, “Abọọñ, afo amediọọñọ ukeed-ukeed ñkpọ; afo amediọọñọ ke ami mmuma fiin.” Yisọs ate anye, “Bọọk edọñ mmi.

Yọọn 5:41

“Ami ñyemme itooro nto awo,

Yọọn 5:43

Ami mmedi ke anyịñ Ete mmi, ado ndufo inyịmmeke miin; ado awo mfen akpedi ke anyịñ idem amọ, ndufo eyaenyịmme anye ado.

Yọọn 5:44

Ndufo ekeme die inịm ke akpanikọ ke ini ndufo edubọiyọke itooro eto keed aken, ado inamma ñkpọ adibọ itooro a-atooho ukwueeñe-ukwueeñe Abasi?

Yọọn 8:42

Yisọs amaabọọrọ, “Adieke Abasi akpedooho Ete ndufo, ndufo ekpaemma miin, sia ami nto Abasi ndi. Ami ñkedieeghe ke uduak idem mmi, ado anye akennọ ndi.

Yọọn 8:47

Awo ake adodo a-atooho Abasi akop se Abasi atañ. Ntaha ndufo mmiikamma ikop se ntañ ado ke ndufo idooho ake Abasi.”

Yọọn 8:55

Akpesʌk ado nte ndufo miidiọọñọke anye, ami mmediọọñọ anye. Adieke ñkpebooho ke ami ndiọọñọke anye, ami ñkpedo asʌhọ nsu nte ndufo, ado ami mmediọọñọ anye nnyʌñ nnam ikọ amọ.

Ñwed Mbon Rum 8:7

Akikere a-bʌkidem idiọọknkpọ ado asua mme Abasi, anye isuuho iwuod inọ ibed Abasi, inyʌññọ ikan inam ntooro.

1 Yọọn 2:15

Kuuma ederimbod ye mme ñkpọ se iba ke ederimbod. Awo ake adodo a-amaaha ederimbod, ima Ete ibaaha anye ke esịd.

1 Yọọn 3:17

Adieke awo anieeghe inie ndin akịd ayịnete amọ abaaha ke unana, ado ituaaha anye mbọm, ima Abasi anam die aba ke uwem awo ado?

1 Yọọn 4:20

Adieke awo ndomokeed abooho, “Mmema Abasi” ado asua ayịnete amọ, anye ado asʌhọ nsu. Sia awo a-mmiimaaha ayịnete amọ a-anye akịtte ke anyen, ikemeke ima Abasi a-anye mmiikịtte.

Adiyaara 2:23

Ndin Ami ñyaawood nditọ ammọ. Ndin afịd mme ufọkabasi eyaediọọñọ ke Ami ndo andiduuñọ ekikere mme esịd ndin ñyaanọ awo keed-e-keed ñkpọ ayịnutom ñkeene naña mme utom ammọ ebaña.