Yọọn 5:37 - Ñwed Abasi Ke Ikọ Ibibio Ayo Mfịn

³⁷ Ñko, Ete a-akendọññọ atie ntiense annọ ke idem amọ. Akenaanam ndufo ikoppo uyo amọ, inyʌññọ ikịt naña anye aba,

Yọọn 5:37 ပူးပေါင်းရင်းမြစ်များ

Matiu 17:5

Ke ini anye asʌkkọ atañ ntom, nyamma-nyamma ntọñanyọñ adifʌk ammọ akanna; ndin uyo ato ntọñanyọñ ami ate, “Anye ami ado Ayịn mmi a-mmaaha, nnyʌñ nnem esịd ye anye. Ikpañ utọñ inọ anye.”

Matiu 3:17

Ndin uyo ato ikpaanyọñ abo ate, “Anye ami ado adima Ayịn mmi, a-ami mmaaha eti-eti.”

Maak 1:11

Nkọ uyo ama ato anyọñ ate: “Afo ado ata adima Ayịn mmi, a-ami mmaaha; mmenem esịd ye afo ayọhọ-ayọhọ.”

Eti Etob Naña Duk Awet 24:27

Ndin anye amaatọọñọ ke Moses ye mme Brọfed mbon ñko anam anwaña ammọ ufañ ikọ Abasi a-akebañake anye.

Eti Etob Naña Duk Awet 3:22

ndin Adisana Sịbidịd amaasọiyọ adoro anye ke idem nte ibiom. Uyo ñko ato ke anyọñ ate, “Afo ado Ayịn mmi, a-ami mmaaha, mmenekke ñkop inemesịd ye afo.”

Yọọn 1:18

Awo ndomokeed akenam ikịtte Abasi, ado Ayịn Abasi ikpọọñ-ikpọọñ, a-anyʌññọ ado Abasi ke idem amọ, a-atieeghe ke ñkañ Abasi, anam eyaara anye.

Yọọn 14:9

Yisọs amaabo ate, “Nte ami mmekeme iba ye ndufo afịd anyan ini ami, Fidib, ndin afo usʌkkọ undiọọñọ miin? Awo ake adodo añkịtte miin akịd Ete, ndin ndufo ekeme die adibo, ‘Iwọt ñnyịn Ete’?

Yọọn 15:24

Akpedo ami ñkenamma ke ufọọd ammọ se awo mfen mmiikinamma, ammọ ikpinieeghe ubiom ikpe. Ado naña aba ami, ammọ ekịt mme utịbe ñkpọ ami ado ammọ esʌk ensuasua miin ye Ete mmi.

Yọọn 5:32

Ado aba awo mfen atieeghe ntiense ambaña miin, ndin ami mmediọọñọ mbo ke ntiense amọ ado akpanikọ.

Yọọn 6:27

Ndufo ikiinam utom inọ ndidia adooho ayaabiara, ado inam inọ ndidia a-adiidat ikisịm nsi-nsi uwem, a-Ayịn Awo adinọ ndufo ke idem amọ. Sia Abasi Ete ke idem amọ awuuk idiọọñọ ke imọ imimek anye.”

Yọọn 8:18

Ami nnọ ntiense mbaña idem mmi, ado Ete a-akendọññọ miin anọ ikọ ntiense ambaña miin ñko.”

1 Timoti 1:17

Yak ukpono ye ubọọñ anie nsi-nsi Adidem a-akarake ke afịd emana, anye a-mmiikpaaha, a-anyen awo mmiikịtte anye, kpa Abasi keed ke nsi-nsi nsi-nsi. Amen.

1 Timoti 6:16

anye ikpọọñ mmiidiikpaaha ñkpa anyʌñ adʌñ ke unwana a-awo mmiikanna adisaña ñkpere, Kpaanam awo ikịtte anye inyʌññọ ikan ikịt. Ubọọñ ye adudu enie anye ke nsi-nsi. Amen.

1 Yọọn 4:12

Awo ndomokeed akenam ikịtte Abasi ke anyen; ado adieke ñnyịn imaaha emọ-emọ awo, Abasi adʌñ ke esịd ñnyịn anyʌñ anam ima Abasi afọn ama ke uwem ñnyịn.

1 Yọọn 4:20

Adieke awo ndomokeed abooho, “Mmema Abasi” ado asua ayịnete amọ, anye ado asʌhọ nsu. Sia awo a-mmiimaaha ayịnete amọ a-anye akịtte ke anyen, ikemeke ima Abasi a-anye mmiikịtte.

1 Yọọn 5:9

Adieke ñnyịn ibọọhọ ntiense awo, ntiense Abasi akpon akan sia ami ado ikọ ntiense Abasi, a-anye atiehe abaña Ayịn amọ.