Yọọn 5:30 - Ñwed Abasi Ke Ikọ Ibibio Ayo Mfịn

³⁰ Ami ñkemekke adinam ñkpọ ndomokeed ke idem mmi; ami mbiire ikpe ñkeene se ñkop ndin ubiire ikpe mmi ado unen, sia ami ñyemme adinem idem mmi esịd ado anye a-akendọññọ utom.

Yọọn 5:30 ပူးပေါင်းရင်းမြစ်များ

Matiu 26:39

Anye amaana asaña aka iso etək anyʌñ aduọ ke isọñ afʌk iso, abọñ akam ate, “Ete mmi, akpedo usʌñ mfen aba, ben kọọb ami fep nnọ miin. Ado yak ado naña afo ayem, ke ado naña ami ñyem.”

Yọọn 14:10

Nte ndufo inịmme ke ami mba ke Ete, Ete aba ñko ke ami? Se ami ntañ inọ ndufo intooho miin. Ado Ete a-andʌññọ miin ke idem anam utom amọ.

Yọọn 17:4

Ami mmunọ fiin ubọọñ ke isọñ ke adikweeñe utom afo akendọññọ abo yak nnam.

Yọọn 18:11

Yisọs ate Bita, “Sịn afịd mfo ke efọk! Me inaaha nte ami ñnwọñ kọọb e-Ete mmi annọọhọ miin?”

Yọọn 4:34

Yisọs abo, “Ndidia mmi ado adinam uduak anye a-akendọññọ miin ñnyʌñ ñkweeñe utom amọ.

Yọọn 5:19

Yisọs amaabọọrọ, “Ke ata akpanikọ ami ntañ inọ ndufo, Ayịn ikemeke inam ñkpọ ndomokeed ke idem amọ; anye akeme inam ukwueeñe se anye akịd nte Ete anam ndin ñkpọ keed ake adodo Ete anamma, Ayịn anam kpa ado.

Yọọn 6:38

Sia ami mmeto abio ubọọñ Abasi ndi adinam uduak a-Abasi akendọññọ, idooho adinam uduak idem mmi.

Yọọn 8:28

Do ndin Yisọs amaabo: “Ke ini ndufo emaebenne Ayịn Awo ke enyọñ, ndufo eyaediọọñọ ke ami ndo awo ado, ñko ke ami nnamma ñkpọ nte keed ke adudu idem mmi, ado ntañ sʌk se Ete akeñkpeeb miin.

Yọọn 8:42

Yisọs amaabọọrọ, “Adieke Abasi akpedooho Ete ndufo, ndufo ekpaemma miin, sia ami nto Abasi ndi. Ami ñkedieeghe ke uduak idem mmi, ado anye akennọ ndi.

Yọọn 8:50

Ami ñyemme itooro nnọ idem mmi, ado Abasi ayem itooro, ñko anye ado abiireikpe.

Ñwed Mbon Rum 15:3

Sia Krais ke idem amọ ikinamma ñkpọ isin ke se inem anye esịd ado nte emaekewet: “Mme usọñanyen ake mbon i-isọññọ ndufo anyen ekappa enduọñọ miin ke idem.”

Ñwed Mbon Rum 2:2

Idahami ñnyịn imidiọọñọ ke ubiereikpe Abasi abañake mbon e-enamma utọ ñkpọ ami akọñọ ke akpanikọ.

Ñwed Mbon Rum 2:5

Ado ke ntak nsọñiwuod ye unana adikappa esịd, afo asʌk akọ ifiopesịd anịm anọ idem mfo ke usen iyadesịd Abasi, ke ini adinen ubiereikpe amọ adiyaara.