Yọọn 5:22 - Ñwed Abasi Ke Ikọ Ibibio Ayo Mfịn

²² Sia Ete ibiireke ikpe awo ndomokeed. Ado anye akappa afịd ubiire ikpe anọ Ayịn,

Yọọn 5:22 ပူးပေါင်းရင်းမြစ်များ

Matiu 11:27

“Ete mmi ayaak afịd ñkpọ ansịn ke ubọk ndin baaba awo ndomokeed idiọọñọke Ayịn ke mmiibọhọke Ete, kpa naña nte awo ndomokeed mmiidiọọñọke Ete ke mmiibọhọke Ayịn, mme mbon Ayịn amekke adiyaara anye nnọ.

Matiu 16:27

Sia Ayịn Awo adidi ke ubọọñ Ete amọ ye mme enyere amọ, do ndin anye ayaanọ awo keed-e-keed utịb a-akemme ye se anye anam.

Matiu 28:18

Yisọs adi aditañ ikọ ye ammọ. Anye ate, “Eyaak afịd adudu ke anyọñ ye ke isọñ ennọ miin.

Yọọn 17:2

Sia afo ameyaak adudu ukara afịd awo anọ anye ma anye anọ afịd mbon ami se afo akenọ anye nsi-nsi uwem.

Yọọn 3:35

Ete ama Ayịn ndin ayaak afịd ñkpọ asịn anye ke ubọk.

Yọọn 5:27

Ñko anye anọ Ayịn Awo adudu adibieere ikpe, sia anye ado Ayịn Awo.

Yọọn 9:39

Yisọs ate: “Ado ke ntak ukpe ikpe ke ami ndi ederimbod ami, nọ atoodo mbon e-mmiikịtte ñkpọ ekịt ñkpọ, mbon e-ekịtte ñkpọ eforo nnan.”

Utom 10:42

Anye amainọ iwuuk abo yak ikwọrọ iko inọ mme awo inyʌñ itañ ikọ ntiense ibo ke imọ ido awo a-Abasi akemekke nte abiireikpe anọ mme adu uwem ye mme akpañkpa.

Utom 17:31

Sia anye anịm usen a-anye adikpe ikpe afịd ekondo ke unen ato ke awo a-anye amaamek anịm nte akpeikpe. Anye akenam anye aset ke ñkpa adiwọt ke anye ado akpeikpe ado.”

Ñwed Mbon Rum 2:16

Ami ayaadat itie ke usen Abasi adikpe ikpe ndedịbe ekikere mme awo ato ke Yisọs Krais naña eti etob mmi abo.

2 Kọrint 5:10

Sia afịd ñnyịn inie adiwuọ nda ke iso itie ikpe Krais; ma awo keed-e-keed abọ utịp a-akemme ye se anye akenam ke ikpọkidem, ke ñkpọ ado adooho eti, me anyʌññọ ado idiọọk.

2 Timoti 4:1

Mmenekke unọ fiin ewʌhọ ami ke iso Abasi, ye ke iso Krais Yisọs, a-adiikpe ikpe mme adu uwem ye mme akpañkpa ke ini anye adiwuọ iwọt idem inyʌñ iyaara abio ubọọñ amọ:

1 Bita 4:5

Ado ammọ eyaenọ Abasi a-abeeñeke idem adikpe ikpe mme adu uwem ye mme akpañkpa ibọọrọ.