Yọọn 5:20 - Ñwed Abasi Ke Ikọ Ibibio Ayo Mfịn

²⁰ Sia Ete ama Ayịn, anyʌñ awọd anye afịd ñkpọ se anye anam ke Idem amọ, ayaanyʌñ awọd anye kpa mme ñkpọ se ikpoon ikan mme mbon ami, mme utom e-ediikpa ndufo idem.

Yọọn 5:20 ပူးပေါင်းရင်းမြစ်များ

Matiu 11:27

“Ete mmi ayaak afịd ñkpọ ansịn ke ubọk ndin baaba awo ndomokeed idiọọñọke Ayịn ke mmiibọhọke Ete, kpa naña nte awo ndomokeed mmiidiọọñọke Ete ke mmiibọhọke Ayịn, mme mbon Ayịn amekke adiyaara anye nnọ.

Matiu 17:5

Ke ini anye asʌkkọ atañ ntom, nyamma-nyamma ntọñanyọñ adifʌk ammọ akanna; ndin uyo ato ntọñanyọñ ami ate, “Anye ami ado Ayịn mmi a-mmaaha, nnyʌñ nnem esịd ye anye. Ikpañ utọñ inọ anye.”

Matiu 3:17

Ndin uyo ato ikpaanyọñ abo ate, “Anye ami ado adima Ayịn mmi, a-ami mmaaha eti-eti.”

Matiu 4:8

Setan amaana aben anye aka ata ñkoñ-ñkoñ abod anyʌñ awọt anye afịd-afịd abio mme ndidem ke afịd ederimbod ye akwa uyai ammọ.

Eti Etob Naña Duk Awet 10:22

“Ete mmi amaayaak afịd ñkpọ ansịn ke ubọk. Awo ndomokeed idiọọñọke ake awo Ayịn ado, ibọhọke Ete ikpọọñ, awo ñko idiọọñọke se Ete ado, ibọhọke Ayịn ye mbon a-Ayịn amekke adiyaara anye nnọ.”

Yọọn 1:18

Awo ndomokeed akenam ikịtte Abasi, ado Ayịn Abasi ikpọọñ-ikpọọñ, a-anyʌññọ ado Abasi ke idem amọ, a-atieeghe ke ñkañ Abasi, anam eyaara anye.

Yọọn 10:32

ado Yisọs abo ammọ, “Ami mmiwọt ndufo uwak nti utom a-atooho Ete mmi. Ake-e ke atu ami anam nọ ndufo entọọñ ke itiad?”

Yọọn 14:12

Ke ata akpanikọ ami ntañ inọ ndufo, awo ake adodo annịmme miin ke akpanikọ ayaanam mme ukem utom a-ami nnamma mi, ayaanyʌñ ananam akan ami, sia ami ñka mbịne Ete.

Yọọn 15:15

Ami ikoodo ndufo nditọufọk mmi aba sia ayịnufọk idiọọñọke ndubeghe eteufọk. Ado ami ikood ndufo mme ufan mmi, sia ami mmenam ndufo ediọọñọ afịd ñkpọ se ñkekpeeb nto Ete mmi.

Yọọn 17:26

Ami mmuyaara fiin nnọ ammọ ndin ñyaaka iso uyaara fiin ma ima a-afo anieeghe annọ miin aba mme ammọ ndin ami ke idem mmi mba mme ammọ.”

Yọọn 3:35

Ete ama Ayịn ndin ayaak afịd ñkpọ asịn anye ke ubọk.

Yọọn 5:21

Ke ntom, kpa naña Ete anam mme akpañkpa eset anyʌñ anọ ammọ uwem, kpa ntodo ke Ayịn anọ awo ake adodo anye amekke uwem.

Yọọn 5:25

Ke ata akpanikọ ami ntañ inọ ndufo, ini asʌk adi, ke aditʌm ntañ adidi, a-mme akpaññañkpa ediikop uyo Ayịn Abasi ndin afịd awo e-ekoppo uyo ami eyaedu uwem.

Yọọn 5:29

ewuọ ke udi ammọ mbon e-ekenaññake nti ñkpọ eyaedaaña eda edu uwem, ndin mbon e-ekenaññake ndiọiñkpọ eyaedaaña eda ke ubiom ikpe.

2 Bita 1:17

Sia anye akebọ ukpono ye ubọọñ ke ubọk Abasi Ete, ke ini uyo atooho ke akaakan ubọọñ ado asịm anye ntom, ate, “Ami ado Ayịn mmi, Ayịn ima Mmi, e-esịd anem Miin ye anye.”