Yọọn 5:19 - Ñwed Abasi Ke Ikọ Ibibio Ayo Mfịn

¹⁹ Yisọs amaabọọrọ, “Ke ata akpanikọ ami ntañ inọ ndufo, Ayịn ikemeke inam ñkpọ ndomokeed ke idem amọ; anye akeme inam ukwueeñe se anye akịd nte Ete anam ndin ñkpọ keed ake adodo Ete anamma, Ayịn anam kpa ado.

Yọọn 5:19 ပူးပေါင်းရင်းမြစ်များ

Matiu 26:39

Anye amaana asaña aka iso etək anyʌñ aduọ ke isọñ afʌk iso, abọñ akam ate, “Ete mmi, akpedo usʌñ mfen aba, ben kọọb ami fep nnọ miin. Ado yak ado naña afo ayem, ke ado naña ami ñyem.”

Eti Etob Naña Duk Awet 21:15

Sia ami nyaitemme ikọ ñnyʌñ inọ aniọñ ake mme asua ndufo mmiidiikanna ifaaña.

Yọọn 10:18

Awo nte keed imbọọhọ, ami nduọọk anye ke unyịmme esịd mmi. Ami mmenie adudu adiduọọk anye, ñnyʌñ nnie adudu adimaana mben anye; ndin ami ado uyo a-ami mbọọhọ nto Ete mmi.”

Yọọn 12:49

Sia ñketañña nto ke adudu mmi, ado Ete a-akendọññọ akennọ se ntañ ye naña ntañ anye.

Yọọn 12:50

Mmediọọñọ ke ikọ amọ adat awo akesịm uwem nsi-nsi. Ke ntodo se adodo a-ami ntañña ado se Ete abo yak ntañ.”

Yọọn 14:10

Nte ndufo inịmme ke ami mba ke Ete, Ete aba ñko ke ami? Se ami ntañ inọ ndufo intooho miin. Ado Ete a-andʌññọ miin ke idem anam utom amọ.

Yọọn 2:19

Yisọs amaabọọrọ ate, “Iwuud tembịd ami, ndin ami ñyaamaana mbọp anye ke usen ita.”

Yọọn 3:3

Ke ibọọrọ Yisọs amaabo anye ate, “Ke ata akpanikọ ami ntañ inọ ndufo, ibọhọke awo amaana amana ufa, anye idiikanna ikịt abio ubọọñ Abasi.”

Yọọn 5:21

Ke ntom, kpa naña Ete anam mme akpañkpa eset anyʌñ anọ ammọ uwem, kpa ntodo ke Ayịn anọ awo ake adodo anye amekke uwem.

Yọọn 6:38

Sia ami mmeto abio ubọọñ Abasi ndi adinam uduak a-Abasi akendọññọ, idooho adinam uduak idem mmi.

Yọọn 8:28

Do ndin Yisọs amaabo: “Ke ini ndufo emaebenne Ayịn Awo ke enyọñ, ndufo eyaediọọñọ ke ami ndo awo ado, ñko ke ami nnamma ñkpọ nte keed ke adudu idem mmi, ado ntañ sʌk se Ete akeñkpeeb miin.

Yọọn 9:4

Adaña nte usen akaaha iso, ana ñnyịn inam utom andikindọñ miin. Akoneyo asʌk adi, a-awo ndomokeed mmiidiikanna inam utom.

Utom 2:24

Ado Abasi amaanam anye aset ke ñkpa, anam anye abọkkọ ndutʌghọ ñkpa, sia ñkpa ikinieeghe adudu adimʌm anye ukad.

Ñwed Mbon Rum 6:4

Emaibuuk ñnyịn ñko ye anye ato uduọkmmọọñ ke ñkpa nọ ato do, naña ekenam Krais aset ke ñkpa ato ke ubọọñ Ete amọ, ñnyịn ñko ana inyʌñ idu ufa uwem.

Ñwed Mbon Rum 8:11

Ndin adieke Sịbidịd Abasi a-akenamma Yisọs ased ke ñkpa adʌññọ ye ndufo, anye a-keanamma Krais ased ke ñkpa ayaanyʌñ anọ abʌkidem ndufo uwem ato ke Sịbidịd amọ, a-adʌññọ mme ndufo.

1 Kọrint 15:12

Adieke ekwọrọke ebo ke enam Krais aset ke ñkpa, usʌk ndufo enam die ebo ke adised ke ñkpa ibaaha?

2 Kọrint 4:14

sia ñnyịn imidiọọñọ ke anye a-akenamma Abọọñ Yisọs aset ke ñkpa, ayaanam ñnyịn ñko iset ye Yisọs; ayaanyʌñ idat ñnyịn ye ndufo anịm ke iso Amọ.

2 Kọrint 5:10

Sia afịd ñnyịn inie adiwuọ nda ke iso itie ikpe Krais; ma awo keed-e-keed abọ utịp a-akemme ye se anye akenam ke ikpọkidem, ke ñkpọ ado adooho eti, me anyʌññọ ado idiọọk.

Efisọs 2:5

amaanam ñnyịn idu uwem ye Krais akpesʌk ado imaikikpañña ke mme ukwañ ñkpọ, ado ato ke mfọn ke ndufo ebọ adinyaaña.

Efisọs 3:16

Ami mbọñ akam mbo ke ntak mfọn ye ubọọñ amọ, anye inọ ndufo nsọọñọnda ye adudu a-atooho ke Sịbidịd amọ ke esịd ndufo,

Fidibai 3:21

anye a-adooho ke adudu a-anọọhọ anye ukeme adiben afịd ñkpọ nsịn ke idak amọ, ayaanam usuuhọ-usuuhọ ikpọkidem ñnyịn ami akappa atie nte idem amọ ke ubọọñ.

Fidibai 4:13

Ami mmekeme adinam ukeed ñkpọ ato ke anye a-nnọọhọ miin adudu.

Kodosi 1:11

esọọñọ idem ye afịd adudu a-asañake akekem ke akpakịp adudu, nọ ato do ndufo enie ekamba ediyọ mme ime, ndin ke inemesịd,

Kodosi 1:16

Sia aketo ke anye ebot afịd ñkpọ mme ñkpọ ke anyọñ ye ke isọñ, se ekịt ye se mmiikịtte, mme ebekpo, mme adudu, mme andikara mme adudu ibed: anye akebot afịd mme ñkpọ anyʌñ anọ anye.

1 Tesadonia 4:14

Ñnyịn iminịm ke Yisọs amaakpa, amaaset ke ñkpa ndin ñnyịn iminịm ite ke Abasi ayaadat Yisọs ye mbon e-ekpaññake ke anye adi.

1 Bita 3:18

Sia Krais ñko amaakpa ke ntak mme ndiọiñkpọ ini keed, awo a-anenne ke iwuod mbon mmiinenne, nọ anye idat ndufo asọk Abasi. Ekewot anye ke abʌkidem, ado enam anye adu uwem ke Sịbidịd,

Adiyaara 2:23

Ndin Ami ñyaawood nditọ ammọ. Ndin afịd mme ufọkabasi eyaediọọñọ ke Ami ndo andiduuñọ ekikere mme esịd ndin ñyaanọ awo keed-e-keed ñkpọ ayịnutom ñkeene naña mme utom ammọ ebaña.