15 Awo ami amaanyọñ anyʌñ akedọkkọ mme mbọọñ Yuu ate ke akedo Yisọs akenam nọ idem isọñ imọ.
Ado awo ami amaaketaañ añwa-añwa se Yisọs akenam anọ anye. Ke ntak ami, Yisọs ikikanna idʌk mme abio aba añwa-añwa, ado akappa akeba ke mme ndịbe-ndịbe itie. Kpa ye ado, mme awo ke afịd itie ekesʌk edidi ebịne anye.
Ami akedo ntiense Yọọn, ke ini mme Yuu edọññọ mme aku ye mme Difaid eto Yerusedem ekebịp anye ebo, afo ado anie?
“Idi idise awo a-atañña afịd ñkpọ se ñkenanam annọ. Mme anye akap ado Krais?”
Do ndin mme Yuu emaebo awo e-ekekọkkọ udọñọ ete, “Sabad ado ami; ibed ukpan fiin afo adiben aya mfo.”
Do ndin ammọ ebịp anye, “Anie awo ido awo a-akubooho yak aben aya mfo asana?”
Sia Yisọs akenañña mme ñkpọ ami ke Sabad, mbọọñ mme Yuu emaetọọñọ adikọbọ anye.
Ado ñkpọ ntom akeneenekke anam nọ enekke eyem adiwot anye sia anye ikiyʌkkọke ke adibiad Sabad ikpọọñ, ado amaana akood Abasi Ete amọ, anam idem amọ ñka-ñka mme Abasi.
Ke ntodo mme Farisi emaebịp anye naña anye akenam akịt usʌñ. Anye ate, “Anye akedọppọ mbad añyeed ke anyen, akema ami ñkeyie nsio, idahami mmekịt usʌñ.”
Awo ado amaabọọrọ ate, “Me anye ado anam idiọọkñkpọ, miidooho, ami ndiọọñọke. Ukweeñe se ami ndiọọñọ ado ke ñkedo nnan ado idahami mmekịt usʌñ.”
Awo ado abọọrọ ate, “Ata ñkpọ ñkpaidem adodo! Ndufo idiọọñọke nte anye ato, ado anye antat miin anyen!
Ammọ ekekop ami, emaebo anye ete, “Afo ayem adikpeeb ñnyịn, afo a-adooho a-anyeenyịne ke idiọọkñkpọ tọọñọ ke emana!” Ndin ammọ emaebịne anye esio.