Yọọn 4:42 - Ñwed Abasi Ke Ikọ Ibibio Ayo Mfịn

⁴² Ammọ emaebo awonwaan ado, “Ñnyịn inịmme ke akpanikọ ke ntak se afo aketañ ikpọọñ, idahami ñnyịn imikop ke idem ñnyịn, inyʌñ idiọọñọ ite ke awo ami anekke ado Andinyaaña ederimbod.”

Yọọn 4:42 ပူးပေါင်းရင်းမြစ်များ

Matiu 1:21

Anye ayaaman ayịn awodeen, ndin ana afo asio anye anyịñ Yisọs, sia anye ado andidiifak ikọd amọ isio ke ndiọiñkpọ ammọ.”

Eti Etob Naña Duk Awet 2:32

nọ ado unwana adiyaara anọ mme Yentaid, anyʌñ ado ubọọñ anọ mbon Isred.”

Yọọn 1:29

Usen mfen, Yọọn amaakịt Yisọs nte asaña abịne anye, anye anyʌñ abo ate, “Sese Ayịn Edọñ Abasi a-abenne mme idiọọkñkpọ ederimbod afep!

Yọọn 11:17

Yisọs amaakediwuọ, anye amaakịt ke Dasarọs amaasesịne ke udi usen inaañ.

Yọọn 17:8

Sia ami mmaanọ ammọ ikọ a-afo akennọọhọ miin ndin ammọ emaenyịmme. Ammọ emaediọọñọ ayọhọ-ayọhọ ete ke ami ñkuto fiin ndi, ndin ammọ emaenịm ke afo akendọñ miin.

Yọọn 4:29

“Idi idise awo a-atañña afịd ñkpọ se ñkenanam annọ. Mme anye akap ado Krais?”

Yọọn 4:41

Ke ntak ikọ amọ, uwak mbon mfen emaekappa esịd enyʌñ enịm ke akpanikọ.

Utom 13:23

“Ato ke ubon awo ami Abasi amaaben Yisọs, Andinyaaña asọk Isred kpa nte anye amaakenwọnwọñọ.

Utom 4:12

Adinyaaña ibaaha ke awo mfen ndomokeed, sia anyịñ ndomokeed mfen ibaaha ke idak ikpaanyọñ e-enọọhọ uduudawo, a-anaaha ñnyịn ibọ adinyaaña ito.”

Utom 5:31

Abasi amaabenne anye anịm ke ubọk udom amọ nte Ayịn Abọọñ ye Andinyaaña ma anye anam Isred ekappa esịd, anye ñko anyʌñ afeen mme idiọọkñkpọ ammọ.

2 Kọrint 5:19

abo ke Krais, Abasi asʌk anam ederimbod aba ke emem ye anye, inyʌññọ ibat ndudue mme awo inọ ammọ, ado amaaben ikọ adikappa mba ke emem ye anye inọ ñnyịn ate ikwọrọ.

1 Timoti 4:10

Ke ntak ami ke ñnyịn ikpa utom, inyʌñ inwanake adikọọñ idodanyen ñnyịn ke ndu-ndu Abasi, a-adooho Andinyaaña anọ afịd awo, akpan-akpan mme andinịm ke akpanikọ.

1 Yọọn 2:2

Anye ado uwa usio isop mme ndiọiñkpọ ñnyịn, ndin idooho ake ñnyịn ikpọọñ; ado ake afịd awo ke ederimbod.

1 Yọọn 4:14

Ñnyịn imikịt, iminyʌñ ido ntiense ibo ke Ete akedọñ Ayịn amọ ate adi nte Andinyaaña ederimbod.

1 Yọọn 5:20

Imidiọọñọ ñko ke Ayịn Abasi adi anyʌñ inọ ñnyịn ifiọk naña ñnyịn ikeme edidiọọñọ andido akpanikọ. Ndin, ñnyịn idʌñ ke andido akpanikọ, kpa ke Ayịn amọ Yisọs Krais. Anye ado ñkukwere Abasi akpanikọ ye uwem nsi-nsi.