Yọọn 3:6 - Ñwed Abasi Ke Ikọ Ibibio Ayo Mfịn

⁶ Abʌkidem aman abʌkidem, ado Sịbidịd anyʌñ aman Sịbidịd.

Yọọn 3:6 ပူးပေါင်းရင်းမြစ်များ

Yọọn 1:13

nditọ e-mmiikimanake ito uduod awo, mme udọñ abʌkidem, me uduak ebe, ado amana ato Abasi.

Yọọn 3:7

Ikpinaaha ukpa fiin idem Ami adibo, ‘Ana afo amaana amana ufa.’

Ñwed Mbon Rum 7:18

Ami mmediọọñọ ke etiñkpọ ndomokeed idʌññọ ke idem mmi, ado ado ke ñkpọ abod mmi. Sia ami mmenie udọñ adinam se ifọn, ado ñkanna nnam.

Ñwed Mbon Rum 7:25

Ekọọm anie Abasi, akefakka miin ato ke Yisọs Krais Abọọñ ñnyịn! Do ndin, ami ke esịd idem mmi ndo ifʌn nnọ ibed Abasi, ado ke idiọọk abod mmi ndo ifʌn nnọ ibed idiọọkñkpọ.

Ñwed Mbon Rum 7:5

Sia ke ini abʌkidem akikarake ñnyịn, mme ndiọi udọñ i-ibed akedemmeke ekeba ke utom ke idem ñnyịn, akenamma ñnyịn inwịm mfịd inọ ñkpa.

Ñwed Mbon Rum 8:13

Sia ndufo ekpeeduuho uwem ekeene udọñ abʌkidem ndufo, ndufo eyaekpañña, ado ekpeeduuho ke Sịbidịd, ndufo eyaewot ndiọiñkpọ abʌkidem enyʌñ edu uwem.

1 Kọrint 6:17

Ado awo ake adianna idem ye Abasi ado keed ye anye ke sịbidịd.

2 Kọrint 5:17

Ke ntodo, adieke awo abaaha ke Krais, emaebot anye adufa, ñkaan ñkpọ emaeboiyo efep; sese eyekappa edo ndufa.

Kadesia 5:24

Mbon e-ebaaha ke Krais Yisọs emaekọñ abʌkidem ye afịd nduwʌd ye idiọọk itọñ ammọ ke krọs.

Efisọs 2:3

Ukeed ñnyịn ikinyʌñ iba ke atu ammọ ini keed ko, ikidu uwem inọ adiyʌkkọ uwʌd emana idiọọk ñkpọ ñnyịn ye adikeene mme udọñ ye mme akikere ammọ. Kpa nte mbon ñko, tọọñọ ke emana ñnyịn ikidoñño ñkpọ iyadesịd.

Kodosi 2:11

Ke anye ke ekinịm ndufo mboppo, idooho unịm mboppo enamma ke ubọkawo. Afịd idem mfo a-abʌkidem akekarake emaeben eduọọk ke ini ekinịmme ndufo mboppo a-Krais anamma,

1 Yọọn 3:9

Awo a-Abasi abonno idiikaaha iso inam idiọọk ñkpọ, sia ñkpasi Abasi mmọdo adʌñ anye ke idem; anye inyʌññọ ikan ikaiso inam idiọọkñkpọ, sia ato ke Abasi, anye a-amana ufa.