Yọọn 3:26 - Ñwed Abasi Ke Ikọ Ibibio Ayo Mfịn

²⁶ Ndin ammọ edibịne Yọọn enyʌñ ekebo anye ate, “Andikpeeb, awo a-akebaaha ye afo ke edem inyañ Yọdan uko, anye a-afo akenọọhọ ikọ ntiense abaña, asʌk aduọkmmọọñ ndin afịd awo ekịppe ebịne anye.”

Yọọn 3:26 ပူးပေါင်းရင်းမြစ်များ

Matiu 23:7

nte mme awo adikọọm ammọ ke edu ukpono ke añwa udua ye mme awo adikood ammọ, ‘Andikpeeb.’

Matiu 23:8

“Ndufo ikiiyak awo ikood ndufo ‘Andikpeeb,’ sia ndufo enie Andikpeeb keed kpọd, afịd ndufo enyʌñ edo nditọeka.

Yọọn 1:15

(Yọọn amaatie ntiense ami abaña anye. Anye amaabọñ anwa-anwa ate, “Anye ami ado anye ami ñketañña mbaña, ke ini a-ami ñkebooho, ‘Anye a-akeñkeeneke miin ke edem mmi akpon añkan miin asʌk adi, sia anye amaababa ke ata anyan ini mbemiso ami mmana.’ ”)

Yọọn 1:7

Anye akedi nte ntiense, nọ atie ntiense abaña unwana ami, nọ ato ke anye afịd awo enịm Yisọs Krais ke akpanikọ,

Yọọn 1:9

Ata akpan unwana a-ayamake anọ afịd awo akesʌk adi ke ederimbod.

Yọọn 11:48

Ñnyịn ikpiyak anye aka iso ntom, afịd awo eyaenịm anye ke akpanikọ ndin mbon Rum eyaedibọ ñnyịn tembịd ye afịd idịd ñnyịn.”

Yọọn 12:19

Anam mme Farisi ebo idem ammọ ete, “Sese, ñkpọ ami idatta ñnyịn ika itie ndomokeed. Se naña afịd ederimbod ewọññọ ebịne anye.”

Yọọn 3:2

Anye amaadi adisoobo Yisọs akonayo keed anyʌñ abo anye ate, “Andikpeeb, ñnyịn imidiọọñọ ibo ke afo ado andikpeeb a-atooho Abasi. Sia awo ndomokeed ikpikanna inañña mme utịbe idiọọñọ ñkpọ a-afo anaññake adieke Abasi mmiibaaha mme anye.”

Yọọn 4:1

Yisọs amaadidiọọñọ ke mme Farisi emaekop ete ke mbed Yisọs emaewak ndin anyʌñ aduọk mme awo mmọọñ akan Yọọn Aduọkmmọọñ,

Yọọn 4:2

akpesʌk ado ke aditʌm ntañ, ikidooho Yisọs aduọkmmọọñ, akekap ado mbed amọ.

Yọọn 4:31

Ke ini ami, mbed amọ ekesʌk efịna anye ete, “Andikpeeb, dia ñkpọ.”

Yọọn 5:33

“Ndufo emenọ mme isʌñutom ebịne Yọọn ndin anye amaatie ntiense anọ akpanikọ.