Yọọn 3:18 - Ñwed Abasi Ke Ikọ Ibibio Ayo Mfịn

¹⁸ Awo ake adodo anịmme anye ke akpanikọ, awo idiibiommo anye ikpe, ado awo ake adodo a-mmiinịmme anye ke akpanikọ, ekap ebobiom anye ikpe, sia anye inịmme ke anyịñ ukweeñe Ayịn keed a-Abasi anieeghe ke akpanikọ.

Yọọn 3:18 ပူးပေါင်းရင်းမြစ်များ

Maak 16:16

Awo ake adinịm ke akpanikọ, anyʌñ abọ uduọkmmọọñ, eyaenyaaña anye, ado awo ake atre adinịm ke akpanikọ, ikpe ayaabiom anye.

Yọọn 1:12

Ado afịd mbon e-ekedaarake anye, mbon e-ekenịmme anyịñ amọ ke akpanikọ, anye amaanọ ammọ ayọhọ unen adikappa ndo nditọ Abasi,

Yọọn 1:18

Awo ndomokeed akenam ikịtte Abasi, ado Ayịn Abasi ikpọọñ-ikpọọñ, a-anyʌññọ ado Abasi ke idem amọ, a-atieeghe ke ñkañ Abasi, anam eyaara anye.

Yọọn 20:31

Ado ewet mbon mmi ma ndufo enịm ke akpanikọ ke Yisọs ado Mesaya, Ayịn Abasi, ndin ke adinịm ke akpanikọ ndufo enie uwem eto ke Anyịñ amọ.

Yọọn 3:16

“Sia Abasi akeneenekke ama ederimbod asịn anye akenọ ukweeñe Ayịn keed anye anieeghe mbaak awo ake adodo anịmme anye ke akpanikọ akuutak ado anie nsi-nsi uwem.

Yọọn 3:36

Awo ake adodo anịmme Ayịn ke akpanikọ anie nsi-nsi uwem, ado awo keed ake adodo asịne Ayịn idiikịtte uwem, sia iyadesịd Abasi adoro anye ke idem.”

Yọọn 5:24

“Ke ata akpanikọ ami ntañ inọ ndufo, awo keed ake adodo a-akpaña utọñ anọ ikọ mmi anyʌñ anịm awo a-akendọññọ ke akpanikọ anie nsi-nsi uwem, awo idiinyʌññọ ibiom anye ikpe ado anye awuọ ke ñkpa adʌk uwem.

Yọọn 6:40

Sia uduak Ete mmi ado ke awo akeadodo a-akịtte Ayịn amọ anyʌñ anịm anye ke akpanikọ ana anie nsi-nsi uwem, ñko ke ana ami nnam awo ado aset ke akpatre usen.”

Yọọn 6:47

Ke ata akpanikọ ami ntañ inọ ndufo, awo a-anịmme ke akpanikọ anie nsi-nsi uwem.

Ñwed Mbon Rum 5:1

Do ndin, sia emaekenam ñnyịn inen ato ke mbuọdidem, ñnyịn iminie emem mme Abasi ato ke Abọọñ Yisọs ñnyịn Krais,

Ñwed Mbon Rum 8:1

Ke ntodo, ubiom ikpe ibaaha inọ mbon e-ebaaha ke Krais Yisọs,

Ñwed Mbon Rum 8:34

Anie ndin ado awo adibiom ñnyịn ikpe? Awo ndomokeed ibaaha. Krais Yisọs a-akekpaaha–a-akanna ado, a-akesette ke ñkpa adʌk uwem–a-anyʌññọ atie ke ubọk udom Abasi nte ubiọñ anọ ñnyịn.

Ibru 12:25

Ikịt ibo ke ndufo isịnne anditañ ikọ ami. Adieke ammọ mmiikibọkkọke ke ini ekesịnne adikop uyo anye a-aketañña ikọ anọ ammọ mi ke isọñ, die ndin ke ñnyịn idiibọkkọ, adieke ñnyịn ikannake iso ikpọñ anye a-atieeghe ke abio ubọọñ Abasi atañ ikọ inọ ñnyịn?

Ibru 2:3

die ke ñnyịn idiibọkkọ adieke ñnyịn isịnne utọ ekamba adinyaaña ukpọñ ami? Adinyaaña ukpọñ ami Abọọñ ke idem amọ akebemme iso asian, ndin mbon e-ekekoppo enyʌñ esọọñọ inọ ñnyịn.

Ibru 3:19

Ke ntodo, ñnyịn ikịt ke ammọ ikikanna idʌk ato ke unana ammọ adinịm ke akpanikọ.

1 Yọọn 3:23

Ami ado ibed amọ: edinịm ke anyịñ Ayịn amọ, Yisọs Krais, inyʌñ ima keed aken naña ewʌhọ amọ akitemme ñnyịn.

1 Yọọn 4:9

Edat ami eyaara ima a-Abasi anieeghe inọ ñnyịn, ke anye edinọ ikpọọñ Ayịn amọ adi ke isọñ, nọ atoodo ñnyịn inie uwem ito anye.

1 Yọọn 5:10

Ake awo anịm Ayịn Abasi ke akpanikọ anie ikọ ntiense ami ke esịd amọ. Awo ake mmiinịmme anye ke akpanikọ, anam Abasi ado asʌhọ nsu, sia anye mmiinịmme ikọ ntiense atooho inua Abasi abaña Ayịn amọ ke akpanikọ.

1 Yọọn 5:12

Awo anieeghe Ayịn anie uwem; awo a-mmiinieeghe Ayịn Abasi inieeghe uwem.