Yọọn 3:16 - Ñwed Abasi Ke Ikọ Ibibio Ayo Mfịn

¹⁶ “Sia Abasi akeneenekke ama ederimbod asịn anye akenọ ukweeñe Ayịn keed anye anieeghe mbaak awo ake adodo anịmme anye ke akpanikọ akuutak ado anie nsi-nsi uwem.

Yọọn 3:16 ပူးပေါင်းရင်းမြစ်များ

Matiu 9:13

Ikaa ikikpeeb se ami awuọọñọ: ‘Ami nyem mbọm, idooho uwa.’ Sia ñkedi ikood mme anam ndiọi, idooho mme nti awo.”

Maak 12:6

“Anye amaanie awo keed a-akesʌhọke anye adidọñ, ayịn amọ awodeen, a-anye akemaaha. Anye akeanọ anye aka akpatre, abo ate, ‘Ammọ eyaekpono ayịn mmi.’

Eti Etob Naña Duk Awet 2:14

“Itooro anie Abasi ke ata anyọñ, emem anyʌñ aba ke isọñ ye mbon a-anye anọọhọ mfọn.”

Yọọn 1:14

Ikọ amaakappa ado awo anyʌñ adʌñ mi ke ederimbod ke atu ñnyịn. Ñnyịn inyʌñ ikịt ubọọñ amọ a-anye anieeghe ato Ete nte ukwueeñe Ayịn Abasi Ete a-ayọhọke ye mfọn ye akpanikọ.

Yọọn 1:18

Awo ndomokeed akenam ikịtte Abasi, ado Ayịn Abasi ikpọọñ-ikpọọñ, a-anyʌññọ ado Abasi ke idem amọ, a-atieeghe ke ñkañ Abasi, anam eyaara anye.

Yọọn 1:29

Usen mfen, Yọọn amaakịt Yisọs nte asaña abịne anye, anye anyʌñ abo ate, “Sese Ayịn Edọñ Abasi a-abenne mme idiọọkñkpọ ederimbod afep!

Yọọn 10:28

Ami nnọ ammọ uwem nsi-nsi, ammọ idiisoppo tutu amama; ñko awo ndomokeed idiiwappake ammọ insio miin ke ubọk.

Yọọn 3:15

ma afịd awo e-enịmme anye ke akpanikọ enie nsi-nsi uwem.

Yọọn 3:18

Awo ake adodo anịmme anye ke akpanikọ, awo idiibiommo anye ikpe, ado awo ake adodo a-mmiinịmme anye ke akpanikọ, ekap ebobiom anye ikpe, sia anye inịmme ke anyịñ ukweeñe Ayịn keed a-Abasi anieeghe ke akpanikọ.

Yọọn 3:36

Awo ake adodo anịmme Ayịn ke akpanikọ anie nsi-nsi uwem, ado awo keed ake adodo asịne Ayịn idiikịtte uwem, sia iyadesịd Abasi adoro anye ke idem.”

Yọọn 6:40

Sia uduak Ete mmi ado ke awo akeadodo a-akịtte Ayịn amọ anyʌñ anịm anye ke akpanikọ ana anie nsi-nsi uwem, ñko ke ana ami nnam awo ado aset ke akpatre usen.”

Ñwed Mbon Rum 5:10

Sia adieke adooho ke ini ñnyịn ikikappa ido usua mme Abasi, ñnyịn ikisʌk inienie ewana mme anye ke ntak ñkpa Ayịn amọ, kap se idahami ndin a-ñnyịn idooho keed ye anye, adinyaaña ñnyịn adikpon die ito uwem amọ!

Ñwed Mbon Rum 5:8

Ado Abasi awọd ima amọ inọ ñnyịn ke ami: naña ñnyịn ikisʌkkọido mme anam idiọọk, Krais amaakpa inọ ñnyịn.

Ñwed Mbon Rum 8:32

Anye a-amiikiyimme Ayịn amọ, ado ayaak anye anọ afịd ñnyịn, die ndin ke anye ñko ukem ye anye akpetre aditat ubọk inọ ñnyịn afịd ñkpọ?

Efisọs 2:4

Ado ke ntak akwa ima a-anye anieeghe ibaña ñnyịn, Abasi a-mbọm amọ akponno,

2 Tesadonia 2:16

Yak Abọọñ ñnyịn Yisọs Krais ke idem amọ ye Abasi Ete ñnyịn, a-akimaaha ñnyịn ndin ke mfọn amọ inọ ñnyịn nsi-nsi nsọọñọukod ye eti idodanyen,

Taitọs 3:4

Ado ke ini mfọn mme ima Abasi Andinyaaña ñnyịn amaakewuọ ida,

Ibru 2:9

Ado ñnyịn imikịt Yisọs, e-ekenamma asuuhọ etək-etək akan mme enyere, idahami, eyat anye anyanya ubọọñ ye ukpono sia anye amaabọ ndutʌkkọ ñkpa nọ ato do, ke mfọn Abasi anye anweem ñkpa anọ afịd awo.

1 Yọọn 3:1

Ise utọ ekamba ima e-Ete imaaha ñnyịn, tutu ikood ñnyịn nditọ Abasi. Ndin kpa ado ke ñnyịn ido. Ederimbod idiọọñọke ñnyịn nte nditọ Abasi sia ammọ mikidiọọñọke anye.

1 Yọọn 4:19

Ñnyịn ima sia anye amaabem iso ima ñnyịn.

Adiyaara 1:5

anyʌñ ato Yisọs Krais andinọ ntiense akpanikọ, akpa ke atu mme andised ke ñkpa ye Andikara mme ndidem ederimbod. Ubọọñ mme adudu enie anye i-imaaha ñnyịn, a-anyʌññọ adat iyiib amọ ayet ñnyịn asio ke ndiọiñkpọ,