Yọọn 21:22 - Ñwed Abasi Ke Ikọ Ibibio Ayo Mfịn

²² Yisọs ate anye, “Adieke adooho uduak mmi adibo anye adu uwem tutu ami ntịmme ndi, ado ubeghe die fiin? Ana afo añkeene miin.”

Yọọn 21:22 ပူးပေါင်းရင်းမြစ်များ

Matiu 16:24

Ndin Yisọs abo mme mbed amọ, “Adieke awo nte keed ayemme iñkeene miin yak anye akañ idem amọ, aben krọs amọ anyʌñ añkeene miin.

Matiu 24:27

Sia naña akep-kep asakka ato usakka utịn akesịm usobutịn, adidi Ayịn Awo adiiba ntodo.

Matiu 24:3

Naña Yisọs atieeghe ke Abod Ọdif mbed edibịne anye ndịbe-ndịbe edibịp anye ete, “Tañ inọ ñnyịn, idaha ake-e ke ñkpọ ami aditịppe, nso-o idiinyʌñ ido idiọọñọ adidi mfo ye ake utịd ederimbod?”

Matiu 24:44

Do ndin ana ndufo ebeeñe idem, sia Ayịn Awo adidi ke awa a-ndufo mmibeeñeke anye.

Matiu 25:31

“Ayịn Awo amaadi ke ubọọñ amọ, ye mme afịd enyere amọ, anye ayaadat itie amọ ke ebekpo ubọọñ amọ.

Matiu 8:22

Ado Yisọs abo anye, “Ñkeene miin, yak mme akpañkpa ebuuk mme akpañkpa ammọ.”

Maak 9:1

Anye amaanyʌñ abo ammọ ate: “Ami ntañ akpanikọ inọ ndufo, ubaak ndufo e-edaaha mi idiikpaññake mbemiso ammọ ekịt abio ubọọñ Abasi naña adidi ke adudu.”

Yọọn 21:19

Yisọs aketañ ami adiwọt utọ ñkpa a-Bita adidat inọ Abasi ubọọñ. Akema, Yisọs amaabo anye ate anye, “Ñkeene miin!”

Yọọn 21:21

Bita akekịt anye, amaabịp Yisọs abo ate: “Abọọñ, ake amọ adiiba die?”

1 Kọrint 11:26

Sia ini ake adodo a-ndufo etaaha uyo ami enyʌñ enwọñ kọọb ami, ndufo emesian ñkpa Abọọñ tutu anye atịmme adi.

1 Kọrint 4:5

Ke ntak ado, kuubiire ikpe ke abaña ñkpọ ndomokeed; bet tutu Abọọñ adi. Anye ndin ayaadiyaara anwa-anwa se idịbe ke akịm anyʌñ ayaara akikere esịd mme awo. Ke ini ado amaakem, awo keed-e-keed ayaabọ itooro ato Abasi.

1 Tesadonia 2:19

Sia nso-o ido idodanyen ñnyịn, idadesịd ñnyịn, me anyanya a-ñnyịn idiibọ ubọọñ ke iso Abọọñ ñnyịn Yisọs Krais ke anye amaadi? Nte idooho ndufo?

Yemsi 5:7

Inie ime ndin, nditọete, tutu Abọọñ adi. Se naña atọ inwañ abet isọñ nọ asiooño ata eti nsọñudua mfịd ndin naña anye anie ime abet utịd ndaeyo mme ini editọọñọ edịm.

Yemsi 5:8

Ndufo ñko, enie ime enyʌñ enie nsọñọnda, sia adidi Abọọñ ekpere.

Adiyaara 1:7

“Sese, anye asʌk adi ke ntọñanyọñ,” ndin “afịd anyen eyaekịt anye, idem mbon e-ekekịmme anye”; ndin afịd-afịd uduod awo ke isọñ “eyaefʌhọ ke ntak amọ.” Ntodo ke adido! Amen.

Adiyaara 2:25

Ado etʌm se emaekenenie emʌm kama esọñ ubọk tutu ndi.’

Adiyaara 22:20

Anye a-atañña mme ikọ ntiense ami abo, “Ih, Ami nsʌk nsọp ndi.” Amen. Di, Abọọñ Yisọs.

Adiyaara 22:7

“Sese, Ami nsʌk nsọp ndi! Afọfọn anọ awo a-anịmme mme ikọ brọfesi adọñọke ke ñwed ami.”

Adiyaara 3:11

Ami nsʌk nsọp ndi. Tʌm se amaakenenie emʌm kama, mbaak awo adubọ anyanya mfo.