Yọọn 21:12 - Ñwed Abasi Ke Ikọ Ibibio Ayo Mfịn

¹² Yisọs amaakood ammọ ate, “Idi ididia ndidia ubakusen.” Mbed amọ ndomokeed ikideehede ibịp anye, “Afo ado anie awo?” Sia emaenekke ediọọñọ ke Abọọñ ke akedo.

Yọọn 21:12 ပူးပေါင်းရင်းမြစ်များ

Matiu 22:46

Awo ndomokeed ikikanna ibọọrọ. Ndin tọọñọ ke usen ado awo ndomokeed ikinieeghe uko adimaana mbịp anye mbịme mfen aba.

Maak 9:32

Ado ikinwañake ammọ se anye aketañ, kpa ye ado ammọ emaekop ndịk adibịp anye.

Eti Etob Naña Duk Awet 9:45

Se Yisọs aketañ ami ikinwañake ammọ. Amaayañña ammọ ifiọk ado ammọ emaekop ndịk adibịp anye se ado awuọọñọ.

Yọọn 16:19

Yisọs amaadiọọñọ ke ammọ eyem adimaana ibịp imọ ibaña mme ñkpọ ami, ndin anye abo ammọ ate, “Ndufo ebịp emọ-emọ aken se ‘ke etək-etək ini ndufo idiñkịtte miin aba, ke etək-etək ini ñko ndufo eyaemaana eñkịt awuọñọ?’

Yọọn 21:11

Saimọn Bita amaatịmme akedʌk ubom, adʌt iyịre ye iyak adi abod. Ke ammọ ebatta, emaekịt ikpọ-ikpọ iyak ikie ye aba ye duob ye ita, ado iyịre ikikịppeke.

Yọọn 21:15

Ke ammọ emaekedia ñkpọ ema, Yisọs amaabịp Saimọn Bita ate: “Saimọn, ayịn Yọọn, nte afo amemma miin akan afịd mbon ami?” Bita ate anye, “Ih Abọọñ, afo amediọọñọ ke ami mmuma fiin.” Yisọs ate anye, “Bọọk mme edọñ mmi!”

Yọọn 4:27

Kpa ke ini ado mbed amọ enyọñ edi, idem anyʌñ akpa ammọ adikịt nte anye atañ ikọ mme awonwaan. Ado awo ndomokeed ikibịppe ibo. “Nso-o ke afo ayem?” me “Ntak a-afo atañña ikọ ye anye-e?”

Utom 10:41

Idooho afịd awo ekekịt anye, ado mme ntiense a-Abasi akemekke, ye ñnyịn i-ikidiaagha inyʌñ inwọñ ye anye ke anye amaakeset ke ñkpa ikikịt anye.