Yọọn 19:6 - Ñwed Abasi Ke Ikọ Ibibio Ayo Mfịn

⁶ Ado mme ikpọ aku ye mme nsaña ammọ ekekekịt anye, ammọ emaesio ñkpo ete, “Ikọñ anye ke krọs! Ikọñ anye ke krọs!” Ado Baided amaabọọrọ ammọ, “Ndufo iben anye ika ikikọñ ke krọs. Amaado ami ñkịtte ndudue mbaña anye.”

Yọọn 19:6 ပူးပေါင်းရင်းမြစ်များ

Matiu 26:58

Bita amaakeene anye ke edem ke anyanusʌñ tutu akesịm esịd akwere akwa aku. Bita ñko amaadʌk akesuuk atie ye mme akpeme akwa aku mbaak ato do anye akịt se utịd adido.

Matiu 27:22

Baided abo ammọ ate, “Ke ntodo, nso-o ke ndufo eyem nnam ye Yisọs e-ekoodo Mesaya?” Afịd ammọ, ete, “Kọñ anye ke krọs!”

Matiu 27:24

Ndin Baided akekịt ke inieeghe se imọ ikeme adinam, ñko ke atu awo eyaetọọñọ ntịme, anye aben mmọọñ ayie ubọk ke iso atu awo anyʌñ abo ate, “Ami nsañake ñkpọ do ye iyiib awo ami. Ado ndubeeghe ndufo!”

Eti Etob Naña Duk Awet 23:4

Ndin Baided amaadọkkọ mme ikpọ aku ye atu awo ate, “Ami ñkịtte ndudue nnọ awo ami.”

Yọọn 18:3

Yudas amaasaña aka inwañ ado, adat mme udịm mbon ekọñ a-mme ikpọ aku ye mme Farisi ekenọọhọ anye, ekaama utuenikañ, mme ikañ emuum, ye mme ñkpọ anwan mfen edika itie ado.

Yọọn 18:31

Baided amaabo ammọ ate, “Iben anye ika ikikpe ikpe amọ naña ibed ndufo ado.” Mme Yuu emaefaaña ete, “Ñnyịn inieeghe unen adibiire ikpe ñkpa awo.”

Yọọn 18:38

Mi ke Baided akebịp Yisọs abo, “Nso-o ido akpanikọ?” Ke anye amaaketañ ami, anye awuọ abịne mme Yuu e-ekebonoke ke anwa esiin, akebo ammọ, “Ami ñkịtte ndudue ndomokeed ke idem awo ami.

Yọọn 19:15

Ammọ emaebọọñ ete, “Iben anye ika! Iben anye ika! Kọñ anye ke krọs!” Baided amaabịp ammọ ate, “Ebo ñwot adidem ndufo ke krọs?” Mme ikpọ aku emaebọọrọ ete, “Ñnyịn inieeghe abọọñ mfen ke mmibọhọke Sisa.”

Yọọn 19:4

Ini keed mfen, Baided amaatịmme awuọ adibo mme Yuu ate, “Se, ami ñyaasaana anye ñyaak inọ ndufo, nọ ediọọñọ ke ami ñkịtte ndudue mbaña anye.”

Utom 2:23

Emaekappa anye enọ ndufo ato ke uduak ye ubonoñkpọ Abasi akenieeghe, ndin ato ke unwam mbon ibak, ndufo emaekọñ anye ewot ke eto krọs.

Utom 7:52

Ake-e brọfed ke mme eteete ndufo mmiikikọbọke? Ammọ ekekap ewot mbon e-ekeyaarake adidi Adinen Ayịn Awo. Idahami, ndufo emetap anye enyʌñ ewot anye,