Yọọn 19:39 - Ñwed Abasi Ke Ikọ Ibibio Ayo Mfịn

³⁹ Anye akesaña ye Nikodimọs, ete a-akenwọọnọ-nwọọn akekịt Yisọs ke akoneyo. Ndin Nikodimọs amaakama inem ufịk adan e-ekewuaaha mai ye adoi a-adoppoke ñkpọ nte baund ata ye duob ye ition.

Yọọn 19:39 ပူးပေါင်းရင်းမြစ်များ

Matiu 12:20

Anye idiibuuño nnyʌkkọ ñnyanyaaha, idiinyʌññọ inịme adeduek ifia ikañ, anye ayaakaiso tutu unen anie adikan.

Matiu 19:30

Ado uwak awo e-eboiyoke iso, eyaekpe edem, ndin uwak e-ekpeghe edem, eyaeboiyo iso.”

Matiu 2:11

Emaekesịm ufọk a-ayịn akebaaha, ammọ emaekịt ayịn ye Mmeri eka amọ, etuak iwuod enọ, enyʌñ ekpono anye. Ndin ammọ etat ekpad ammọ enyʌñ enọ anye mme nsọñudua ñkpọ: nsọñudua itiad kood, insensi ye anemutebe adan.

Maak 16:1

Ke usen Sabad amaakeboiyo, Mmeri Makdadin ye Mmeri eka Yemsi, ye Sadomi emaekedep inem ufịk adan nọ eben ekefiọññọ akpo Yisọs.

Yọọn 12:3

Ndin Mmeri amaaben ata nsọñudua adan keed aduọk Yisọs ke ukod anyʌñ aben ided amọ akwokko anye ukod. Ndin inem utebe nsọñudua adan ado amaayọhọ afịd ufọk.

Yọọn 12:7

Yisọs amaabọọrọ ate, “Kpọñ anye, akena nte anye anịm inem utebe adan ami anọ usen edimbuuk miin.