Yọọn 19:30 - Ñwed Abasi Ke Ikọ Ibibio Ayo Mfịn

³⁰ Ke Yisọs amaaketʌm ukọd ado, anye amaabo, “Akweeñe.” Ke anye amaakebo ntodo, anye amaasuuk iwuod ke isọñ, ayak sịbidịd amọ.

Yọọn 19:30 ပူးပေါင်းရင်းမြစ်များ

Matiu 20:28

kpa naña nte Ayịn Awo akedieeghe adinam ñkpọ nnọ awo, idooho nọ enam ñkpọ enọ anye, adinyʌñ mben uwem amọ mfak uwak awo.”

Matiu 27:50

Ado Yisọs atua ke ekamba uyo ini keed mfen, anyʌñ ayaak sịbidịd amọ.

Matiu 3:15

Yisọs abọọrọ anye ate, “Yak aba ntodo nọ ikọ Abasi asu.” Ndin Yọọn anyịmme.

Maak 15:37

Yisọs amaamaana abọọñ ñkpo ke akpọsọñ uyo, ndin ayaak ukpọñ amọ, anweek akpatre ibifịk.

Eti Etob Naña Duk Awet 22:37

Ntañ ami inọ ndufo, ikọ ñwed Abasi ekewette ete, ‘Ndin emaebat anye esịn ke atu mme adue ibed,’ ana asu ke idem mmi. Ih, ke akpanikọ, se ekewet ami atọtọọñọ adisu.”

Eti Etob Naña Duk Awet 23:46

Yisọs amaabọñ ke akpọsọñ uyo, “Ete, mmeyaak ukpọñ mmi usịn fiin ke ubọk.” Anye amaaketañ ikọ ami ima, anye aduọk akpatre inweek.

Yọọn 10:11

“Ami ndo eti akpemedọñ. Eti akpemedọñ ayaak uwem amọ anọ edọñ.

Yọọn 10:18

Awo nte keed imbọọhọ, ami nduọọk anye ke unyịmme esịd mmi. Ami mmenie adudu adiduọọk anye, ñnyʌñ nnie adudu adimaana mben anye; ndin ami ado uyo a-ami mbọọhọ nto Ete mmi.”

Yọọn 17:4

Ami mmunọ fiin ubọọñ ke isọñ ke adikweeñe utom afo akendọññọ abo yak nnam.

Yọọn 19:28

Ke amaakemaana ko, Yisọs amaakediọọñọ ke afịd ñkpọ akweeñe, anye ate, “Itọñ ansat,” nọ ato do ikọ Abasi e-ekewette asu.

Yọọn 4:34

Yisọs abo, “Ndidia mmi ado adinam uduak anye a-akendọññọ miin ñnyʌñ ñkweeñe utom amọ.

Ñwed Mbon Rum 10:4

Krais ado utịd afịd ibed nọ ato do adinenido aba anọ afịd awo se inịm ke akpanikọ.

Ñwed Mbon Rum 3:25

Abasi amaanọ Krais nte uwa a-akpeeghe asio awo ke idiọọkñkpọ ato ke iyiib amọ a-naaha ebo eto mbuọdidem. Anye akenam ami adiwọt ido amọ sia ke adiyọ amọ anye amaafeen mme idiọọk ñkpọ e-ekenamma ke usen edem, inyʌññọ imia ammọ ufen.

1 Kọrint 5:7

Sio akaan yis ado fep ke ufọọd ndufo nọ ndufo edo ufa ndomuyo ake yis mmiisịneke, kpa naña ndufo enyʌñ edoñño. Sia ewa Krais, andido ayịn edọñ Usọrọ Nsaña Mboyo ñnyịn.

Fidibai 2:8

Ndin sia ekekịtte anye nte awo, anye amaasuuk idem amọ anyʌñ akop item tutu asịm ñkpa, kpa ñkpa ke krọs.

Ibru 12:2

Yak ñnyịn iwuuk anyen ñnyịn ke Yisọs, andido ntọọñọ ye andinam mbuọdidem ñnyịn afọn ama, a-akedooho ke ntak inemesịd e-ekenịmme ke iso amọ, anye akeyọ krọs, amiim ndọk amọ, anyʌñ asuuk atie ke ubọk udom ke ebekpo Abasi.

Ibru 9:22

Ke adinekke ntañ, ibed ayem naña ekpedat iyiib enam ukeed ñkpọ asana, ndin mfeen nnọ ndomokeed ibaaha ke iyiib miiduọkkọke.