Yọọn 18:20 - Ñwed Abasi Ke Ikọ Ibibio Ayo Mfịn

²⁰ Yisọs amaabọọrọ anye ate, “Ami mmaatañ anwa-anwa nnọ afịd ekondo, mmaakpeeb mme awo ñkpọ ke mme sinakọk ye ke tembịd, a-mme adaukara, nditọ mme Yuu esidisooboke. Mme awo emaekop ikọ mmi sia ñkekpeebe ñkpọ ndomokeed ke ndịbe.

Yọọn 18:20 ပူးပေါင်းရင်းမြစ်များ

Matiu 24:26

“Do ndin awo ndomokeed akpidọkkọ ndufo, ‘Se, anye ko ke akpautatan,’ ikiika do. Akpedo ebo, ‘Se anye mi, ke mme esịd ubeed,’ ikiinịm ke akpanikọ.

Matiu 26:55

Ado ke ini ami ke Yisọs akebo mme atu awo, “Nte ami ndo asịn nsọk ke abio nọ ndufo ewuọọñọ ekaama mme akañkañ mme ñkpeti ete idimmʌm? Ami mmaatie ñkpeeb ñkpọ ke afe tembịd ke usen ke usen, ado akananam ndufo idueeghe indot ubọk ke idem.

Matiu 26:65

Ndin akwa aku amaawai afọñidem amọ anyʌñ abo, “Anye atañ ikọ asappa Abasi! Nso-o ido ufọn ntiense a-ñnyịn iyemme idahami? Sese do, idahami ndufo emekop usappa Abasi ami.

Matiu 4:23

Do ndin Yisọs amaasaña ke afịd Kadidi akpeeb ñkpọ ke mme itie ubọñ akam, akwọrọ eti etob abio ubọọñ Abasi, anyʌñ akọk mme nsio-nsio udọñọ ye una nsọñidem mme awo do.

Matiu 9:35

Yisọs amaasaña isañ aka ke afịd-afịd mme abio ye mme idʌñ, akpeeb ñkpọ nti mbʌk abio ubọọñ ke mme itie ubọñ akam anyʌñ akọk mme nsio-nsio udọñọ.

Maak 8:32

Anye amaatañ añwa-añwa abaña ñkpa ami ndin Bita amaaben anye asanna ada anyʌñ atọọñọ adikpaaña nnọ anye.

Eti Etob Naña Duk Awet 21:37

Kwa usen Yisọs akesịkwọrọ ikọ ke tembịd, ado amaado ndubreyo, anye akpọñ akeba ke abod e-ekekoodo Abod Ọdif tutu ubakusen,

Eti Etob Naña Duk Awet 4:15

Anye amaakpeeb ñkpọ ke mme sinakọk ammọ, ndin afịd awo emaetooro anye.

Yọọn 18:21

Nso-o ndin inam nọ afo ambịp miin. Akpekap abịp mbio se ikikop ukpeebñkpọ mmi. Ammọ ediọọñọ afịd se ñkekpeeb.”

Yọọn 6:59

Yisọs aketañ mme ikọ ami ke idaha a-anye akpeebe ñkpọ ke sinakọk ke Kapanọm.

Yọọn 7:14

Akedo enanam usọrọ esịm mbakka iba, mbemiso Yisọs awuọ aka aketọọñọ adikpeeb ñkpọ ke afe tembịd.

Yọọn 7:26

Ñkọ anye ado mi, asʌk atañ ikọ anwa-anwa, ndin awo inieeghe se etañ ye me enam anye! Nte ado akpanikọ ke ukara ebiire ebo ke anye ado Mesaya?

Yọọn 7:28

Ndin Yisọs, ke ini asʌkkọ akpeeb ñkpọ ke afe tembịd, amaabọñ ke akpọsọñ uyo ate: “Ih, emendiọọñọ miin, emenyʌñ ediọọñọ nte nto. Ado ami mbaaha mi ke adudu idem mmi, anye a-akendọññọ ado akpanikọ. Ndufo idiọọñọke anye,

Yọọn 7:4

awo ndomokeed a-ayemme ediọọñọ anye inamma ñkpọ ke ndịbe-ndịbe. Sia afo anamma mme ñkpọ ami akpena afo ayaara idem mfo anọ afịd ederimbod!”

Yọọn 8:2

Ke ata ubakusen, anye amaatịmme aka afe tembịd, a-mme afịd awo ekekekannake anye ekʌk, ndin anye amaasuuk atie anyʌñ atọọñọ adikpeep ammọ ñkpọ.

Yọọn 8:26

Ami mmenie umiañ ñkpọ aditañ ke adibiire ikpe ibaña ndufo. Ado anye a-akendọññọ miin ndi ado anam akpanikọ, ndin se ami ñkop nto anye ado se ami ntañ nnọ ederimbod.”

Utom 26:26

Adidem ameghe ye mme ñkpọ ami, ndin mmekeme itañ ikọ nnọ anye uko-uko. Mmenịm mbo ke ibaaha ñkpọ ami ndomokeed afeppe anye ke anyen sia ibaaha se ekenam ndịbe-ndịbe.