Yọọn 17:6 - Ñwed Abasi Ke Ikọ Ibibio Ayo Mfịn

⁶ “Ami mmuyaara fiin nnọ mbon a-afo akesiooho ke ederimbod annọ. Ammọ ekedo ake mfo; afo akeben ammọ annọ, ammọ ekpono ikọ mfo.

Yọọn 17:6 ပူးပေါင်းရင်းမြစ်များ

Yọọn 1:18

Awo ndomokeed akenam ikịtte Abasi, ado Ayịn Abasi ikpọọñ-ikpọọñ, a-anyʌññọ ado Abasi ke idem amọ, a-atieeghe ke ñkañ Abasi, anam eyaara anye.

Yọọn 12:28

Ete, nọ anyịñ mfo ubọọñ.” Ndin uyo amaato abio ubọọñ Abasi ate, “Mmenọ anye ubọọñ, ndiisʌk mmamaana nnọ anye ubọọñ.”

Yọọn 15:19

Akpedo ndufo ekedo ake ederimbod, ederimbod akpaima ndufo nte ake amọ. Nte abaaha ntom, ndufo idooho ake ederimbod, ado ami mmimek ndufo nsio ke ederimbod. Ado anam ederimbod isua ndufo.

Yọọn 15:3

Ndufo emesana ke ntak ikọ a-ami ñketañña inọ ndufo.

Yọọn 15:7

Ndufo ekpedʌñ ke ami ndin ikọ mmi isịne ndufo ke idem, ibịp se eyeyem ke eyainọ ndufo.

Yọọn 17:12

Idahami ami ñkebaaha mme ammọ mmaakpeme ammọ ñnyʌñ ndat anyịñ a-afo akennọọhọ nnịm ammọ ke ifure. Ammọ bene keed isoppo ke mmiibọhọke ada akenaaha nte asop ma ikọ Abasi asu.

Yọọn 17:14

Mmenọ ammọ ikọ mfo, ado anam ederimbod esua ammọ sia ammọ idooho ake ederimbod, kpa nte ami mendooho ake ederimbod.

Yọọn 17:16

Ammọ idooho ake ederimbod kpa naña ami mendooho ake ederimbod.

Yọọn 17:2

Sia afo ameyaak adudu ukara afịd awo anọ anye ma anye anọ afịd mbon ami se afo akenọ anye nsi-nsi uwem.

Yọọn 17:24

“Ete, ami ñyem mbon a-afo annọhọ miin eba mme ami ke itie a-ami mbaaha nọ ammọ ekịt ubọọñ mmi, ubọọñ a-afo annọhọ miin sia afo amaamma miin mbemiso afo akebot ederimbod.

Yọọn 17:26

Ami mmuyaara fiin nnọ ammọ ndin ñyaaka iso uyaara fiin ma ima a-afo anieeghe annọ miin aba mme ammọ ndin ami ke idem mmi mba mme ammọ.”

Yọọn 17:7

Idahami ammọ ediọọñọ ke afịd se afo akennọ akuto fiin.

Yọọn 18:9

Anye aketañ ntom nọ ikọ brọfesi asu a-anye akebooho ate, “Ami ñkeduọọhọ ndomokeed ke atu se afo akennọ.”

Yọọn 6:37

Afịd awo se Ete annọ miin eyaedi embịne, ndin ami ndiibịneke awo ake adodo a-adieeghe ambịne miin.

Yọọn 6:39

Ndin uduak se anye akendọñ miin ado, ke ami ñyaak awo ndomokeed ke atu ammọ a-anye akennọọhọ asop, ado ami nnam ammọ eset ke akpatre usen.

Yọọn 8:51

Ke ata akpanikọ ke ami ntañ inọ ndufo, awo ake adodo a-anịmme ikọ mmi, idikịtte ñkpa.”

Yọọn 8:52

Mme Yuu emaetañ ke akpọsọñ uyo ete, “Idahado ndin ñnyịn imidiọọñọ ke ñkpọ usọp. Ebraham amaakpa, mme brọfed emaekpañña ñko, ado afo abo, awo ake adodo a-anịmme ikọ mmi idiikpaaha.

Utom 13:48

Ke mme Yentaid emaekekop ami, ammọ emaedaara enyʌñ enam ikọ Abasi anie ukpono; ndin afịd mbon ado e-ekenaaha enie nsi-nsi uwem emaenịm ke akpanikọ.

Ñwed Mbon Rum 11:2

Abasi ikisịnne ikọt amọ a-anye ammaketo adiọọñọ. Ado nte ndufo afo idiọọñọke se ikọ Abasi abo ke itie ñwed keed abaña Edaiya, naña anye aketọt mme ndiọiñkpọ Isred anọ Abasi ate:

2 Kọrint 4:6

Sia Abasi akenọọhọ uyo ate, “Yak unwana ayama ke akịm,” amaanam unwana amọ ayama ke esịd ñnyịn ma anye anwaña awo anyen adidiọọñọ ubọọñ Abasi ke iso Yisọs Krais.

Kodosi 3:16

Yak ikọ Krais adʌñ ke idem ndufo mfọn-mfọn naña ndufo ekpeeb enyʌñ enọọñọ keed aken item mme afịd ifiọk, naña ndufo ekwọ mme ikwọ saam, ikwọ Abasi mme ikwọ Sịbidịd ye esịd ekọọm enọ Abasi.

2 Timoti 1:13

Mʌm nti ikọ se afo akekop ke inua mmi kama, nte naña akama akpeeb ñkpọ ke eti usʌñ, ye mbuọdidem ye ima ke Krais Yisọs.

Ibru 2:12

Anye ate, “Ami ñyaayaara anyịñ mfo nnọ mme nditọete mmi; ke iso esob Abasi ñyaakwọ itooro mfo.”

Ibru 3:6

Ado Krais anam akpanikọ nte Ayịn ke ufọkabasi. Ndin ñnyịn ido ufọk amọ, adieke ñnyịn imʌmmọ etiido ñnyịn ikama ye idodanyen a-ñnyịn idatta itañ ase.

1 Bita 1:1

Bita, abọsịd Yisọs Krais, Awet ñwed ami anọ esọk mbon a-Abasi amekke, mme isenawo ke ederimbod, e-esuanake eyọhọ Bọntus, Kadesia, Kapadosia, Esia ye Bitinia,

1 Yọọn 5:20

Imidiọọñọ ñko ke Ayịn Abasi adi anyʌñ inọ ñnyịn ifiọk naña ñnyịn ikeme edidiọọñọ andido akpanikọ. Ndin, ñnyịn idʌñ ke andido akpanikọ, kpa ke Ayịn amọ Yisọs Krais. Anye ado ñkukwere Abasi akpanikọ ye uwem nsi-nsi.

Adiyaara 2:13

Ami mmediọọñọ itie nte afo adʌñ–itie a-Setan anịmme ebekpo amọ. Ado afo amemʌm anyịñ mmi akama. Ukunyʌññọ ukañ ikọ mmi, kpa ke ini Antipas, ata akpan ntiense mmi, e-ekewotto ke abio ndufo, ke itie idʌñ Setan.

Adiyaara 3:10

Sia afo amenịm ewʌhọ Mmi ke edibọ ke ime, Ami ñyaanyʌñ umʌm fiin ñkamake ini ñnyeeñe a-abooho idisịm afịd ederimbod nọ adidomo mbon se idʌñ ke isọñ.

Adiyaara 3:8

Mmediọọñọ mme utom mfo. Kase, mmenịm ana inwañ usʌñ ke iso mfo awo ndomokeed mmiidiikanna adikʌk. Mmedọdiọọñọ ke inweek mfo ikponno, ado afo amenịm ikọ mmi unyʌññọ ukañ anyịñ Mmi.