Yọọn 17:3 - Ñwed Abasi Ke Ikọ Ibibio Ayo Mfịn

³ Idahami ami ado nsi-nsi uwem: ma ammọ udiọọñọ fiin, ukweeñe-ukweeñe Abasi akpanikọ, ye Yisọs Krais a-afo akenọọhọ adi.

Yọọn 17:3 ပူးပေါင်းရင်းမြစ်များ

Maak 9:37

“Awo ake adodo a-adaarake etəkayịn ntom ke anyịñ mmi andaara miin; nko awo ake adodo andaarake miin, idooho ami ke anye adaara, ado adaara andiikiindọñ miin.”

Eti Etob Naña Duk Awet 9:48

Ndin anye amaabo ammọ, “Awo ake adodo a-adaarake etəkayịn ami ke anyịñ mmi andaara miin; ñko awo ake adodo andaarake miin adaara anye a-akendọññọ miin. Sia awo asịppe akan ke atu ndufo, anye ado andikpon ñkan.”

Yọọn 10:36

maama dise ndin anye a-Abasi akesiooho anịm saña-saña nte akemọ anyʌñ anọ adi ke ederimbod? Ntagha a-ndufo ebooho ke mmesappa anyịñ Abasi ke ami adibo, ‘Ami ndo Ayịn Abasi’?

Yọọn 11:42

Mmaadiọọñọ mbo ke afo amesikop uyo mmi afịd ini, ado ñketañ ke ntak ufọn mme atu awo e-ebaññake mi, ma ammọ enịm ke afo akendọñ miin.”

Yọọn 14:26

Ado Idọñesịd, Adisana Sịbidịd, e-Ete adidọñ ke anyịñ mmi ayaikpeeb ndufo afịd ñkpọ anyʌñ itoiyo ndufo afịd se ami ntañ inọ ndufo.

Yọọn 17:18

Daña afo akennọ miin ndi ederimbod, kpa ntodo ami mmenọ ammọ eka ke ederimbod.

Yọọn 17:21

nọ afịd ammọ edo keed, Ete, ukem-ukem naña afo aba ke ami, ami ñnyʌñ mba ke afo. Yak ammọ ñko eba ke ñnyịn nọ ederimbod enịm ke afo akendọñ miin.

Yọọn 17:23

Ami ke ammọ, afo ke ami, ma ammọ ediana keed ayọhọ-ayọhọ. Do ndin ederimbod eyaediọọñọ ke afo akendọñ miin anyʌñ ama ammọ nte afo ammaagha miin.

Yọọn 17:25

“Adinen Ete, ñkọm adooho ederimbod udiọọñọke fiin, ami mmudiọọñọ fiin, ammọ ñko ediọọñọ ke afo akendọñ miin.

Yọọn 17:8

Sia ami mmaanọ ammọ ikọ a-afo akennọọhọ miin ndin ammọ emaenyịmme. Ammọ emaediọọñọ ayọhọ-ayọhọ ete ke ami ñkuto fiin ndi, ndin ammọ emaenịm ke afo akendọñ miin.

Yọọn 3:17

Sia Abasi ikinọọhọ Ayịn amọ adi ederimbod adibiom ederimbod ikpe, ado adinyaaña ederimbod.

Yọọn 3:34

Sia awo a-Abasi adọññọ atañ ikọ atooho Abasi, sia Abasi anọ Sịbidịd ado ayọhọ-ayọhọ.

Yọọn 5:44

Ndufo ekeme die inịm ke akpanikọ ke ini ndufo edubọiyọke itooro eto keed aken, ado inamma ñkpọ adibọ itooro a-atooho ukwueeñe-ukwueeñe Abasi?

Yọọn 6:57

Nte ndu-ndu Ete akendọññọ ndin ami ñnyʌñ mbọ uwem nto Ete, ntodo ñko ke awo ake adodo a-ntaaha miin adidu uwem ke ntak mmi.

Yọọn 7:29

ado ami mmediọọñọ anye sia nnie uwem mmi nto ke anye, ñko ado anye akendọñ.”

Yọọn 8:19

Ndin ammọ emaebịp anye ate, “Ete mfo aba ke uke?” Yisọs amaabọọrọ, “Ndufo indiọọñọke miin, inyʌññọ idiọọñọ Ete mmi, adieke ekpekendiọọñọke miin, ekpaekediọọñọ Ete mmi ñko.”

1 Kọrint 15:34

Itịmme ika eti iwuod ndufo naña ekpeba, inyʌñ itre adinam idiọọkñkpọ: ado aba mbio a-ammiinieeghe ifiọk ibaña Abasi, ntañ ami nọ buud imʌm ndufo.

1 Kọrint 8:4

Ke ntodo, kebaña adidia ndidia uwa e-enọọhọ mme ndem: Ñnyịn imidiọọñọ “Ke ndem idooho ba ñkpọ ndomokeed ke ederimbod” ñko “Ke Abasi ibaaha ikan Abasi keed.”

2 Kọrint 4:6

Sia Abasi akenọọhọ uyo ate, “Yak unwana ayama ke akịm,” amaanam unwana amọ ayama ke esịd ñnyịn ma anye anwaña awo anyen adidiọọñọ ubọọñ Abasi ke iso Yisọs Krais.

Fidibai 3:10

Ami ñyem adidiọọñọ Krais ye adudu adised ke ñkpa amọ mme ewana adikeene ñwuana ke mme ukuud amọ,

Fidibai 3:8

Mfen ñko, ñkịt afịd ñkpọ nte ntakudua adieke ebenne edomo mme anana mbied akwa ifiọk edidiọọñọ Krais Yisọs Abọọñ mmi, a-adooho ke ntak amọ ukeed ñkpọ akappa ado ntakudua. Ami ñkịt afịd ammọ nte mbio, ma ato do ami nnie Krais nte udʌk,

1 Tesadonia 1:9

sia ammọ ke idem ammọ enọ mbʌk se ikitịppe ke utọ adidaara a-ndufo ekidaarake ñnyịn. Ammọ etañ naña ndufo ekappa ekeene Abasi, ekpọñ ndem, enam ñkpọ enọ ndu-ndu Abasi akpanikọ,

2 Tesadonia 1:8

Anye ayaamia mbon a-mmiidiọọñọke Abasi ufen a-mmiinyʌññọ isuuk iwuod inọ Abọọñ ñnyịn Yisọs.

Ibru 3:1

Ke ntodo, ndisana nditọete e-ewanake ke ikood, iwuuk mme akikere ndufo ke Yisọs, andido abọsịd ye akwa aku a-ñnyịn itañña ase ibaña.

2 Bita 1:2

Mfọn ye emem ayọhọ-ayọhọ akpekap ato ke edidiọọñọ Abasi ye Yisọs Abọọñ ñnyịn ikeene ndufo.

2 Bita 1:3

Sia adudu Abasi inọ ñnyịn afịd ñkpọ a-asañake ye uwem ye uteñe Abasi, ato adidiọọñọ anye, a-akedatta ubọọñ ye etiido amọ ikood ñnyịn.

2 Bita 1:8

Sia adieke mme ñkpọ ami abaaha ke esịd ndufo ayọhọ-ayọhọ, ammọ eyaenam ndufo ibaaha ibe-ibe, ikiinyʌñ inana mfịd ke udiọọñọ Abọọñ ñnyịn Yisọs Krais.

1 Yọọn 1:2

Uwem ado amaawuọ awọd idem; ñnyịn imikịt anye inyʌñ itie ntiense ibaña anye, ñko immunyʌñ itañ inọ ndufo ibaña nsi-nsi uwem, a-akebaaha ye Ete anyʌñ ayaara idem iwọt ñnyịn.

1 Yọọn 1:3

Ñnyịn itañ inọ ndufo ibaña se ñnyịn ikịt ye se ikop, nọ atoodo ndufo enie ewana ye ñnyịn. Ndin inie ewana ye Ete ye Ayịn amọ, Krais Yisọs.

1 Yọọn 2:23

Awo a-akañña Ayịn, asịn Ete; awo a-anyịmmeke Ayịn anyʌñ anyịmme Ete.

1 Yọọn 4:6

Ñnyịn ido nditọ Abasi, ndin awo a-adiọọñọke Abasi akpañ utọñ inọ ñnyịn; ado awo a-mmiidiọọñọke Abasi ikoppo ikọ ñnyịn. Ami ke ñnyịn idat ami idiọọñọ Sịbidịd akpanikọ ye sịbidịd nsu.

1 Yọọn 5:20

Imidiọọñọ ñko ke Ayịn Abasi adi anyʌñ inọ ñnyịn ifiọk naña ñnyịn ikeme edidiọọñọ andido akpanikọ. Ndin, ñnyịn idʌñ ke andido akpanikọ, kpa ke Ayịn amọ Yisọs Krais. Anye ado ñkukwere Abasi akpanikọ ye uwem nsi-nsi.