Yọọn 17:23 - Ñwed Abasi Ke Ikọ Ibibio Ayo Mfịn

²³ Ami ke ammọ, afo ke ami, ma ammọ ediana keed ayọhọ-ayọhọ. Do ndin ederimbod eyaediọọñọ ke afo akendọñ miin anyʌñ ama ammọ nte afo ammaagha miin.

Yọọn 17:23 ပူးပေါင်းရင်းမြစ်များ

Yọọn 10:38

Ado akpedo mmenam, akpesʌk ado a-ndufo idiinnịmme miin ke akpanikọ, isʌk ikap inịm mme utịbe utom a-ami nnamma ke akpanikọ, ma ndufo ediọọñọ ma anyʌñ inwaña ke Ete aba ke ami, ami ñko ñnyʌñ mba ke Ete.”

Yọọn 13:35

Emaenam ntom, afịd awo eyaediọọñọ ke ndufo edoñño mme mbed mmi, emaedumakka idem ndufo.”

Yọọn 14:10

Nte ndufo inịmme ke ami mba ke Ete, Ete aba ñko ke ami? Se ami ntañ inọ ndufo intooho miin. Ado Ete a-andʌññọ miin ke idem anam utom amọ.

Yọọn 14:23

Yisọs amaabọọrọ ate, “Awo a-amaaha miin ayaanam ukpeeb ñkpo mmi, ndin Ete mmi ayaama anye ndin ñnyịn iyaidi ibịne anye inyʌñ idʌñ mme anye.

Yọọn 15:9

“Nte Ete mmi ammaagha miin, kpa ntodo ke ami ima ndufo, ndin edʌñ ke ima mmi.

Yọọn 16:27

Iyoo, Ete ke idem-idem amọ ima ndufo, sia ndufo ememma miin enyʌñ enịm ke ami ñketo Abasi ndi.

Yọọn 17:11

Ami mbooho mba aba ke ederimbod, ado ammọ esʌk ebaba ke ederimbod, sia ami ñyaanyọñ ubịne fiin. Adisana Ete, dat adudu anyịñ mfo kpeme ammọ, anyịñ afo akennọọhọ miin nọ ammọ edo keed kpa naña ñnyịn ido keed.

Yọọn 17:21

nọ afịd ammọ edo keed, Ete, ukem-ukem naña afo aba ke ami, ami ñnyʌñ mba ke afo. Yak ammọ ñko eba ke ñnyịn nọ ederimbod enịm ke afo akendọñ miin.

Yọọn 17:24

“Ete, ami ñyem mbon a-afo annọhọ miin eba mme ami ke itie a-ami mbaaha nọ ammọ ekịt ubọọñ mmi, ubọọñ a-afo annọhọ miin sia afo amaamma miin mbemiso afo akebot ederimbod.

Yọọn 17:26

Ami mmuyaara fiin nnọ ammọ ndin ñyaaka iso uyaara fiin ma ima a-afo anieeghe annọ miin aba mme ammọ ndin ami ke idem mmi mba mme ammọ.”

Yọọn 17:3

Idahami ami ado nsi-nsi uwem: ma ammọ udiọọñọ fiin, ukweeñe-ukweeñe Abasi akpanikọ, ye Yisọs Krais a-afo akenọọhọ adi.

Yọọn 17:8

Sia ami mmaanọ ammọ ikọ a-afo akennọọhọ miin ndin ammọ emaenyịmme. Ammọ emaediọọñọ ayọhọ-ayọhọ ete ke ami ñkuto fiin ndi, ndin ammọ emaenịm ke afo akendọñ miin.

Yọọn 3:17

Sia Abasi ikinọọhọ Ayịn amọ adi ederimbod adibiom ederimbod ikpe, ado adinyaaña ederimbod.

Yọọn 6:56

Awo ake adodo a-ataaha ikpọkidem mmi anyʌñ inwọñ iyiib mmi aba mme ami, ami ñko ñnyʌñ mba mme anye.

1 Kọrint 1:30

Ado ato ke anye ke afo aba ke Krais Yisọs, a-amaakekappa ado aniọñ ake atooho Abasi, ado ado, etiido ñnyịn, adisana ye adifakka.

2 Kọrint 5:21

Abasi akenam anye a-miikinieeghe idiọọkñkpọ akappa ado idiọọkñkpọ ke ntak ñnyịn; mbaak ato do ñnyịn ke anye ikappa ido edinenido Abasi.

Kadesia 3:28

Adido Yuu me Krik, me ifʌn me amanaisọñ, awodeen me awonwaan ibaaha, sia afịd ndufo edo keed ke Krais Yisọs.

Fidibai 3:15

Afịd ñnyịn i-ikponno inyʌñ idiọọñọ idem akpena ida ikịt mme ñkpọ ke utọ usʌñ ami. Ñko adieke abaaha ñkpọ a-ndufo ekereke ebaña ke nsio-nsio usʌñ, anye ado ñko Abasi ayaanam inwaña ndufo.

Kodosi 1:28

Anye ke ñnyịn ikwọrọ, i-inọ item inyʌñ ikpeeb afịd awo ke afịd ifiọk, nọ ato do ñnyịn inam afịd awo efọn ema ke Krais.

Kodosi 2:2

Uduak mmi ado nọ ammọ enie idọñesịd enyʌñ ediana ke ima, nọ atoodo ammọ enie ayọhọ imọ a-atooho ke ayọhọ edidiọọñọ mme ndịbe-ndịbe ñkpọ Abasi, a-adooho Krais,

Kodosi 3:14

Ndin ke akanna afịd mme nti ido ami, sịne ima, a-abọppọ afịd ammọ ami adian keed ke usʌñ a-afọnnọ ama.

1 Bita 5:10

Ndin Abasi afịd mfọn a-akikoodo ndufo ate edidʌk ke nsi-nsi ubọọñ amọ ke Krais, ke ini ndufo emaekekịt ukuud ke etək ini, ayaamaana idʌt ndufo adat anyʌñ anam enie adudu, nsọọñọnda ye ñkaiso.

1 Yọọn 1:3

Ñnyịn itañ inọ ndufo ibaña se ñnyịn ikịt ye se ikop, nọ atoodo ndufo enie ewana ye ñnyịn. Ndin inie ewana ye Ete ye Ayịn amọ, Krais Yisọs.

1 Yọọn 3:1

Ise utọ ekamba ima e-Ete imaaha ñnyịn, tutu ikood ñnyịn nditọ Abasi. Ndin kpa ado ke ñnyịn ido. Ederimbod idiọọñọke ñnyịn nte nditọ Abasi sia ammọ mikidiọọñọke anye.

1 Yọọn 4:19

Ñnyịn ima sia anye amaabem iso ima ñnyịn.

Adiyaara 3:9

Ami ñyaanam mbon e-edoññoke ake itie ubọñ akam Setan, e-ebooho ke mmimọ idoñño mme Yuu ado idoññoke, mme asʌhọ nsu–yaanam ammọ ediduọọñọ ke ukod mfo ke ukpono enyʌñ enyịmme anwa-anwa ke Ami mmuma fiin.