Yọọn 17:21 - Ñwed Abasi Ke Ikọ Ibibio Ayo Mfịn

²¹ nọ afịd ammọ edo keed, Ete, ukem-ukem naña afo aba ke ami, ami ñnyʌñ mba ke afo. Yak ammọ ñko eba ke ñnyịn nọ ederimbod enịm ke afo akendọñ miin.

Yọọn 17:21 ပူးပေါင်းရင်းမြစ်များ

Maak 3:24

Adieke abio ubọọñ abakka ada anwana ye idem amọ, abio ubọọñ ado ikemeke isọọñọ ida.

Yọọn 10:16

Ami mmenie mme edọñ mfen e-mmiisịneke ke atu ami, ndin ana ami mben ammọ ndi ñko. Ammọ ñko eyaekpañ utọñ ekop uyo mmi, ndin atu edọñ keed ye akpemedọñ keed adiiba.

Yọọn 10:30

Ami ye Ete mmi ido keed.”

Yọọn 10:38

Ado akpedo mmenam, akpesʌk ado a-ndufo idiinnịmme miin ke akpanikọ, isʌk ikap inịm mme utịbe utom a-ami nnamma ke akpanikọ, ma ndufo ediọọñọ ma anyʌñ inwaña ke Ete aba ke ami, ami ñko ñnyʌñ mba ke Ete.”

Yọọn 11:42

Mmaadiọọñọ mbo ke afo amesikop uyo mmi afịd ini, ado ñketañ ke ntak ufọn mme atu awo e-ebaññake mi, ma ammọ enịm ke afo akendọñ miin.”

Yọọn 13:32

Adieke Abasi abọọhọ ubọọñ ato anye, Abasi ayaanọ Ayịn ubọọñ ke idem amọ, ndin ayaanọ anye ubọọñ ado ini keed.

Yọọn 13:35

Emaenam ntom, afịd awo eyaediọọñọ ke ndufo edoñño mme mbed mmi, emaedumakka idem ndufo.”

Yọọn 17:11

Ami mbooho mba aba ke ederimbod, ado ammọ esʌk ebaba ke ederimbod, sia ami ñyaanyọñ ubịne fiin. Adisana Ete, dat adudu anyịñ mfo kpeme ammọ, anyịñ afo akennọọhọ miin nọ ammọ edo keed kpa naña ñnyịn ido keed.

Yọọn 17:18

Daña afo akennọ miin ndi ederimbod, kpa ntodo ami mmenọ ammọ eka ke ederimbod.

Yọọn 17:20

“Ami mbọññọ akam ami nnọ ammọ ikpọọñ ado mmenyʌñ mbọñ mbaña mbon e-ediinnịm miin ke akpanikọ ato ke ikọ ntiense ammọ ami,

Yọọn 17:25

“Adinen Ete, ñkọm adooho ederimbod udiọọñọke fiin, ami mmudiọọñọ fiin, ammọ ñko ediọọñọ ke afo akendọñ miin.

Yọọn 17:3

Idahami ami ado nsi-nsi uwem: ma ammọ udiọọñọ fiin, ukweeñe-ukweeñe Abasi akpanikọ, ye Yisọs Krais a-afo akenọọhọ adi.

Yọọn 17:8

Sia ami mmaanọ ammọ ikọ a-afo akennọọhọ miin ndin ammọ emaenyịmme. Ammọ emaediọọñọ ayọhọ-ayọhọ ete ke ami ñkuto fiin ndi, ndin ammọ emaenịm ke afo akendọñ miin.

Yọọn 3:17

Sia Abasi ikinọọhọ Ayịn amọ adi ederimbod adibiom ederimbod ikpe, ado adinyaaña ederimbod.

Yọọn 5:23

ma afịd awo ekpono Ayịn naña ammọ ekpono Ete. Awo ake adodo a-asịnne adikpono Ayịn asịn ñko adikpono Ete a-akendọññọ anye adi.

Utom 2:46

Kwa usen, afịd ammọ emaesisoobo ke mme afe tembịd. Ammọ emaesibuuñ uyo ke ufọk ammọ, ewana ediaagha ke inem ye inwañ-inwañ esịd,

Utom 4:32

Afịd mme andinịm akpanikọ ekenie esịd keed ye akikere keed. Ndomo awo keed ikibooho ke se imọ inie akedo akpọ-akpọ inie imọ, ado afịd awo ekewaawana se ekenie.

Ñwed Mbon Rum 12:5

ntodo ñko ke Krais akpasʌkado ñnyịn i-iwakka, ido abʌkidem keed, ndin afịd ñnyịn idoñño ndido inọ keed-e-akan.

1 Kọrint 1:10

Mmedat anyịñ Abọọñ ñnyịn Yisọs Krais ikpe ndufo ubọk mbo yak afịd awo enyịmme ye keed aken mbaak ubakka adiba ke atu ndufo nọ ato do ndufo ediana keed ke esịd ye ke akikere.

1 Kọrint 12:12

Idem ado keed ado anie uwak ndido; akpesʌk ado ndido idem awakka, afịd ado anam idem keed. Ukem ami ke ado ke Krais.

1 Kọrint 6:17

Ado awo ake adianna idem ye Abasi ado keed ye anye ke sịbidịd.

Kadesia 3:28

Adido Yuu me Krik, me ifʌn me amanaisọñ, awodeen me awonwaan ibaaha, sia afịd ndufo edo keed ke Krais Yisọs.

Fidibai 1:27

Daña akpedodo, ikama idem ndufo ke usʌñ a-adotto ke eti etob Krais. Ndin mme ndedi ndikịt ndufo me ñkokop ibaña ndufo ke ini membaaha, ami ñyadiọọñọ ke ndufo emesọọñọ eda ke Sịbidịd keed, enyʌñ enwana nte awo keed ke abaña mbuọdidem eti etob.

1 Yọọn 1:3

Ñnyịn itañ inọ ndufo ibaña se ñnyịn ikịt ye se ikop, nọ atoodo ndufo enie ewana ye ñnyịn. Ndin inie ewana ye Ete ye Ayịn amọ, Krais Yisọs.

1 Yọọn 5:7

Ntiense ita eba: