Yọọn 17:2 - Ñwed Abasi Ke Ikọ Ibibio Ayo Mfịn

² Sia afo ameyaak adudu ukara afịd awo anọ anye ma anye anọ afịd mbon ami se afo akenọ anye nsi-nsi uwem.

Yọọn 17:2 ပူးပေါင်းရင်းမြစ်များ

Matiu 11:27

“Ete mmi ayaak afịd ñkpọ ansịn ke ubọk ndin baaba awo ndomokeed idiọọñọke Ayịn ke mmiibọhọke Ete, kpa naña nte awo ndomokeed mmiidiọọñọke Ete ke mmiibọhọke Ayịn, mme mbon Ayịn amekke adiyaara anye nnọ.

Matiu 25:46

“Ñko ammọ eyaedʌk ke nsi-nsi ufen, ndin mme ndinen awo eyaedʌk ke nsi-nsi uwem.”

Matiu 28:18

Yisọs adi aditañ ikọ ye ammọ. Anye ate, “Eyaak afịd adudu ke anyọñ ye ke isọñ ennọ miin.

Yọọn 17:24

“Ete, ami ñyem mbon a-afo annọhọ miin eba mme ami ke itie a-ami mbaaha nọ ammọ ekịt ubọọñ mmi, ubọọñ a-afo annọhọ miin sia afo amaamma miin mbemiso afo akebot ederimbod.

Yọọn 17:6

“Ami mmuyaara fiin nnọ mbon a-afo akesiooho ke ederimbod annọ. Ammọ ekedo ake mfo; afo akeben ammọ annọ, ammọ ekpono ikọ mfo.

Yọọn 17:9

Ami mbọñ akam nnọ ammọ, ami mbọññọ akam nnọ ederimbod, ado mbọñ nnọ mbon se afo anọ-ọ sia ammọ edo ake mfo.

Yọọn 3:35

Ete ama Ayịn ndin ayaak afịd ñkpọ asịn anye ke ubọk.

Yọọn 4:14

ado awo keed ake adodo añwọññọ mmọọñ a-ami ndiinọ anye, itọñ idiisatta anye aba. Ke akpanikọ mmọọñ a-ami ndiinọ anye ayaakappa idịm ke esịd idem amọ afeghe akesịm uwem nsi-nsi.”

Yọọn 6:27

Ndufo ikiinam utom inọ ndidia adooho ayaabiara, ado inam inọ ndidia a-adiidat ikisịm nsi-nsi uwem, a-Ayịn Awo adinọ ndufo ke idem amọ. Sia Abasi Ete ke idem amọ awuuk idiọọñọ ke imọ imimek anye.”

Yọọn 6:37

Afịd awo se Ete annọ miin eyaedi embịne, ndin ami ndiibịneke awo ake adodo a-adieeghe ambịne miin.

Yọọn 6:39

Ndin uduak se anye akendọñ miin ado, ke ami ñyaak awo ndomokeed ke atu ammọ a-anye akennọọhọ asop, ado ami nnam ammọ eset ke akpatre usen.

Ñwed Mbon Rum 6:23

Sia utịp idiọọkñkpọ ado ñkpa, ado enọ Abasi ado nsi-nsi uwem ke Krais Yisọs Abọọñ ñnyịn.

1 Kọrint 15:25

Sia ana anye akara tutu anye asịn mme asua amọ ke idak ikpad amọ.

Efisọs 1:20

a-anye akesịnne ke Krais ke ini anye akenamma anye aset ke ñkpa anyʌñ atem anye ke ubọk udom amọ ke mme ikpeghe ebekpo ubọọñ,

Fidibai 2:10

Ma ato do ke anyịñ Yisọs afịd edọñ edinʌhọ, ke anyọñ mme ke isọñ,

1 Timoti 1:16

Emaentua miin mbọm ke ntak ami nọ Krais Yisọs andat miin andidiọọk ñkan ke atu mme ndiọi awo, nte uwọd-ñkpọ, ayaara anyan ime amọ anọ awo ake adodo a-adiinịm anye ke akpanikọ, anyʌñ adat anye akesịm nsi-nsi uwem.

Ibru 1:2

ado ke mme akpatre usen ami anye atañ ikọ inọ ñnyịn ato Ayịn amọ, a-anye amaakemek adia akpa ukeed ñkpọ, a-adooho ekenam ekondo eto ke anye.

1 Bita 3:22

a-akenyọññọ abio ubọọñ Abasi atie ke ubọk udom Abasi, ye mme enyere, mme ukara ye mme adudu esuuk iwuod enọ anye.

1 Yọọn 1:2

Uwem ado amaawuọ awọd idem; ñnyịn imikịt anye inyʌñ itie ntiense ibaña anye, ñko immunyʌñ itañ inọ ndufo ibaña nsi-nsi uwem, a-akebaaha ye Ete anyʌñ ayaara idem iwọt ñnyịn.

1 Yọọn 2:25

Se anye akenwọñọ inọọ ñnyịn, kpa nsi-nsi uwem.

1 Yọọn 5:20

Imidiọọñọ ñko ke Ayịn Abasi adi anyʌñ inọ ñnyịn ifiọk naña ñnyịn ikeme edidiọọñọ andido akpanikọ. Ndin, ñnyịn idʌñ ke andido akpanikọ, kpa ke Ayịn amọ Yisọs Krais. Anye ado ñkukwere Abasi akpanikọ ye uwem nsi-nsi.

Ñwed Yud 1:21

Enịm idem ndufo ke ima Abasi enyʌñ etie ebet mbọm Abọọñ ñnyịn Yisọs Krais e-ediiben ndufo isịn ke uwem nsi-nsi.