Yọọn 17:19 - Ñwed Abasi Ke Ikọ Ibibio Ayo Mfịn

¹⁹ Ke ntak ammọ ami mmenam idem mmi asana, ma ammọ ñko esana ayọhọ-ayọhọ.

Yọọn 17:19 ပူးပေါင်းရင်းမြစ်များ

Yọọn 10:36

maama dise ndin anye a-Abasi akesiooho anịm saña-saña nte akemọ anyʌñ anọ adi ke ederimbod? Ntagha a-ndufo ebooho ke mmesappa anyịñ Abasi ke ami adibo, ‘Ami ndo Ayịn Abasi’?

Yọọn 15:13

Awo ndomokeed inieeghe ima a-akponno akan anye ami anye aduọhọ uwem amọ ke ntak mme ufan amọ.

Yọọn 15:3

Ndufo emesana ke ntak ikọ a-ami ñketañña inọ ndufo.

Yọọn 17:17

Dat akpanikọ mfo nam ammọ esana, ikọ mfo ado akpanikọ.

Yọọn 17:20

“Ami mbọññọ akam ami nnọ ammọ ikpọọñ ado mmenyʌñ mbọñ mbaña mbon e-ediinnịm miin ke akpanikọ ato ke ikọ ntiense ammọ ami,

1 Kọrint 1:2

Enọ ñwed ami esọk ufọkabasi ke Kọrint, ye mbon e-enamma esana ke Krais Yisọs, enyʌñ ekood edido mme ndisana ye ukeed awo ke ukeed itie e-ekoodo anyịñ Abọọñ ñnyịn Yisọs Krais, Abọọñ ammọ ye ake ñnyịn.

2 Kọrint 4:15

Afịd ami ado ke ufọn ndufo, ma mfọn asịmme ata uwak awo anam nọ ekọọm ayọhọ aduọi anọ Abasi ubọọñ.

2 Kọrint 7:14

Sia adieke ñkebuuroke mbuuro nnọ anye ibaña ndufo ke usʌñ ake adodo, ndiaaha abuud, ado naña afịd se ikitañ ye ndufo adooho akpanikọ, kpa ntodo ñko, afịd mbuuro a-mbuuroke nnọ Taitọs mbaña ndufo awuọ ado akpanikọ.

2 Kọrint 8:9

Sia ndufo emediọọñọ mfọn Abọọñ ñnyịn Yisọs Krais, ke akpesʌk ado anye akedooho imọ, ado ato ke ntak ndufo anye amaakappa ado uwueene nọ ato ke uwueene amọ ndufo ekappa edo mme imọ.

Kodosi 1:6

a-amaakedi ibịne ndufo. Ke afịd ederimbod eti etob ami anwịm mfịd ndin aka iso akọd, kpa naña anye asʌk anam ke atu ndufo tọọñọ ke usen a-ndufo ekekoppo ndin mfọn Abasi inwaaña ndufo ke afịd akpanikọ.

1 Tesadonia 4:7

Sia Abasi ikikoodo ñnyịn ate idido se mmiisanake, ado idu adisana uwem.

2 Timoti 2:10

Ke ntak ami ñko ke ami ñyọ ke ntak ufọn mbon a-Abasi amekke nọ ammọ ñko enie adinyaaña eto Krais Yisọs, enyʌñ ebọ nsi-nsi ubọọñ.

Taitọs 2:14

a-akeyakka idem amọ anọ ke ntak ñnyịn nọ ifak ñnyịn asio ke afịd idiọọkñkpọ adinam asana anọ idem amọ mme awo e-edoññoke ata ake amọ, e-enieeghe udọñ adinam se ifọn.

Ibru 10:29

Die ndin ke ediitre adinie unen adinọ awo a-adooho Ayịn Abasi ke idak ukod ufen, akpan-akpan, anye a-anamma iyiib edioomo nte mbad ñkpọ, a-akenamma anye asana, ñko akenyʌññọ asọñ Sịbidịd mfọn anyen?

Ibru 2:11

Ammọ, anye a-anamma awo asana ye mbon se enam esaana esịne ke ekpək keed. Ke ntodo, abuud imʌmmọ Yisọs adikood ammọ nditọete.

Ibru 9:13

Adieke iyiib mme ebod ye mme ayaara enañ ye ntọñ mme abaak enañ e-ekesidatta esiime mbon ammiisanake, enamma ammọ ekappa esana ke ikpọkidem,

Ibru 9:18

Ami ado ntak e-ekediisinamma ñkpọ kpa ke idak akpa edioomo ibọhọke eduọk iyiib.

Ibru 9:26

Akpedooho ntodo, awuọ Krais akpaakebọ ufen uwak-uwak ini tọọñọ ke ini e-ekebotto ederimbod. Ado idahami anye amaadi ini keed kpọd anọ ukeed awo ke mme utịd ini ami adidiben idiọọkñkpọ mfep ke anye adiwa idem amọ.

1 Yọọn 3:18

Nditọ mmi, yak awo akuuma uma ikpọk inua, yak ikap iwọt ima ke adinam ñnyịn ye ke akpanikọ.

1 Yọọn 3:3

Afịd awo se inie utọ idodanyen ami, e-enam idem ammọ asana, ukem-ukem naña anye ado Adisana.