Yọọn 17:15 - Ñwed Abasi Ke Ikọ Ibibio Ayo Mfịn

¹⁵ Akam mmi idooho yak afo aben ammọ asio ke ederimbod, ado yak afo akpeme anyʌñ asio ammọ ke ubọk mme andidiọọk.

Yọọn 17:15 ပူးပေါင်းရင်းမြစ်များ

Matiu 5:37

Ke ntodo yak ‘Ih’ mfo ado ‘Ih,’ yak ‘Iyo-o’ mfo ado ‘Iyo-o’; akpekan ado, se afo atañ ato setan.

Matiu 6:13

Kuuyak ñnyịn idʌk ke idomo, ado fak ñnyịn sio ke ubọk andidiọọk.’

Eti Etob Naña Duk Awet 11:4

Feen inọ ñnyịn ke mme ndiọiñkpọ ñnyịn, kpa naña ifeen inọ mbon e-edueeghe ñnyịn. Kuuyak ñnyịn idʌk ke idomo.’ ”

Eti Etob Naña Duk Awet 22:32

Ado ami mmaabọñ akam unọ fiin, mbaak mbuọdidem mfo adikpu, mbaak naña uduutịmme udemme ke mbuọdidem afo akan asọọñọ nditọ usọ idem.”

Kadesia 1:4

Anye a-akenọọhọ idem amọ ke ntak mme idiọọkñkpọ ñnyịn ma inyaaña ñnyịn asio ke idiọọk ayo emana ami, nte asañake akekem ke uduak Abasi Ete,

2 Tesadonia 3:3

Ado Abọọñ ayọhọ mme mbuọdidem, ndin anye ayainọ ndufo adudu anyʌñ ifak ñko asio ke ubọk anam idiọọk ñkpọ.

2 Timoti 4:8

Ndin idaha ami, ebeeñe anyanya etiido enịm ennọ miin, a-Abọọñ, unen Abiireikpe, adinnọ miin ke usen ado, ndin idooho ami ikpọọñ ke ediinọ, eyaanọ afịd mbon e-enieghe udọñ anye editịmme ndi.

1 Yọọn 5:18

Ñnyịn imidiọọñọ ke awo ake adodo a-Abasi abonno ikemeke adika iso ke idiọọkñkpọ; Ayịn Abasi adooho Ete akebon, ado Andikpeme anye, ndin setan ikemeke adinam anye idiọọkñkpọ.

1 Yọọn 5:19

Ñnyịn imidiọọñọ ke ñnyịn ido nditọ Abasi ñko ke ukeed-ukeed ñkpọ ke iso isọñ asịne ke ukara andidiọọk.