Yọọn 16:28 - Ñwed Abasi Ke Ikọ Ibibio Ayo Mfịn

²⁸ Ñketo Ete ndidʌk ederimbod; idahami ami ñyaakpọñ ederimbod ntịmme mbịne Ete mmi.”

Yọọn 16:28 ပူးပေါင်းရင်းမြစ်များ

Eti Etob Naña Duk Awet 24:51

Nte anye asʌkkọ adiọñ ammọ, anye asịkke akpọñ ammọ ndin emaeben anye edọọk ke anyọñ.

Eti Etob Naña Duk Awet 9:51

Ke ini amaakekpere adiben Yisọs ñkpọñ isọñ ndọọk ke anyọñ, anye amaasak iso adakka Yerusedem.

Yọọn 13:1

Akedo ke idaha eyemme itọọñọ Usọrọ Basofa. Yisọs amaadiọọñọ ke ini akem anye adikpọñ uwem ami mbịne Ete amo. Sia anye amaakemama ikọd amọ e-ekebañnake ke ederimbod, anye amaama ammọ akewuọ akpatre.

Yọọn 13:3

Yisọs amaadiọọñọ ke Ete amaayaak ukeed ñkpọ asịn ke adudu imọ, ñko ke imọ ikito Abasi idi, idiinyʌñ inyọñ ibịne Abasi;

Yọọn 14:28

“Ndufo emekop nte ami mbo: ‘Ami ñyaikpọñ, ñyaanyʌñ ntịmme ndi.’ Akpedo ndufo emaemma miin, esịd akpainem ndufo ke ñka mbịne Ete, sia Ete akpon añkan miin.

Yọọn 16:10

ke ntak unenido sia ami ñyaanyọñ mbịne Ete, ndin ndufo idiiñkịtte miin aba,

Yọọn 16:16

Akema, Yisọs amaabo ammọ ate “Ke etək-etək ini ndufo idiñkịtte miin aba, ke etək-etək ini ñko eyaemaana eñkịt.”

Yọọn 16:30

Idahami ñnyịn imikịt ke afo amediọọñọ afịd ñkpọ, ke ufọn ibaaha awo adubịp fiin mbịme. Ami anam ñnyịn inịm ke afo ato Abasi adi.”

Yọọn 16:5

Idahami, ami ñyaanyọñ mbịne anye a-akendọññọ miin, ado ndufo ndomokeed imbịppe ibo ‘Abiika uke?’

Yọọn 17:11

Ami mbooho mba aba ke ederimbod, ado ammọ esʌk ebaba ke ederimbod, sia ami ñyaanyọñ ubịne fiin. Adisana Ete, dat adudu anyịñ mfo kpeme ammọ, anyịñ afo akennọọhọ miin nọ ammọ edo keed kpa naña ñnyịn ido keed.

Yọọn 17:13

“Ami nsʌk ñnyọñ ubịne fiin idahami, ado ntañ mme ñkpọ ami naña ami nsʌkkọ mba ke ederimbod nọ ammọ enie ayọhọ idaara a-antooho miin ke esịd ammọ.

Yọọn 17:5

Ndin, idahami, Ete nnọ miin ubọọñ ke iso mfo ke ubọọñ ami ñkenieeghe ye afo mbemiso ntọọñọ ederimbod.

Yọọn 8:14

Yisọs amaabọọrọ ammọ, “Ñkpekọm ami ñkpetie ntiense nnọ idem mmi, ikọ ntiense mmi ado akpanikọ, sia ami mmediọọñọ nte ami ñketo ndi ye nte ami ñka. Ado ndufo inieehe ifiọk ibaña nte ami nto ndi mme nte ami ñka.

Yọọn 8:42

Yisọs amaabọọrọ, “Adieke Abasi akpedooho Ete ndufo, ndufo ekpaemma miin, sia ami nto Abasi ndi. Ami ñkedieeghe ke uduak idem mmi, ado anye akennọ ndi.