Yọọn 16:24 - Ñwed Abasi Ke Ikọ Ibibio Ayo Mfịn

²⁴ Tutu ami, kpaanam ndufo imbịppe ñkpọ ndomokeed ke anyịñ mmi. Ibịp ke eyaebọ, ndin idaara ndufo ayaayọhọ.

Yọọn 16:24 ပူးပေါင်းရင်းမြစ်များ

Matiu 6:9

“Do ndin akpena ndufo ebọñ akam ntom: “ ‘Ete ñnyịn a-abaaha ke anyọñ, nam ñnyịn ikpono anyịñ mfo,

Yọọn 14:1

“Ikiiyak esịd ndufo atịmede. Ndufo emenịm Abasi ke akpanikọ; innịm miin ñko ke akpanikọ.

Yọọn 14:14

Adieke ndufo ebeeñeke ñkpọ ake adodo ke anyịñ mmi, ami ñyaanam.”

Yọọn 15:11

Mmetañ ami inọ ndufo ma idaara mmi aba ye ndufo, ñko nọ idaara ndufo anyʌñ ayọhọ.

Yọọn 16:23

Ini ado amaakem, ndufo idimbịppe ñkpọ ba keed. Ke ata akpanikọ ami ntañ inọ ndufo, Ete mmi ayaainọ ndufo ñkpọ ake adodo e-ediibịp ke anyịñ mmi.

Yọọn 3:29

Anwaan ndọ anie ebendọ. Ufan a-aseeghe ñkpọ abaña ebendọ ami atietie anyʌñ akpañ utọñ anọ anye, esịd anyʌñ ayọhọ ye idaara anye amaakop uyo ebendọ. Inemesịd ado ado ake mmi, ndin idahami esịd mmi ayọhọ mme idaara.

2 Tesadonia 1:2

Mfọn ye emem a-atooho Abasi Ete ye Abọọñ Yisọs Krais isịm ndufo.

2 Yọọn 1:12

Mmenie uwak-uwak ñkpọ se ñkpewet unọ fiin; ado ñyemme ediben ñwed ye mmọọñ ñwed ñwet. Utu ke ado, mmeduak adisọp nduse fiin ma ndineme nneme iso ye iso ye afo, nọ ato do idaara ñnyịn ayọhọ.