Yọọn 16:22 - Ñwed Abasi Ke Ikọ Ibibio Ayo Mfịn

²² Ukem-ukem ami ke ado mme ndufo, idahami ado ini mfʌhọ ndufo, ado ñyaamaana ikịt ndufo ndin ndufo eyaedaara, idiibaaha awo ake adikan iben idaara ndufo ifep.

Yọọn 16:22 ပူးပေါင်းရင်းမြစ်များ

Matiu 28:8

Ke uteñe ye akwa idaara mme ibaan ado emaesọsọp ekpọñ itie udi enyʌñ efeghe eka adidọkkọ mme mbed amọ.

Eti Etob Naña Duk Awet 10:42

ado ñkpọ keed ke awo akpenekke ayem. Mmeri amek anye a-afọnnọ akan, a-adooho awo ndomokeed idiibọọhọ anye.”

Eti Etob Naña Duk Awet 16:25

“Ado Ebraham amaabọọrọ anye ate, ‘Ayịn mmi, toiyo ke ayo uwem mfo amaanie nti ñkpọ ke ini Dasarọs akekịtte ukuud, ado idahami anye abọ idọñesịd mi, ado afo aba ke ndutʌkkọ.

Eti Etob Naña Duk Awet 19:26

“Anye amaabọọrọ ate, ‘Ibo ndufo nte ke awo a-anieeghenie, eyaedian mfen enọ, ado awo a-mmiinieeghenie, eyaebọ kpa etək se anye anie ado.

Eti Etob Naña Duk Awet 24:41

Ammọ emaekop inemesịd tutu ikanna inịm se ekekịt, sia idem amaakpa ammọ; anam anye abo ammọ ate, “Emenie ñkpọ se edia?”

Yọọn 14:1

“Ikiiyak esịd ndufo atịmede. Ndufo emenịm Abasi ke akpanikọ; innịm miin ñko ke akpanikọ.

Yọọn 14:19

Ke etək ini, ederimbod idiiñkịtte miin aba, ado ndufo eyaeñkịt. Sia ami mmedu uwem ndin ndufo ñko eyaedu uwem.

Yọọn 14:27

Emem ke ami ñkpọñ inọ ndufo; emem mmi ke ami inọ ndufo. Ami inọọhọ ndufo naña ederimbod inọọ. Ikiiyak esịd ndufo etịmede, ikiinyʌñ inyeñ idem.

Yọọn 16:16

Akema, Yisọs amaabo ammọ ate “Ke etək-etək ini ndufo idiñkịtte miin aba, ke etək-etək ini ñko eyaemaana eñkịt.”

Yọọn 16:20

Ke ata akpanikọ ami ntañ inọ ndufo, ndufo eyaetuaha enyʌñ efʌhọ ke ini mbon ederimbod ediidaara. Ndufo eyaefʌhọ ado mfʌhọ ndufo ayaakappa ado idaara.

Yọọn 16:6

Utu ke ado, esịd ndufo ayọhọ mme mfʌhọ sia mmetañ mme ikọ ami inọ.

Yọọn 21:7

Ami akenam nọ mbed a-Yisọs akemaaha abo Bita, “Abọọñ ke ado!” Saimọn Bita akekop naña anye abo, “Abọọñ ke ado,” anye amaatap afọñ afʌk idem (sia anye amaakpọk afọñ akebet ke isịn), atamma adʌk mmọọñ.

Yọọn 4:14

ado awo keed ake adodo añwọññọ mmọọñ a-ami ndiinọ anye, itọñ idiisatta anye aba. Ke akpanikọ mmọọñ a-ami ndiinọ anye ayaakappa idịm ke esịd idem amọ afeghe akesịm uwem nsi-nsi.”

Utom 13:52

Ndin mme mbed emaeyọghọ ye idaara ye Adisana Sịbidịd.

Utom 16:25

Ke nkpọ nte ufọọd akoneyo Bọọd ye Saidas emaebọñ akam enyʌñ ekwọ ikwọ enọ Abasi, ndin mme mbio ñkpakọb mfen ekesʌk ekpañ utọñ enọ ammọ.

Utom 2:46

Kwa usen, afịd ammọ emaesisoobo ke mme afe tembịd. Ammọ emaesibuuñ uyo ke ufọk ammọ, ewana ediaagha ke inem ye inwañ-inwañ esịd,

Utom 5:41

Mme abọsịd emaekpọñ esob Sanhidrin mme Yuu, edaara sia emaebat ammọ nte mbon e-edotto adidia buud ke ntak anyịñ Yisọs.

2 Kọrint 6:10

edat ñnyịn nte mbon mfʌghọ, ado iba ke idadesịd afịd-afịd ini; nte uwueene ado inam uwak awo enie inie; nte mme anana ñkpọ ke ini inieeghe afịd ñkpọ.

2 Tesadonia 2:16

Yak Abọọñ ñnyịn Yisọs Krais ke idem amọ ye Abasi Ete ñnyịn, a-akimaaha ñnyịn ndin ke mfọn amọ inọ ñnyịn nsi-nsi nsọọñọukod ye eti idodanyen,

Ibru 10:34

Ndufo emaesikop mbọm enọ mbon e-ekesịneke ke ufọk ñkpakọb, ñko ke ini ekesikoonoke mme inie ndufo, ekesibọ ke idaara sia emaediọọñọ ke ndufo ke idem ndufo emaenie mme inie, e-efọọnọ ekan e-ediinyʌñ ikpeene ke nsi-nsi.

Ibru 6:18

Abasi akenam ami nọ ato do, ke mme ñkpọ iba e-emmiikemeke adikpəhọ, a-Abasi ñko mmiikemeke adisʌhọ nsu, ñnyịn i-imaiikifeeñe idimʌm idodanyen e-enyanna inọ nte añkọ adimʌm ukpọñ ñnyịn, ma anye asọọñọ ada kwak!

1 Bita 1:8

Akpesʌk ado ndufo mmiikịtte anye, ndufo e-ema anye, ñko akpesʌk ado ndufo mmiikịtte anye idahami; ndufo emenịm anye ke akpanikọ enyʌñ eyọhọ ye idadesịd ake inua mmiikanna itañ a-anyʌññọ ayọhọ ye ubọọñ.