Yọọn 16:16 - Ñwed Abasi Ke Ikọ Ibibio Ayo Mfịn

¹⁶ Akema, Yisọs amaabo ammọ ate “Ke etək-etək ini ndufo idiñkịtte miin aba, ke etək-etək ini ñko eyaemaana eñkịt.”

Yọọn 16:16 ပူးပေါင်းရင်းမြစ်များ

Maak 16:19

Ke Abọọñ Yisọs amaaketañ mme ikọ ami ima, emaeben anye edọọk ke hefịn, anye anyʌñ asuuk atie ke ubọk udom Abasi.

Yọọn 12:35

Ndin Yisọs abo ammọ ate, “Ndufo eyaekaiso ekịt unwana ke etək-etək ini. Isaña idaha unwana abaaha do, mbemiso akịm ifʌk ndufo. Awo a-asañake ke akịm idiọọñọke nte anye aka.

Yọọn 13:3

Yisọs amaadiọọñọ ke Ete amaayaak ukeed ñkpọ asịn ke adudu imọ, ñko ke imọ ikito Abasi idi, idiinyʌñ inyọñ ibịne Abasi;

Yọọn 13:33

“Nditọ mmi, ndiiba mme ndufo ke etək-etək ini. Ndufo eyaenyem miin, ado kpa daña ñkedọdọkkọ mme Yuu, mmidọkkọ ndufo ñko idahami: itie nte ami ñka ndufo idiikanna idi.

Yọọn 16:10

ke ntak unenido sia ami ñyaanyọñ mbịne Ete, ndin ndufo idiiñkịtte miin aba,

Yọọn 16:22

Ukem-ukem ami ke ado mme ndufo, idahami ado ini mfʌhọ ndufo, ado ñyaamaana ikịt ndufo ndin ndufo eyaedaara, idiibaaha awo ake adikan iben idaara ndufo ifep.

Yọọn 16:28

Ñketo Ete ndidʌk ederimbod; idahami ami ñyaakpọñ ederimbod ntịmme mbịne Ete mmi.”

Yọọn 16:5

Idahami, ami ñyaanyọñ mbịne anye a-akendọññọ miin, ado ndufo ndomokeed imbịppe ibo ‘Abiika uke?’

Yọọn 17:13

“Ami nsʌk ñnyọñ ubịne fiin idahami, ado ntañ mme ñkpọ ami naña ami nsʌkkọ mba ke ederimbod nọ ammọ enie ayọhọ idaara a-antooho miin ke esịd ammọ.

Yọọn 17:5

Ndin, idahami, Ete nnọ miin ubọọñ ke iso mfo ke ubọọñ ami ñkenieeghe ye afo mbemiso ntọọñọ ederimbod.

Yọọn 7:33

Ndin Yisọs ate: “Ami mbiiba ye ndufo ke etək-etək ini, ndin ñyaatịmme mbịne anye a-akendọññọ.

Utom 1:3

Ke ini anye amaakebọ ukuud ama, anye amaawọt ammọ idem ye mme uwak utom idiọọñọ e-mmiidooho se efafaaña, ke emọ mmọọiba ke uwem. Anye amaawọt ammọ idem ke idaha ñkpọ nte usen aba anyʌñatañ ikọ abaña abio ubọọñ Abasi.

Ibru 12:2

Yak ñnyịn iwuuk anyen ñnyịn ke Yisọs, andido ntọọñọ ye andinam mbuọdidem ñnyịn afọn ama, a-akedooho ke ntak inemesịd e-ekenịmme ke iso amọ, anye akeyọ krọs, amiim ndọk amọ, anyʌñ asuuk atie ke ubọk udom ke ebekpo Abasi.