Yọọn 15:8 - Ñwed Abasi Ke Ikọ Ibibio Ayo Mfịn

⁸ Ubọọñ Ete mmi ado ami, ete ndufo enwịm uwak mfịd, ke adiwọt idem ndufo nte mme mbed mmi.

Yọọn 15:8 ပူးပေါင်းရင်းမြစ်များ

Matiu 5:16

Ke ukem usʌñ ami ana unwana ndufo ayamma ke iso mme awo, nọ ammọ ekịt nti utom ndufo enyʌñ etooro Ete ndufo ke anyọñ.

Matiu 5:44

Ado ami ibo ndufo ima mme asua ndufo inyʌñ ibọñ akam inọ mme mbon i-inọọhọ ndufo ndutʌkkọ;

Matiu 9:8

Ke ini atu awo ekịtte ñkpọ ami, ekamba ndịk amaamʌm ammọ, ammọ enyʌñ etooro Abasi, a-akenọọhọ mme awo utọ adudu ado.

Eti Etob Naña Duk Awet 6:35

Ado ima mme asua ndufo, inyʌñ isio ammọ usieene eti, iwuọd ammọ ñkpọ, ikiinyʌñ inie idodanyen aditịmme mbọ. Ndin utịb ndufo ayaakpon, ndufo eyaedoñño nditọ Andikoñ Ñkan, sia anye afọn ido ye mme anana esịd ekọọm ye mbon ndoom.

Yọọn 13:35

Emaenam ntom, afịd awo eyaediọọñọ ke ndufo edoñño mme mbed mmi, emaedumakka idem ndufo.”

Yọọn 15:5

“Ami ndo eto fain, ndufo edo mme ñkọk. Awo akpedʌñ ke ami, ami ñnyʌñ ndʌñ ke anye, anye ayaanwịm uwak mfịd; ekpensio miin efep ndufo idiikanna inam ñkpọ bene keed.

Yọọn 8:31

Yisọs amaabo mme Yuu e-ekenịmme anye ke akpanikọ ate: “Adieke ikọ mmi idʌññọ ndufo ke idem, ke akpanikọ ndufo edo mbed mmi.

1 Kọrint 10:31

Adieke afo adiaaha me ataaha, se afo ananam, nam afịd dịppe ubọọñ Abasi.

1 Kọrint 6:20

emaedep ndufo ke ekọmudua. Ke ntak ado idat idem ndufo inọ Abasi ukpono.

Fidibai 1:11

a-keyọihọke me mfịd nti ido a-atooho ke Yisọs Krais ke ubọọñ ye itooro Abasi.

Taitọs 2:10

ndin ekuunyʌñ uyịp ñkpọ ammọ, ado awọd nte ke amekeme inịm ammọ ke akpanikọ, nọ ato do ammọ ekpenam ukpeebñkpọ a-abañake Abasi Andinyaaña ñnyịn ado uyai-uyai.

Taitọs 2:5

adinie mfadidem ñnyʌñ ndoñño ndisana, adima inam ñkpọ ke ufọk, adinie ido se ifọn adinyʌñ nsuukiwuod nnọ mme ebe ammọ mbaak ato do awo ba keed adibiad ikọ Abasi.

1 Bita 2:12

Edu eti uwem ke atu mbon a-amidiọọñọke Abasi, akpesʌk ado ammọ etañña ikọ ibiaad ndufo, ammọ eyaekịt nti ido ndufo enyʌñ enọ Abasi ubọọñ.

1 Bita 4:11

Awo akpeatañ ikọ, yak anye atañ nte atañ ata ikọ Abasi. Adieke awo anamma ñkpọ anọ emọ-emọ awo, yak anye anam ato ke adudu a-Abasi anọọhọ anye anam, nọ atoodo ke afịd ñkpọ etooro Abasi ato ke Yisọs Krais. Ubọọñ ye odudu enie anye ke nsi-nsi nsi-nsi, Amen.