Yọọn 15:4 - Ñwed Abasi Ke Ikọ Ibibio Ayo Mfịn

⁴ Indʌñ miin ke idem, nte a-ami idʌññọ ndufo ke idem. Ñkọk ndomokeed ikemeke adinwịm mfịd ke idem amọ, ibọhọke anye ayịre ke fain. Ndufo ñko idiikanna inwịm mfịd ibọhọke endʌñ miin ke idem.

Yọọn 15:4 ပူးပေါင်းရင်းမြစ်များ

Matiu 12:33

“Nam eto afọn ndin mfịd amọ ayaafọn, akpenam eto abu, mfịd amọ ayaabu, sia ediọọñọ eto ekeene mfịd amọ.

Eti Etob Naña Duk Awet 8:15

Ado ñkpasi e-eduọññọke ke eti isọñ edoñño mbon e-enieeghe eti esịd, enie ime ye nsọọñọnda, ekop ikọ emʌm esịn ke esịd, enyʌñ enwịm nti mfịd.

Yọọn 14:20

Ke usen ado ndufo eyaediọọñọ ke ami mba ke Ete, kpa naña ndufo eba ke ami, ami ñko mba ke ndufo.

Yọọn 17:23

Ami ke ammọ, afo ke ami, ma ammọ ediana keed ayọhọ-ayọhọ. Do ndin ederimbod eyaediọọñọ ke afo akendọñ miin anyʌñ ama ammọ nte afo ammaagha miin.

Yọọn 6:56

Awo ake adodo a-ataaha ikpọkidem mmi anyʌñ inwọñ iyiib mmi aba mme ami, ami ñko ñnyʌñ mba mme anye.

Yọọn 8:31

Yisọs amaabo mme Yuu e-ekenịmme anye ke akpanikọ ate: “Adieke ikọ mmi idʌññọ ndufo ke idem, ke akpanikọ ndufo edo mbed mmi.

Utom 11:23

Anye amaakediwuọ anyʌñ akịt idiọọñọ se mfọn Abasi akenañña, anye amaanem esịd anyʌñatañ ikọ nsọọñukod anọ afịd ammọ ate emʌm mbuọdidem ammọ ke Abọọñ ekama ke afịd esịd.

Utom 14:22

esọọñọ mme ibed idem, enyʌñ edọñ ammọ esịd ete esọñ eda ke akpanikọ ye ke mbuọdidem. Ammọ emaebo mme ibed ete, “Ana ñnyịn iboiyo ke uwak ndutʌghọ nọ ikan idʌk abio ubọọñ Abasi.”

2 Kọrint 13:5

Iduuñọ idem ndufo ise me ndufo eba ke mbuọdidem; itʌm idomo idem ndufo. Nte ndufo idiọọñọke ke Krais Yisọs adọdʌñ ke idem ndufo? Miidooho ntodo, ke akpanikọ, ndufo iboiyoke udomo.

Kadesia 2:20

Emaeñkoñ miin mme Krais ke ntodo ami nduuho aba uwem, ado Krais adu ke ami. Uwem ake ami nduuho ke abʌkidem, ndu ke adibuọd idem ke Ayịn Abasi, a-akemmaaha miin ayaak idem amọ annọ.

Efisọs 3:17

nọ Krais adʌñ ke esịd ndufo ato ke mbuọdidem. Ñnyʌñ mbọñ akam ñko mbo ndufo e-emaekesọọñọ eda ke ima,

Fidibai 1:11

a-keyọihọke me mfịd nti ido a-atooho ke Yisọs Krais ke ubọọñ ye itooro Abasi.

Kodosi 1:23

adieke ndufo ekaaha iso ke mbuọdidem ndufo, e-esọọñọ eda, e-enie iwuuk, ifemmeke ikpọñ eti etob. Anye ami ñko ado eti etob andufo ekekoppo enyʌññọ ekwọrọ enọ afịd ñkpọ se Abasi abot ke ikpaanyọñ, ndin a-ami, Bọọd, ñkappake ndo afʌn nnọ.

Kodosi 1:27

Ato ke ammọ Abasi amek adiyaara ke atu mme Yentaid ubọọñ imọ ami se idịbe ke Krais abaaha ke ndufo, adooho idodanyen ubọọñ.

Kodosi 2:6

Ndin, kpa naña ndufo ekenyịmme Krais Yisọs nte Abọọñ, ekaiso edu uwem ke anye,

1 Tesadonia 3:5

Ke ntak ami, ke ini mmeñkekanna mme aba, ami mmaadọñ nte ebịp ebaña mbuọdidem ndufo. Ami mmaakop ndịk nte ke akeme ito usʌñ ake adodo andidomo idomo akeme ido amaidomo ndufo ndin afịd idem a-ñnyịn ikisịnne adido utak-utak.

Ibru 10:39

Ado ñnyịn isịneke ke atu mbon e-etịmmeke edem enyʌñ ebọ nsobo, ado isịne ke atu mbon e-enịmme enyʌñ ebọ adinyaaña.

1 Yọọn 2:6

Awo ake adodo adʌññọ ke anye ana adu uwem ukem-ukem nte Yisọs akedu.

2 Yọọn 1:9

Awo ake adodo a-afegheke akpọñ ukpeebñkpọ Krais inieeghe Abasi; awo a-akaaha iso ke ukpeebñkpọ Krais anie Ete anyʌñ anie Ayịn.