Yọọn 15:24 - Ñwed Abasi Ke Ikọ Ibibio Ayo Mfịn

²⁴ Akpedo ami ñkenamma ke ufọọd ammọ se awo mfen mmiikinamma, ammọ ikpinieeghe ubiom ikpe. Ado naña aba ami, ammọ ekịt mme utịbe ñkpọ ami ado ammọ esʌk ensuasua miin ye Ete mmi.

Yọọn 15:24 ပူးပေါင်းရင်းမြစ်များ

Matiu 11:5

Mme nnan ekịt usʌñ, mme mbʌñọ esaña isañ, mbon akpamfia esaana, mme inan enyʌñ ekop ñkpọ, mme akpañkpa eset ndin enyʌñ ekwọrọ eti mbʌk enọ mme uweene;

Matiu 21:32

Sia Yọọn amaadi adiwọt ndufo nnen-nnen usʌñ ado ndufo ikinịmme anye ke akpanikọ, ado mme abọ taksi ye mme akpara emaenịm anye ke akpanikọ. Kpa ye ado, ndufo ikikappake esịd, ikinyʌññọ inịm anye ke akpanikọ.

Matiu 9:33

Ndin anye amaakebịne ndiọi sịbidịd ado isịññe, imuum ado amaatañ ikọ. Idem amaakpa mme awo, ammọ enyʌñ ebo, “Kpaanam akpa ikịtte utọ ñkpọ ami ke Isred ado ami.”

Maak 2:12

Anye amaadakka ada ke iso afịd ammọ, aben aya amọ asaña anyọñ. Ami amaakpa afịd awo idem, ammọ enyʌñ ekọọm Abasi ete, “Kpaanam ñnyịn ikịtte utọ ñkpọ ntom!”

Eti Etob Naña Duk Awet 24:19

Anye amaabịp ate, “Me nso-o ñkpọ?” Ammọ ebọọrọ ete, “Abaña Yisọs ake Nasared. Anye akedo brọfed, anie adudu ke ikọ ye ke adinam ke iso Abasi ye ke atu afịd awo.

Yọọn 10:32

ado Yisọs abo ammọ, “Ami mmiwọt ndufo uwak nti utom a-atooho Ete mmi. Ake-e ke atu ami anam nọ ndufo entọọñ ke itiad?”

Yọọn 10:37

Ikiinnịm miin ke akpanikọ ibọhọke ami nnam utom Ete mmi.

Yọọn 12:10

Mme ikpọ aku emaenyʌñ enam akikere adiwot Dasarọs ñko,

Yọọn 12:45

Awo ake anse miin, akịt andikindọñ miin.

Yọọn 14:9

Yisọs amaabo ate, “Nte ami mmekeme iba ye ndufo afịd anyan ini ami, Fidib, ndin afo usʌkkọ undiọọñọ miin? Awo ake adodo añkịtte miin akịd Ete, ndin ndufo ekeme die adibo, ‘Iwọt ñnyịn Ete’?

Yọọn 15:21

Ammọ ediinam ntom mme ndufo ke ntak anyịñ mmi sia ammọ idiọọñọke andikindọñ miin.

Yọọn 15:22

Akpedo ami ñkedieeghe nditañ nnọ ammọ, ammọ ikpinieeghe ubiom ikpe; ado idahami, ammọ inieeghe ntak ntreutọñ idiọọkñkpọ ammọ.

Yọọn 15:23

Awo a-ansuaha miin asua Ete mmi ñko.

Yọọn 16:9

ke ntak idiọọkñkpọ, sia mme awo innịmme miin ke akpanikọ;

Yọọn 3:2

Anye amaadi adisoobo Yisọs akonayo keed anyʌñ abo anye ate, “Andikpeeb, ñnyịn imidiọọñọ ibo ke afo ado andikpeeb a-atooho Abasi. Sia awo ndomokeed ikpikanna inañña mme utịbe idiọọñọ ñkpọ a-afo anaññake adieke Abasi mmiibaaha mme anye.”

Yọọn 5:36

“Ado ntiense mmi akpon akan ake Yọọn. Sia kpa utom e-Ete annọọhọ abo nnam mma, a-adooho anye ke nsʌk nam, ado ntiense awọttọ ke Ete akendọñ.

Yọọn 6:36

Ado nte mmaakidọkkọ ndufo, ndufo emeñkịt miin ado isʌkkọ inịm ke akpanikọ.

Yọọn 7:31

Kpa ye ado, amaabañña uwak awo ke atu awo e-ekenịmme anye ke akpanikọ. Ammọ emaebo ete, “Mesaya amaadi, anye ayaanam idiọọñọ utịbe ñkpọ awak akan se awo ami anam?”

Yọọn 9:32

Tọọñọ ederimbod aketọọñọ awo ikoppo nte ebo ke awo atat awo a-akemanake nnan anyen.

Yọọn 9:41

Yisọs abo amọ: “Akpedo ekedo nnan, ikpe ikpitịppe ndufo; ado sia ndufo ebooho ke ndufo, ‘emekịt ñkpọ,’ ikpe itịp ndufo.”

Utom 10:38

naña Abasi akeyet Yisọs Ayịn Nasared adan ye Adisana Sịbidịd ye adudu, ye naña anye akesaña anañña nti ñkpọ anyʌñ akọk afịd mbon udọñọ mme awo e-ekebaaha ke ukad andidiọọk, sia Abasi amaaba ye anye.

Utom 2:22

“Ndito Isred ñnyịn, ikpañ utọñ ikop se mbo ntañ: Yisọs ayịn Nasared akedo awo a-Abasi akebenne iwọt ndufo anwa-anwa ato ke mme utịbe ñkpọ ñkpaidem ye mme idiọọñọ a-Abasi akanamma ke ufọọd ndufo ato ke ubọk amọ, nte ndufo ke idem ndufo ediọọñọke.

Ñwed Mbon Rum 1:30

ebiad awo ke ikọ inua, esua Abasi, esọọñ anyen, ekịt idem enyʌñ ekpọk inua; ammọ etʌppọ mme nsio-nsio usʌñ adinam ndiọiñkpọ; enyʌñ esọñ iwuod mme ete ye eka ammọ,

2 Timoti 3:4

ammọ eyaetap mme awo enọ mme asua, mme afai, enyʌñ ekop inem ederimbod ekan ima Abasi,

Yemsi 4:4

Ndufo mme esịn efịbe, ado nte ndufo idiọọñọke ke ufan mme ederimbod ado usua ke ñkañ Abasi?