Yọọn 14:9 - Ñwed Abasi Ke Ikọ Ibibio Ayo Mfịn

⁹ Yisọs amaabo ate, “Nte ami mmekeme iba ye ndufo afịd anyan ini ami, Fidib, ndin afo usʌkkọ undiọọñọ miin? Awo ake adodo añkịtte miin akịd Ete, ndin ndufo ekeme die adibo, ‘Iwọt ñnyịn Ete’?

Yọọn 14:9 ပူးပေါင်းရင်းမြစ်များ

Maak 9:19

Yisọs abọọrọ ate, “O emana unana mbuọdidem. Ami ndiiba ye ndufo ñkpeene die? Ndiiyọ ndufo nọ akpeene die? Ben ayịn ado nsọk.”

Eti Etob Naña Duk Awet 12:56

Mme mbubịk! Ndufo emediọọñọ naña ese anyọñ etañ naña ayo adiiba. Anam die ndin nọ ndufo mmiikanna ikappoa idiọọñọ ini ntom?

Yọọn 1:14

Ikọ amaakappa ado awo anyʌñ adʌñ mi ke ederimbod ke atu ñnyịn. Ñnyịn inyʌñ ikịt ubọọñ amọ a-anye anieeghe ato Ete nte ukwueeñe Ayịn Abasi Ete a-ayọhọke ye mfọn ye akpanikọ.

Yọọn 10:30

Ami ye Ete mmi ido keed.”

Yọọn 12:45

Awo ake anse miin, akịt andikindọñ miin.

Yọọn 14:20

Ke usen ado ndufo eyaediọọñọ ke ami mba ke Ete, kpa naña ndufo eba ke ami, ami ñko mba ke ndufo.

Yọọn 14:7

Adieke ndufo endiọọñọke miin, eyaediọọñọ Ete mmi ñko. Tọọñọ ke idahami ndufo emediọọñọ anye enyʌñ ekịt anye.”

Yọọn 8:19

Ndin ammọ emaebịp anye ate, “Ete mfo aba ke uke?” Yisọs amaabọọrọ, “Ndufo indiọọñọke miin, inyʌññọ idiọọñọ Ete mmi, adieke ekpekendiọọñọke miin, ekpaekediọọñọ Ete mmi ñko.”

1 Kọrint 15:12

Adieke ekwọrọke ebo ke enam Krais aset ke ñkpa, usʌk ndufo enam die ebo ke adised ke ñkpa ibaaha?

Fidibai 2:6

a-Adooho ke ata emana amọ, anye ado Abasi, ado ikikereke ke adido ukem mme Abasi, ado ñkpọ se ana ñnyịn idiọọñọ;

Kodosi 1:15

Anye ado mbiod Abasi a-awo mmikanna ikịt ke anyen, andido akpa andito mmana ke afịd ñkpọ se Abasi abot.

Ibru 1:3

Ayịn ado uyama ubọọñ Abasi ye ata mbid idem amọ a-amʌmmọ afịd ñkpọ akama ke adudu ikọ amọ. Ke anye amaakenam awo asana ke adiyet idiọọkñkpọ nsio, anye amaasuuk atie ke ubọk udom Andikara ke abio ubọọñ Abasi.

1 Yọọn 5:20

Imidiọọñọ ñko ke Ayịn Abasi adi anyʌñ inọ ñnyịn ifiọk naña ñnyịn ikeme edidiọọñọ andido akpanikọ. Ndin, ñnyịn idʌñ ke andido akpanikọ, kpa ke Ayịn amọ Yisọs Krais. Anye ado ñkukwere Abasi akpanikọ ye uwem nsi-nsi.