Yọọn 14:7 - Ñwed Abasi Ke Ikọ Ibibio Ayo Mfịn

⁷ Adieke ndufo endiọọñọke miin, eyaediọọñọ Ete mmi ñko. Tọọñọ ke idahami ndufo emediọọñọ anye enyʌñ ekịt anye.”

Yọọn 14:7 ပူးပေါင်းရင်းမြစ်များ

Matiu 11:27

“Ete mmi ayaak afịd ñkpọ ansịn ke ubọk ndin baaba awo ndomokeed idiọọñọke Ayịn ke mmiibọhọke Ete, kpa naña nte awo ndomokeed mmiidiọọñọke Ete ke mmiibọhọke Ayịn, mme mbon Ayịn amekke adiyaara anye nnọ.

Eti Etob Naña Duk Awet 10:22

“Ete mmi amaayaak afịd ñkpọ ansịn ke ubọk. Awo ndomokeed idiọọñọke ake awo Ayịn ado, ibọhọke Ete ikpọọñ, awo ñko idiọọñọke se Ete ado, ibọhọke Ayịn ye mbon a-Ayịn amekke adiyaara anye nnọ.”

Yọọn 1:18

Awo ndomokeed akenam ikịtte Abasi, ado Ayịn Abasi ikpọọñ-ikpọọñ, a-anyʌññọ ado Abasi ke idem amọ, a-atieeghe ke ñkañ Abasi, anam eyaara anye.

Yọọn 15:24

Akpedo ami ñkenamma ke ufọọd ammọ se awo mfen mmiikinamma, ammọ ikpinieeghe ubiom ikpe. Ado naña aba ami, ammọ ekịt mme utịbe ñkpọ ami ado ammọ esʌk ensuasua miin ye Ete mmi.

Yọọn 16:3

Ammọ adinam mme uto ñkpọ ami sia ammọ idiọọñọke Ete me ami.

Yọọn 17:21

nọ afịd ammọ edo keed, Ete, ukem-ukem naña afo aba ke ami, ami ñnyʌñ mba ke afo. Yak ammọ ñko eba ke ñnyịn nọ ederimbod enịm ke afo akendọñ miin.

Yọọn 17:23

Ami ke ammọ, afo ke ami, ma ammọ ediana keed ayọhọ-ayọhọ. Do ndin ederimbod eyaediọọñọ ke afo akendọñ miin anyʌñ ama ammọ nte afo ammaagha miin.

Yọọn 17:26

Ami mmuyaara fiin nnọ ammọ ndin ñyaaka iso uyaara fiin ma ima a-afo anieeghe annọ miin aba mme ammọ ndin ami ke idem mmi mba mme ammọ.”

Yọọn 17:3

Idahami ami ado nsi-nsi uwem: ma ammọ udiọọñọ fiin, ukweeñe-ukweeñe Abasi akpanikọ, ye Yisọs Krais a-afo akenọọhọ adi.

Yọọn 17:6

“Ami mmuyaara fiin nnọ mbon a-afo akesiooho ke ederimbod annọ. Ammọ ekedo ake mfo; afo akeben ammọ annọ, ammọ ekpono ikọ mfo.

Yọọn 17:8

Sia ami mmaanọ ammọ ikọ a-afo akennọọhọ miin ndin ammọ emaenyịmme. Ammọ emaediọọñọ ayọhọ-ayọhọ ete ke ami ñkuto fiin ndi, ndin ammọ emaenịm ke afo akendọñ miin.

Yọọn 6:46

Kpaanaanam awo ndomokeed ikịtte Ete ibọhọke anye a-atooho Abasi; anye ikpọọñ akịd Ete.

Yọọn 8:19

Ndin ammọ emaebịp anye ate, “Ete mfo aba ke uke?” Yisọs amaabọọrọ, “Ndufo indiọọñọke miin, inyʌññọ idiọọñọ Ete mmi, adieke ekpekendiọọñọke miin, ekpaekediọọñọ Ete mmi ñko.”

2 Kọrint 4:6

Sia Abasi akenọọhọ uyo ate, “Yak unwana ayama ke akịm,” amaanam unwana amọ ayama ke esịd ñnyịn ma anye anwaña awo anyen adidiọọñọ ubọọñ Abasi ke iso Yisọs Krais.

Ibru 1:3

Ayịn ado uyama ubọọñ Abasi ye ata mbid idem amọ a-amʌmmọ afịd ñkpọ akama ke adudu ikọ amọ. Ke anye amaakenam awo asana ke adiyet idiọọkñkpọ nsio, anye amaasuuk atie ke ubọk udom Andikara ke abio ubọọñ Abasi.

1 Yọọn 2:13

Mmewet inọ ndufo mme ete, sia ndufo emediọọñọ anye a-akebaaha tọọñọ ke editọọñọ. Ñwet inọ ndufo ñkparawa, sia ndufo emekan andidiọọk. Ñwet nnọ ndima ntəkayịn sia ndufo emediọọñọ Ete.