Yọọn 14:3 - Ñwed Abasi Ke Ikọ Ibibio Ayo Mfịn

³ Ami ñka adikitʌm itie inọ-ọ ndufo, ami ñyaatịmme ndi ndiben ndufo nnọ idem mmi, nọ ndufo eba mme Ami ke itie nte ami mba.

Yọọn 14:3 ပူးပေါင်းရင်းမြစ်များ

Yọọn 12:26

Awo ake adodo anamma ñkpọ annọ miin ana añkeene miin; ndin itie nte ami mba, mbed mmi ana eba ke ndo. Ete mmi ayaakpono awo a-anamma ñkpọ annọ.

Yọọn 14:28

“Ndufo emekop nte ami mbo: ‘Ami ñyaikpọñ, ñyaanyʌñ ntịmme ndi.’ Akpedo ndufo emaemma miin, esịd akpainem ndufo ke ñka mbịne Ete, sia Ete akpon añkan miin.

Yọọn 14:4

Ndufo emediọọñọ usʌñ itie a-ami ñkaaha.”

Yọọn 17:24

“Ete, ami ñyem mbon a-afo annọhọ miin eba mme ami ke itie a-ami mbaaha nọ ammọ ekịt ubọọñ mmi, ubọọñ a-afo annọhọ miin sia afo amaamma miin mbemiso afo akebot ederimbod.

Utom 1:11

Ammọ emaebịp mme mbed mbịme ete, “Ndufo mbon Kadidi, nsinam ndufo edudak mi ewuuk anyen ese ikpaanyọñ? Yisọs e-ebenne ikpọñ ndufo mi edọọk ke anyọñ, ayaatịmme adi ke ukem-ukem usʌñ a-ndufo ekịtte naña anye asaña adʌk abio ubọọñ Abasi.”

Ñwed Mbon Rum 8:17

Do ndin adieke ñnyịn idooho nditọ amanaisọñ ndin ñnyịn ido mme adiaakpa–adiaakpa ake Abasi ye mme adiana adiaakpa mme Krais; sia adieke ñnyịn iwuaanake ke ufen amọ ke akpanikọ, iyainyʌñ iwuaana ke ubọọñ amọ.

Fidibai 1:23

Ami nda ke ufọọd ñkpọ iba ami: Ami mmenie udọñ adikpọñ ñnyʌñ mba ye Krais, a-atʌmmọ afọn akan;

2 Tesadonia 1:12

Ñnyịn ibọñ akam ami ite akpedo ntodo nọ anyịñ Abọọñ ñnyịn Yisọs akpebọ ubọọñ ke idem ndufo, ndin ndufo ñko ke anye, nọ asaña akekem ke mfọn Abasi ñnyịn ye Abọọñ Yisọs Krais.

2 Timoti 2:12

Adieke ñnyịn inieeghe ime, ñnyịn iyaida ubọọñ ye anye. Adieke ñnyịn ikañña anye, anye ayaikan ñnyịn.

Ibru 9:28

kpa ntodo ke ekewa Krais ini keed kpọd nọ abiom ndiọiñkpọ uwak mme awo afep; ndin anye ayaamaana adi ayọhọ ñkemba, idooho adidibiom idiọọkñkpọ, ado adidat adinyaaña nsọk mbon e-etieeghe ebet anye.

Adiyaara 3:21

Anye a-akanna ke ndiinọ unen aditie ye ami ke ebekpo mmi; kpa nte a-ami ñkekanna nnyʌñ nsuuk ntie mme Ete mmi ke ebekpo amọ.